EZEQUIEL 8:16 - Biblia Guarani Tumpa Iñee

¹⁶ Jayave chereraja yandeYa itupao joka japɨpe pe, jare aecha yandeYa itupao jöke jare mɨmba oyeyuka oyeapɨ jese vae ipäu pe, veinticinco rupi kuimbae ikupe omee ñogüɨnoi yandeYa itupao kotɨ, omae reta kuaraɨ oëa kotɨ, itindɨasɨ reve ɨvɨ re omboete reta kuaraɨ.

EZEQUIEL 8:16 ပူးပေါင်းရင်းမြစ်များ

1 REYES 8:29

emae avei pɨ̈tu yave jare ara pe kuae o re, kuae: ‘Cheree oïta pɨpe’ rere chupe vae re; jare eendu nderembiokuai yerure oyapo yave kuae o pe.

2 REYES 16:14

Jare mɨmba oyeyuka oyeapɨ jese vae jiero iyu vae pegua yandeYa jo jóvai oï vae, Acaz ombosɨrɨ jare oñono ɨvɨtuguasu kotɨ mɨmba oyeyuka oyeapɨ jese vae ipɨau vae iyɨke pe, echa tupao güi jare jae oyapouka ramo vae güi ipäu pei ma opɨta.

2 REYES 21:5

Omopüa ye ïru mɨmba oyeyuka oyeapɨ jese vae reta opaete ara ipo reta peguarä, yandeYa jo joka mókoi oï vae ñavo pe.

2 REYES 23:11

Güɨnoe vi kavayu reta Judá pegua mburuvicha guasu reta güɨrökuavee kuaraɨ pe vae, yandeYa jo jöke pe ñogüɨnoi vae, eunuco Natán-melec mɨmba ikarúa renda re oyangareko vae jo jóvai, jare oapɨ vi käretou reta, kuaraɨ pe oñererökuavee vae reta.

2 REYES 23:5

Javoi opa omoë omombo sacerdote reta mburuvicha guasu reta Judá pegua oñono sacerdoterä vae, oapɨ reta vaerä ikäti kavi vae incienso mbaemboete renda ɨvɨtɨ rupigua, tëta guasu reta Judá pegua rupi jare Jerusalén iyɨ́vɨri ñogüɨnoi vae reta rupi vae, jaeramiño vi ikäti kavi vae incienso oapɨ reta Baal pe vae, kuaraɨ pe jare yasɨ pe vae, yasɨtata reta pe vae, jare opaete ïru ara ipo reta pe vae.

2 CRÓNICAS 29:6

Echa peñemuñagüe reta oyembopɨapochɨ, oyapo reta ikavimbae yandeYa Tumpa jesa róvai; oeya reta yandeYa itupao, oyerova reta chugüi.

2 CRÓNICAS 7:7

Jaeramiño vi Salomón oñono tee yandeYa itupao guasu joka, jöke jenonde oï vae, echa joko pe omee mɨmba oyeyukagüe opaetei oyeapɨ vae jare mɨmba oyeyukagüe yembopɨakatu pegua ikɨragüe, echa mɨmba oyeyuka oyeapɨ jese vae jiero iyu vae pegua Salomón oyapo vae, mbaetɨ iyave mɨmba oyeyukagüe opaetei oyeapɨ vae reta, mbota reta temitɨ jäɨ jare mɨmba ikɨragüe reta.

JEREMÍAS 2:27

echa metei ɨvɨra pe ave jei reta: ‘Nde ko cheru’, jare metei ita pe: ‘Nde ko chesɨ.’ Javoi cheve ikupe omee reta, mbaetɨ jova. Ërei ngatu, mbaesusere ou chupe reta yave, jei reta cheve: ‘¡Eyu orereepɨ!’

JEREMÍAS 32:33

Ikupeño omee reta cheve, mbaetɨ jova. Yepe tëi mbaetɨ aeya kërai yepe amboembae, jeseve mbaetɨ oyapo reta che jae vae, jare mbaetɨ vi oipota oikuaa reta mbae jeko pegua ko oñenupa vae.

JEREMÍAS 44:17

Royapoñota roñererökuavee ma royapo vaerä vae. Roapɨta ikäti kavi vae incienso jare mbota vino oyepɨyere vae oretumpa ara pegua Mburuvicha kuña jee vae pe, añave rupi royapo roiko rami, jare tenonde rupi oreñemuñagüe reta, oreruvicha guasu reta jare tëta ruvicha reta Judá pegua jare kaye Jerusalén pegua rupi oyeapose rami. Jayave rogüɨnoise jeta tembíu, ikavi roiko jare mbaetɨ etei ou mbae nunga susere oreve;

JEREMÍAS 7:18

Michia reta güeru yepea tu pe jare tu reta oyatapɨ, kuña reta omboípɨu trigokúi mbɨyaperä omee vaerä mbota tumpa-raanga ara pegua Mburuvicha kuña pe oenɨi jae reta vae. Omee reta vi mbota vino oyepɨyere vae tumpa ambuae reta pe, chemboarasɨuka vaerä.

JEREMÍAS 8:2

jare omoai retata ikatu rupi kuaraɨ pe, yasɨ pe jare opaete yasɨtata jae reta omboetese jare oyeokuaise chupe vae pe. Mbaetɨ eteita kia omonoo oñotɨ vaerä. Oñemoaita ñogüɨnoi ɨvɨ re tepoti rami.

EZEQUIEL 10:3

Kuae kuimbae oike yave, araɨgua querubín reta ñogüɨnoi arayevɨ kotɨ tupao güi; jare amapɨtu tɨnɨe tupao joka japɨpegua.

EZEQUIEL 11:1

Tumpa imbaepuere chereupi jare chereraja tupao jöke kuaraɨ oëa kotɨgua pe. Joko pe ñogüɨnoi veinticinco kuimbae. Jókuae reta ipɨte pe aecha mburuvicha reta tëta pegua, jae ko Jaazanías, Azur taɨ jare Pelatías, Benaía taɨ.

EZEQUIEL 23:35

Jáeramo, che ndeYa Tumpa jae körai: Neakañɨ chegüi jare reyerova chegüi ramo, reiporarata ndekuimbae pota vae jare ndeaguasa pota vae re.”

EZEQUIEL 23:39

Imembɨ omee oyeapɨ vaerä itumpa-raanga reta pe güire, oike reta vi jókuae ara chero mbaemboetea pegua pe, omongɨa reta vaerä. ¡Jae kuae oyapo reta chetupao pe etei vae!

EZEQUIEL 40:28

Jaɨkue rupi chereraja öke arayevɨ kotɨgua rupi, tupao joka michi vae pegua pe, jare ojäa öke arayevɨ kotɨgua; jare oyovake ïru reta ndive.

EZEQUIEL 40:6

Jaɨkue rupi ou kuaraɨ oëa kotɨgua öke oï vae kotɨ; oyeupi yeupika rupi jare ojäa jókuae öke-ɨta ipegüe, güɨnoi mboapɨ metro.

EZEQUIEL 43:5

Jayave Tumpa Imbaepuere chemopüa, jare chereraja oka michi vae pe, jare aecha Tumpa iyemboetea omotɨnɨe tupao.

EZEQUIEL 43:8

Omopüa reta jo kavi reta yave, omopüa reta chero iyɨpɨ pe etei, jaeño ete metei ovapetea oï mbɨte pe oreve oremboyao vaerä. Jae reta omongɨa cheree ikɨambae, pɨ̈chɨi vae oyapo reta vae rupi; jáeramo opa amokañɨtei reta chearasɨ yae rupi.

EZEQUIEL 45:19

Sacerdote tomboɨru jókuae mɨmba oyeyuka vae cheɨ̈ro vaerä mbaeyoa re vae jugüɨgüe, jare toipichɨ tupao jöke-ɨta reta re jare mɨmba oyeyuka oyeapɨ jese vae iekina ñavo re, jare tupao joka michi vae jöke-ɨta re.

EZEQUIEL 46:1

Che peYa Tumpa jae körai: Tupao joka michi vae jöke kuaraɨ oëa kotɨ omae vae oyeokendata oï ova ara rupi mbaravɨkɨ iara pe, ërei ara mbutuu pegua pe oyepeata, oyepeata vi yasɨ pɨau iarete pe.

EZEQUIEL 7:23

Eñono kavi karena, echa kuae ɨvɨ pe jeta oporoyuka vae, jare tëta guasu pe jeta teko-pɨ̈chɨi.

EZEQUIEL 8:15

Jayave jei cheve: “¿Nde kuimbae, reecha pa kuae? Oimeño reecha vaerä ikavimbae yae kuae güi vae.”

JOEL 2:17

Tupao joka pe toyaeo sacerdote yandeYa jembiokuai reta, jare tei reta: “Neïro oreYa, kuae tëta ndembae pe, agüɨye emee ñemomarai pe ndembae vae reta; agüɨye ïru tëtaguasu reta toyuvanga jese. ¿Remaeñota pa ïru tëtaguasu reta jei vaerä: ‘Jama pa neTumpa’?”

DEUTERONOMIO 17:3

omboete yave oyetavatɨka reve tumpa-raanga, kuaraɨ, yasɨ ani opaete ara ipo reta yandeYa oyopia vae,

DEUTERONOMIO 4:19

Ani pemae yave ara kotɨ jare peecha kuaraɨ, yasɨ jare yasɨtata, jare opaete ara ipo reta jare petindɨ pemboete ani peyeokuai chupe; echa yandeYa Tumpa ko oyapo kuae mbaembae, opaete vae reta peguarä.