EZEQUIEL 8:11 - Biblia Guarani Tumpa Iñee

¹¹ Jare jókuae mbae iä reta jóvai ñogüɨnoi setenta Israel iñemuña itenondegua reta, jare Jaazanías, Safán taɨ oï jae reta ipɨte pe, omboete reta jókuae tumpa-raanga reta; metei ñavo güɨnoi ikäti kavi vae incienso oyeapɨ pɨpe vae ipo pe; chugüi jüu opüa incienso jätati.

EZEQUIEL 8:11 ပူးပေါင်းရင်းမြစ်များ

2 REYES 22:12

mburuvicha guasu oyókuai sacerdote Hilcías, jare Ahicam, Safán taɨ, Acbor, Micaías taɨ, ombaekuatía vae Safán jare Asaías mburuvicha guasu iyɨvɨrigua, jei chupe reta:

2 REYES 22:14

Jayave sacerdote Hilcías, Ahicam, Acbor, Safán jare Asaías yogüɨraja ñeemombeúa kuña Hulda pɨri, Salum jembireko; Salum jae ko Ticva taɨ, Harhas jɨmɨmino, temimonde reta iñovatúa. Hulda oiko tëta guasu Jerusalén jembeɨ kotɨ, jare omomiari reta yave,

2 REYES 22:3

Dieciocho año ma Josías oiko mburuvicha guasurä yave, omondo yandeYa jo kotɨ ombaekuatía vae Safán, Azalía taɨ, Mesulam jɨmɨmino, jei chupe körai:

2 REYES 22:8

Jayave sacerdote tenondegua Hilcías jei ombaekuatía vae Safán pe: “Aväe chupe tembikuatía mborookuai regua Moisés jembikuatía yandeYa jo pe.” Hilcías omee tembikuatía Safán pe jare omongeta.

2 REYES 25:22

Nabucodonosor mburuvicha guasu Babilonia pegua oiparavo mburuvicharä Gedalías, Ahicam taɨ, Safán jɨmɨmino, oyangareko vaerä Judá pe jae oeyagüe reta re.

2 CRÓNICAS 26:16

Ërei imbaepuere yae ma yave, ipɨa pe oyembotuicha, jökorai oyembosusere echa oyembopɨapochɨ iYa Tumpa kotɨ oike ramo yandeYa jo pe oapɨ vaerä ikäti kavi vae incienso, ikäti kavi vae incienso oyeapɨ jese vae re.

2 CRÓNICAS 26:19

Jayave Uzías, ipo pe güɨnoi ikäti kavi vae incienso oyeapɨ pɨpe vae oapɨ vaerä ikäti kavi vae incienso; jayave iyarasɨ sacerdote reta kotɨ. Jökorai rupive oë Uzías jesɨva re, pire mbaerasɨ ókui vae yandeYa jo pe etei, ikäti kavi vae oyeapɨ jese vae iyɨpɨ pe sacerdote reta jóvai.

2 CRÓNICAS 34:20

jupiveiño mburuvicha guasu oyókuai sacerdote Hilcías, jare Ahicam, Safán taɨ, jare Abdón, Micaías taɨ, jare ombaekuatía vae Safán, jare Asaías mburuvicha guasu iyɨvɨrigua, jei chupe reta:

ÉXODO 24:1

YandeYa jei Moisés pe: —Peyeupi che aïa pe, nde jare Aarón, Nadab, Abiú jare setenta Israel iñemuña itenondegua reta; jare chemboete mombɨrɨ güiño.

ÉXODO 24:9

Jare oyeupi Moisés, Aarón, Nadab, Abiú jare setenta Israel iñemuña itenondegua reta;

ISAÍAS 44:13

Ɨvɨra pegua mbaravɨkɨ pe oparavɨkɨ vae oipɨɨ tembiporu reta mbae ojäa pɨpe vae, jare ojäa kavi opaete mbaembae oyapota vae, omokañɨmaa lapi pe jare omboɨpɨ oparavɨkɨ; oyapo metei kuimbae iä, ombokavi kuimbae rami, javoi oñono o pe.

JEREMÍAS 19:1

YandeYa jei cheve: “Ekua egua metei ɨrɨru ñaeu pegua, oñaeu-apo vae güi, jare eraja nderupíe amogüe tenondegua reta tëta pegua jare amogüe sacerdote reta tenondegua.

JEREMÍAS 19:4

Echa Israel iñemuña reta chereeya, jare omongɨa reta kuae ɨvɨ; oapɨ reta ikäti kavi vae incienso tumpa-raanga reta pe, jae reta mbaetɨ oikuaa vae pe, iñemuñagüe reta ave jare mburuvicha guasu reta Judá pegua mbaetɨ oikuaa vae pe; jare kuae ɨvɨ omotɨnɨe reta jekombae jugüɨ pe.

JEREMÍAS 26:22

Mburuvicha guasu Joacim omondo Egipto pe Elnatán, Acbor taɨ, jare ïru kuimbae reta ndive,

JEREMÍAS 26:24

Ërei Ahicam, Safán taɨ, omoë iñee oepɨ vaerä Jeremías, jare kuae jei vae rupi mbaetɨ omboeterenga reta Jeremías opaete vae reta ipo pe, oyuka reta vaerä.

JEREMÍAS 29:3

Sedequías mburuvicha guasu Judá pegua omondo Elasa, Safán taɨ jare Gemarías, Hilcías taɨ, Nabucodonosor mburuvicha guasu Babilonia pegua pɨri yave, Jeremías omondo kuae tupapire jae reta ndive. Jókuae tupapire pe oyekuatía oï vae jei:

JEREMÍAS 36:10

Jare Baruc omongeta tembikuatía Jeremías iñee reta oyekuatía pɨpe vae, yandeYa itupao pe, Gemarías, ombaekuatía vae Safán taɨ icuarto joka ɨvate oï vae pe, Öke Pɨau jee vae jöke pe, opaete vae reta oendu vaerä.

JEREMÍAS 44:21

—¿Perovia pa yandeYa mbaetɨ oikuaa kuae, ani iñakañɨ, pe reta jare peñemuñagüe reta, peruvicha guasu reta, tëta ruvicha reta jare opaete vae peapɨ ikäti kavi vae incienso tumpa-raanga reta pe tëta guasu reta Judá pegua pe jare kaye Jerusalén pegua rupi vae güi?

JEREMÍAS 5:5

Taja yarakuaa katu vae reta kotɨ tachemiari chupe reta. Echa jae reta oikuaa yandeYa jemimbota regua, iTumpa iporookuai reta. Ërei opaetei ma yepe oyembopɨapochɨ reta Tumpa kotɨ, ñäteɨ oyapo reta mborookuai jei vae.

JEREMÍAS 7:9

Pemaeñomi, peporoyuka, peyuvanga menda re, peñererökuavee jaanga, peapɨ ikäti kavi vae incienso Baal pe, jare pemboete tumpa ambuae mbaetɨ peikuaa vae reta.

EZEQUIEL 20:1

Chiúa año re, pandepoa yasɨ re, payandepo araa pe, amogüe Israel iñemuña itenondegua reta yogüeru oparandu yandeYa pe, jare oguapɨ reta cheróvai.

EZEQUIEL 8:10

Aike, jare aecha oguambɨ re oñemopïra oyeapo oipotagüe mɨmba ipɨtía re oguata vae reta iä, jare mɨmba oyeumbae vae reta iä, güɨroyere reta oyapo oguambɨ re, Israel pegua reta itumpa-raanga iä reta.

DANIEL 9:8

CheYa Tumpa, ore jare jökoraiño vi oreruvicha guasu reta, oreruvicha reta jare oreñemuñagüe reta royandu oremara, echa oreyoa ndekotɨ.

NÚMEROS 11:16

Jayave yandeYa jei Moisés pe: —Emboatɨ cheve setenta kuimbae, Israel iñemuña reta itenondegua, nde reikuaa tenondegua reta ko tëta pe vae, mburuvicha reta; jare eru reta tupao guakapi pegua jöke pe, tacheräro reta joko pe nde ndive.

NÚMEROS 11:25

Jayave yandeYa ogüeyɨ amapɨtu re, jare omomiari; jare oekɨ espíritu oï jese vae güi, jare oñono jókuae setenta kuimbae tenondegua reta re; jare espíritu ogüeyɨ iárambo reta yave omboɨpɨ omombeu reta Tumpa iñee jókuae ara osondombae etei, ërei jókuae güire mbaetɨ ye.

NÚMEROS 16:17

jare toipɨɨ metei ñavo vae, ikäti kavi vae incienso oyeapɨ pɨpe vae imbae ae, jare peñono pɨpe ikäti kavi vae incienso, jare peya katu yandeYa jóvai metei ñavo vae ikäti kavi vae incienso oyeapɨ pɨpe vae ndive, dosciento cincuenta ikäti kavi vae incienso oyeapɨ pɨpe vae. Nde jare Aarón peraja vi pembae ae ikäti kavi vae incienso oyeapɨ pɨpe vae.

NÚMEROS 16:35

Jare yandeYa ombou vi tata, jare opa omokañɨtei jókuae dosciento cincuenta kuimbae reta, ikäti kavi vae incienso güɨrökuavee tëi ñogüɨnoi vae.

San Lucas 10:1

Kuae jaɨkue rupi yandeYa oiparavo ïru setenta kuimbae reta jare omondo jenonde mókoi mókoi rupi opaete tëta guasu reta jae ojotaa rupi.