EZEQUIEL 8:12 - Biblia Guarani Tumpa Iñee

¹² Jare jei cheve: “¿Nde kuimbae, reecha pa Israel iñemuña itenondegua reta oyapo vɨari, metei ñavo itumpa-raanga jɨru pe vae? Echa jae reta jei: ‘Ngaraa yandereecha yandeYa, oeya ma ko kuae ɨvɨ.’ ”

EZEQUIEL 8:12 ပူးပေါင်းရင်းမြစ်များ

2 REYES 17:9

Israel iñemuña reta oyapo vɨari mbaembae ikavimbae iYa Tumpa kotɨ, omopüa reta iyeupe mbaemboete renda opaete jëta guasu ñavo rupi; sundaro reta tëta oäro vae oyemboɨa ñavo rupi jare tëta guasu reta oñekëse kavía ñavo rupi,

SALMOS 10:11

Ipɨa pe jei: “¡Tumpa iñakañɨ chegüi! ¡Oñomi jova ngaraa chereecha!”

SALMOS 14:1

Iyarakuaambae jei ipɨa pe: “Mbaetɨ Tumpa.” Oñererokomegua reta, oyapo reta ikavimbae yae vae; mbaetɨ kia oyapo ikavi vae.

SALMOS 73:11

Jare jei ipɨapochɨ vae reta: “¿Këraita pa oikuaa Tumpa? ¿Oikuaata yera Tuichagüe yae ete vae?”

ISAÍAS 29:15

¡Paravete! YandeYa güi oñemi vae reta, oñomi reta iyemongeta jare jembiapo pɨtumimbi pe, jare jei reta: ¡“Mbaetɨ kia yandereecha, mbaetɨ kia yandekuaa”!

ISAÍAS 47:10

Ndepɨa güive reyapo reiko ikavimbae, reyemongeta mbaetɨ ko kia ndereecha vae. Ndearakuaa katu yae vae ndembotavɨ, reyemongeta ndepɨa pe, mbaetɨ yé kia ndegüi vae.

EZEQUIEL 14:1

Yogüeru chépɨri amogüe Israel iñemuña itenondegua reta, jare oguapɨ cheróvai.

EZEQUIEL 20:1

Chiúa año re, pandepoa yasɨ re, payandepo araa pe, amogüe Israel iñemuña itenondegua reta yogüeru oparandu yandeYa pe, jare oguapɨ reta cheróvai.

EZEQUIEL 8:11

Jare jókuae mbae iä reta jóvai ñogüɨnoi setenta Israel iñemuña itenondegua reta, jare Jaazanías, Safán taɨ oï jae reta ipɨte pe, omboete reta jókuae tumpa-raanga reta; metei ñavo güɨnoi ikäti kavi vae incienso oyeapɨ pɨpe vae ipo pe; chugüi jüu opüa incienso jätati.

EZEQUIEL 8:13

Jei ye cheve: “Oimeño reecha vaerä mbae pɨ̈chɨi yae ete oyapo reta vae.”

EZEQUIEL 8:15

Jayave jei cheve: “¿Nde kuimbae, reecha pa kuae? Oimeño reecha vaerä ikavimbae yae kuae güi vae.”

EZEQUIEL 8:17

Jayave yandeYa jei cheve: “Nde kuimbae ¿reecha pa? ¡Mbaetɨ etei yangapɨɨ Judá pegua reta oyapo ikavimbae vae, omotɨnɨe ikavimbae pe kuae ɨvɨ! Jekuaekuae rupi chemboarasɨuka reta; chembopɨayuguaru jeko reta.

EZEQUIEL 9:9

YandeYa jei cheve: “Mbaeyoa oyapo Israel pegua jare Judá pegua reta vae ikaviä yae ko. Kuae ɨvɨ pe jeta yae oyoyuka vae; jare kuae tëta guasu pe jeta jupimbae. Echa jei reta: ‘YandeYa oeya ma ko kuae ɨvɨ, ngaraa oecha yayapogüe.’

SOFONÍAS 1:12

Jókuae ara, amoendɨta metei mechero jare amboesapeta amae Jerusalén re. Jare aiporaraukata jókuae ipɨagüive ñogüɨnoi vae reta pe, vino kïrii ngatu oï kopa pe rami vae, echa jókuae reta jei iyeupe: ‘¡YandeYa ngaraa oyapo mbae, ngaraa oyapo ikavi vae ani ikavimbae!’

Efesios 5:12

Echa ñemomarai ko ñanemiari vaerä ave jókuae oyapo vɨari reta vae re.

DEUTERONOMIO 27:15

‘Tijeko jókuae kuimbae oyapo mbae iägüe ani tumpa-raanga jiero oyemondɨkuigüe pe vae, pɨ̈chɨi yae ko yandeYa pe, kuimbae ipoki vae jembiapo, jare oñomi oñono vae.’ Jare opaete vae tei: ‘Amén.’