EZEQUIEL 7:7 - Biblia Guarani Tumpa Iñee

⁷ Ou oväe kañɨtei, kuae ɨvɨ pe peiko vae reta pe, ou oväe ara, köiño ma oï jókuae yembokepegua iara, mbaetɨta yerovia katu reta ɨvɨtɨ reta rupi.

EZEQUIEL 7:7 ပူးပေါင်းရင်းမြစ်များ

GÉNESIS 19:15

Jare köe jembipe ma yave araɨgua reta ombojaɨai ma Lot, jare jei reta chupe: —¡Nderaɨai! Epüa eraja kuae güi nderembireko jare mókoi reve nderayɨ reta, kuae ndero pe ñogüɨnoi vae, agüɨye vaerä pemano kuae tëta okañɨtei yave.

GÉNESIS 19:24

jayave yandeYa omongɨ ara güi azufre tata ndive, tëta Sodoma jare Gomorra iárambo;

ISAÍAS 13:22

Mburuvicha jogüe reta pe jare mburuvicha reta jo ikavi reta pe oyaeota aguarayaɨmba retaño. Babilonia iara oyearo yae ma; köi yae ma opa vaerä chugüi.”

ISAÍAS 16:10

Yerovia jare sapúkai yerovia pegua opata, ko kavi rupi; mbaetɨta ma oime sapúkai yerovia pegua, jare tairari uvarupa rupi, mbaetɨta ma oime uva oitɨami vae oñetɨamía rupi, mbaetɨta ma isapúkai oyeendu jokoropi.

ISAÍAS 17:14

Kaaru yave yavaete tovaicho reta, ërei köe-pota yave mbaetɨ etei ma. Köraita ko oasa oyuvanga yanderé vae reta, jare opa mbaembae opɨ̈ro yandegüi vae reta.

ISAÍAS 22:5

Echa yandeYa Imbaepuere yae ete vae oñono ma ou vaerä ara yavaetegüe, kañɨtei pegua jare mbɨatɨtɨ pegua tëta guasu ɨvɨtɨ päu ipe kavi vae reta ipäu pegua pe. Opa oyemboai tëta guasu ikësea; ojoi oyeendu jäse reta vae ɨvɨtɨ re.

JEREMÍAS 20:7

CheYa Tumpa, nde ko chembotavɨ, jare che chetavɨ; nepɨ̈rata yae chegüi jare chemoamɨri. Ara ñavo cheyóyai yóyai reta vae; opaete vae opuka cheré.

JEREMÍAS 50:27

¡Opaetei peyuka isundaro reta, peraja mbaeyukaa pe rami! ¡Paravete! ¡Oväe ma iara, oiporara yae reta vaerä!

EZEQUIEL 12:28

Jáeramo ere chupe reta: ‘Körai jei yandeYa Tumpa: Cheñee jarembae voi oyembopota; jae vae oyembopota. Che peYa jae kuae.’ ”

EZEQUIEL 30:3

köi yae ma ou; ¡köi yae ma ou yandeYa iara oporojäa vaerä! ¡Ara pɨtumimbi yaeta vae, tëtaguasu reta oiporarata vae!

EZEQUIEL 7:12

Oväe ma ara. Oyembaegua vae ani oñemaemee vae mbaetɨta ma jaekavi. Echa oväe ma ara, aiporarauka vaerä chearasɨ rupi Israel pegua reta pe.

JOEL 1:15

¡Atataɨ, oyearo ma yandeYa iporojäa iara! ¡Yavaete jókuae ara, echa Imbaepuere yae ete vae ko güeru yandeve kañɨtei!

AMÓS 4:13

Echa, ko oï ɨvɨtɨ reta iyapoa, kuimbae reta pe omombeu iyemongeta vae, pɨtumimbi oyapo tembiperä vae, ɨvɨtɨ guasu rupi oguata vae, jae ko jee yandeYa Tumpa Imbaepuere yae ete vae.

1 Pedro 4:17

Echa oväe ma ara Tumpa ojäa vaerä imbae vae reta; omboɨpɨ yave ojäa jo pegua reta, ¿këraitita ndipo ojäa iñee kavi kotɨ iñeereendumbae reta?