EZEQUIEL 7:8 - Biblia Guarani Tumpa Iñee

⁸ Añave voi jaema aitɨta chearasɨ nderé, chepɨakatu apɨta regua, rojäata ndereko reta oï rupi, jare aiporaraukata ndeve opaete ikavimbae reyapo vae re.

EZEQUIEL 7:8 ပူးပေါင်းရင်းမြစ်များ

2 CRÓNICAS 34:21

—Pekua peparandu yandeYa pe cheré, jare Israel pe jare Judá pe jembɨregüe reta re, kuae tembikuatía pe ñee reta oñeväe vae regua; echa yandeYa iyarasɨ yae ko aipo yandekotɨ, echa ñaneñemuñagüe reta mbaetɨ oipota oendu kuae yandeYa iñee reta, mbaetɨ vi oyapo reta opaete kuae tembikuatía pe oyekuatía oï vae.

SALMOS 79:6

¡Eitɨ ndearasɨ tëtaguasu reta mbaetɨ ndekuaa vae reta re, jare mborookuaía reta mbaetɨ nderee omboete vae reta re!

ISAÍAS 42:25

Jáeramo ko oitɨ iyarasɨ jese reta ñeraro yavaetegüe rupi, opa oapɨ rami opɨta reta, ërei jeseve mbaetɨ oipota reta oendu.

JEREMÍAS 36:31

Jae jare iñemuña reta, jare iyɨvɨrigua mburuvicha reta pe aiporaraukata iyoa jeko pegua. Ambouta jese reta, jare Jerusalén pe yogüɨreko vae reta re jare opaete Judá pegua reta re opaete susere reta amoërakua vae, jae reta mbaetɨ oipota oendu vae.’ ”

JEREMÍAS 7:20

Jáeramo che peYa, aitɨta chearasɨ kuae tupao re, jare opaete tëta ipo reta re, jökoraiño vi mɨmba reta re, opaete ɨvɨra reta re, jare opaete temitɨ reta re. Mbae ókai vae mbaetɨ kia ipuere ombogüe vae ramita.”

LAMENTACIONES 2:17

YandeYa jei oyapo vaerä vae, oyapo; ombopo iñee, jókuae arakae güive ma jei oiko vaerä vae; oporomboai iñɨ̈rombae reve; omaeño nderovaicho reta ndeyóyai yóyai vaerä, jare omee nderovaicho reta imbaepuere yae vaerä.

LAMENTACIONES 2:4

Metei tovaicho omoata kavi igüɨrapa vae rami, oyapo katu iyɨva, metei tovaicho oyeapo katu rami, jare omboai, ipöra yae yepi vae; iyarasɨ ombou tata rami, Sión pegua reta jeyupa re.

LAMENTACIONES 4:11

YandeYa oitɨ iyarasɨ, oitɨ opaetei iyarasɨ; oyatapɨ Sión re, opaetei omboai iguapɨka reve.

EZEQUIEL 11:21

Ërei jókuae jekuaeño ipɨa pe itumpa-raanga pota vae ani oyemongeta ikavimbae vae re vae, aiporaraukata chupe jeko ae re. Che peYa ko jae kuae.’ ”

EZEQUIEL 14:19

Ani ambou yave mbaerasɨ ovakatu vae reta jókuae ɨvɨ pe, jare aitɨ yave chearasɨ jese amokañɨtei vaerä opaete vae reta jare mɨmba reta,

EZEQUIEL 16:43

Echa nde neakañɨ ndetaɨrusu reiko yave vae güi, jare chemboarasɨuka opaete kuae reyapo vae rupi; jáeramo aiporaraukata ndeve reyapogüe re. Che ndeYa Tumpa jae; echa mbaetɨ etei kërai ave reyemongeta ikavimbae reyapo vae re.’

EZEQUIEL 16:59

Che peYa Tumpa jae: Ngaraa ayapo nde ndive, nde reyapo rami, mbaetɨ remboete reñererökuavee vae, jare mbaetɨ rembopo morogüɨrökuavee päve.

EZEQUIEL 18:30

Che ajäata opaete Israel iñemuña reta jeko oï rupi. Che peYa jae. Peyepoepɨ jare peyembosɨrɨ pereko ikavimbae güi, agüɨye vaerä pekañɨtei.

EZEQUIEL 20:13

Ërei Israel iñemuña reta oyembopɨapochɨ chekotɨ ñuu pe; jare mbaetɨ yogüɨreko reta cheporookuai reta rupi, güɨröɨro reta, kia oendu jare oyapo yave oikoveta vae; omboeteä reta cheara reta mbutuu pegua. Jáeramo ayemongeta aitɨ vaerä chearasɨ jese reta ñuu pe, opa vaerä amokañɨtei reta.

EZEQUIEL 20:21

Ërei taɨ reta oyembopɨapochɨ reta chekotɨ, mbaetɨ yogüɨreko reta cheporookuai rupi, mbaetɨ oñovatu reta jare mbaetɨ oyapo reta, jare omboeteä reta cheara mbutuu pegua. Jáeramo ayemongeta aitɨ vaerä chearasɨ jese reta ñuu pe, chepɨakatu vaerä apɨta chearasɨ güi.

EZEQUIEL 20:33

Che peYa jae cheyé aeño, chembaepuere yae reve jare chearasɨ aitɨ peré reve, aporookuaita peré.

EZEQUIEL 20:8

Ërei oyembopɨapochɨ reta chekotɨ, jare ñäteɨ oyeapɨsaka reta cheré, mbaetɨ oeya itumpa-raanga reta, mbaetɨ oeya Egiptoɨgua reta itumpa-raanga. Jare jae aitɨ vaerä chearasɨ jese reta jókuae ɨvɨ Egipto pe; chepɨakatu vaerä apɨta chearasɨ güi.

EZEQUIEL 22:31

Jáeramo aitɨ chearasɨ jese reta, chearasɨ yae reve amboai reta, aiporarauka vaerä chupe reta jeko. Che peYa Tumpa jae kuae.”

EZEQUIEL 24:14

Che ndeYa jae vae, oyeapota ko. Che etei ko ayapota, ambopota ko cheñee; mbaetɨta roparareko, mbaetɨta aipoepɨ cheyemongeta. Aiporaraukata ndeve, ndereko oï rupi. Che ndeYa Tumpa jae.’ ”

EZEQUIEL 30:15

Aitɨta chearasɨ Sin re, jae ko Egipto iyeroviaka, jare amboaita Tebas pegua reta jeta yae vae.

EZEQUIEL 33:20

Ërei pere: ‘YandeYa mbaetɨ oyapo mbae jupi rupi.’ Ërei che pojäata Israel iñemuña reta metei ñavo pereko reta oï rupi.”

EZEQUIEL 6:12

Mombɨrɨ ñogüɨnoi vae omanota mbaerasɨ ovakatu vae rupi, köiño oï vae omanota ñeraro rupi jare jembɨregüe karuai oyukata. Jökorai chearasɨ aitɨta jese reta.

EZEQUIEL 7:27

Mburuvicha guasu omondeta temimonde mbɨatɨtɨ pegua, jare mburuvicha ipɨatɨtɨta, jare opaete vae reta okɨɨyeta. Jae reta jeko oï rupi aiporaraukata chupe reta, jare ajäa retata jae reta oporojäa rami. Jökorai chekuaa retata che ko jae iYa.”

EZEQUIEL 7:9

Mbaetɨta cheɨ̈ro ndeve, mbaetɨta roparareko; aiporaraukata ndeve opaete ndereko oï rupi, jare ikavimbae yae reyapo vae re. Jayave pe reta chekuaata che ko jae peYa aiporarauka peve vae.

EZEQUIEL 9:10

Jáeramo ngaraa cheɨ̈ro chupe reta, ngaraa aiparareko amae jese reta, aiporaraukata chupe reta, opaete jeko reta re.”

EZEQUIEL 9:8

Jae reta omboɨpɨ oporoyuka yave, apɨta cheño. Jayave ayetavatɨka chetindɨasɨ reve ɨvɨ re jare cheräse reve jae: “¡CheYa Tumpa! ¿Opata pa remokañɨtei Israel iñemuña reta jembɨregüe, reitɨ ramboeve ndearasɨ Jerusalén re?”

DANIEL 9:11

Opaete Israel iñemuña reta mbaetɨ oyapo ndeporomboe jare mbaetɨ oipota reta oyapo ndeporookuai reta; jáeramo oa oreré ikavimbae jare yepopeyu reta nderembiokuai Moisés iporookuai pe oyekuatía oï vae, echa oreyoa ndekotɨ.

DANIEL 9:27

Metei semana vae re jae oyapota metei morogüɨrökuavee päve jeta vae ndive; ërei semana mbɨte rupi oyopiata agüɨye vaerä ma oyeapo mɨmba oyeyukagüe jare mbota reta oñemee vae. Ikavimbae yae vae oyeapota tupao pe, ou regua oväe kañɨtei ikavimbae yae vae iyapoa re.’ ”

OSEAS 12:3

Jacob, ichɨ jɨe peve oipɨtapɨɨ tɨkeɨ, okuakuaa ma yave oñoïraro araɨgua ndive.

OSEAS 5:10

YandeYa jei: “Judá pegua mburuvicha reta, jae ko ɨvɨ jembeɨ güɨrosɨrɨ vae reta rami, ¡chearasɨ yaeta ikotɨ reta!

NAHUM 1:6

Iyarasɨ yave, ¿kia pa ipuereta oyemboɨ jae jóvai? ¿Kia pa ipuereta güɨropɨa iyarasɨ? Iyarasɨ oñemoai tata rami, jae jóvai osururu ɨ̈vavira reta.

Apocalipsis 14:10

jae jouta vi Tumpa iyarasɨ oyeambae etei oï kopa pe vae. Oiporara yaeta tata jare azufre araɨgua reta iyoambae jare Vecha kuimbae taɨrusu vae jóvai.”