EZEQUIEL 7:4 - Biblia Guarani Tumpa Iñee

⁴ Mbaetɨta cheɨ̈ro ndeve, mbaetɨta roparareko; aiporaraukata ndeve opaete ndereko reta, jare ikavimbae yae reyapo vae re. Jayave pe reta chekuaata che ko peYa vae.

EZEQUIEL 7:4 ပူးပေါင်းရင်းမြစ်များ

JEREMÍAS 13:14

Javoi ayokata tinaa rami, arokuata oyoe, tu reta taɨ reta ndive. Amokañɨteita, mbaetɨta aiparareko amae jese reta. Che ndeYa jae kuae.’ ”

JEREMÍAS 16:18

Tenonde aiporaraukata täta chupe reta jeko kavimbae jare imbaeyoa reta re, echa omongɨa reta cheɨvɨ itumpa-raanga reta jekovembae pe, jare opaete ɨvɨ chembae rupi oyapo reta mbaembae che aröɨro vae.”

JEREMÍAS 25:14

Tëtaguasu reta tuichagüe jare mburuvicha guasu reta imbaepuere yae vae ipo pe oa retata vi Caldeaɨgua reta. Jökorai aiporaraukata chupe reta jeko reta oï rupi.’ ”

EZEQUIEL 11:21

Ërei jókuae jekuaeño ipɨa pe itumpa-raanga pota vae ani oyemongeta ikavimbae vae re vae, aiporaraukata chupe jeko ae re. Che peYa ko jae kuae.’ ”

EZEQUIEL 12:20

Opaete tëta guasu reta oyemboaita jare ɨvɨ opɨtata ipombae; jayave pe reta chekuaata, che ko jae peYa.’ ”

EZEQUIEL 16:43

Echa nde neakañɨ ndetaɨrusu reiko yave vae güi, jare chemboarasɨuka opaete kuae reyapo vae rupi; jáeramo aiporaraukata ndeve reyapogüe re. Che ndeYa Tumpa jae; echa mbaetɨ etei kërai ave reyemongeta ikavimbae reyapo vae re.’

EZEQUIEL 22:31

Jáeramo aitɨ chearasɨ jese reta, chearasɨ yae reve amboai reta, aiporarauka vaerä chupe reta jeko. Che peYa Tumpa jae kuae.”

EZEQUIEL 23:31

Nderɨke jeko etei remomoe, jáeramo ameeta reɨu rami chearasɨ re jae oɨu rami etei.

EZEQUIEL 23:49

Ërei kuae kuña reta oiporarata iyaguasa pota vae re jare mbaeyoa itumpa-raanga pota vae re. Jayave pe reta chekuaata che ko jae peYa Tumpa vae.”

EZEQUIEL 24:14

Che ndeYa jae vae, oyeapota ko. Che etei ko ayapota, ambopota ko cheñee; mbaetɨta roparareko, mbaetɨta aipoepɨ cheyemongeta. Aiporaraukata ndeve, ndereko oï rupi. Che ndeYa Tumpa jae.’ ”

EZEQUIEL 33:29

Kuae ɨvɨ opa amboai jare opɨta ma ipombae, opaete mbae pɨ̈chɨi vae oyapo reta jeko pegua yave, oikuaa retata che ko jae peYa vae.’

EZEQUIEL 5:11

Che jae cheyé aeño: Nde remongɨa chero mbaemboetea, opaete nderembiapo ikavimbae yae vae rupi, jáeramo mbaetɨta cheɨ̈ro ndeve ani roparareko;

EZEQUIEL 6:14

Amopüata chepo ikotɨ reta, aiporarauka vaerä chupe reta; opaete kerupi yogüɨrekoa rupi, aeyata ipombae ñuu arayevɨ kotɨ güive Diblat pe ɨvɨtuguasu kotɨ. Jayave oikuaa retata che ko jae iYa vae.”

EZEQUIEL 6:7

Peecha ma jeta omano pepɨte pe vae yave, peikuaata che ko jae peYa vae.

EZEQUIEL 7:27

Mburuvicha guasu omondeta temimonde mbɨatɨtɨ pegua, jare mburuvicha ipɨatɨtɨta, jare opaete vae reta okɨɨyeta. Jae reta jeko oï rupi aiporaraukata chupe reta, jare ajäa retata jae reta oporojäa rami. Jökorai chekuaa retata che ko jae iYa.”

EZEQUIEL 7:3

Israel, jae ma iyapɨ ndeve, ambouta nderé chearasɨ, rojäata ndereko reta oï rupi, jare aiporaraukata ndeve opaete ikavimbae reyapo vae re.

EZEQUIEL 7:9

Mbaetɨta cheɨ̈ro ndeve, mbaetɨta roparareko; aiporaraukata ndeve opaete ndereko oï rupi, jare ikavimbae yae reyapo vae re. Jayave pe reta chekuaata che ko jae peYa aiporarauka peve vae.

EZEQUIEL 8:18

Ërei che ayapota vi mbae chupe reta chearasɨ reve. Mbaetɨta cheɨ̈ro chupe reta, ngaraa aiparareko reta. Yepe tëi täta osapúkai reve chereenɨi retata, ërei che ngaraa aendu chupe reta.”

EZEQUIEL 9:10

Jáeramo ngaraa cheɨ̈ro chupe reta, ngaraa aiparareko amae jese reta, aiporaraukata chupe reta, opaete jeko reta re.”

OSEAS 12:2

YandeYa ojäata Judá pegua reta. Oiporaraukata Jacob iñemuña reta pe jeko oï reta rupi; oiporaraukata chupe reta teko oyapogüe re.

OSEAS 9:7

¡Oväe ma tembiporara iara reta! ¡Oväe ma jeko vae reta oiporara vaerä jeko ae re! ¡Israel oikuaata kuae re! Pe reta pere: “Ñeemombeúa mbaetɨ ko yarakuaa, kuae oporomboarakuaa vae imbokere vae ko.” Kuae pere, ikavimbae yae peyapo jeko pegua, peporomotareɨ yae jeko pegua.

AMÓS 7:8

Jayave yandeYa oparandu cheve: —¿Mbae pa reecha reï? Che jae chupe: —¡O iyapoa iplomada! Jare yandeYa jei: —Ko añonota plomada o iyapoa imbae, ajäa vaerä tëta chembae vae Israel iñemuña reta. Mbaetɨ yeta ma aropɨa chupe reta.

ZACARÍAS 11:6

Jáeramo, ngaraa ye ma aiparareko kuae ɨvɨ pegua reta jei yandeYa: Echa ko che amee kuimbae reta iñeïru ipo pe, jare juvicha guasu ipo pe; omboai retata ɨvɨ, jare che ngaraa aepɨ chugüi reta.”

Hebreos 10:30

Yaikuaa ko Tumpa jei: “Oiporarauka vae ko che. Che tamboekovia chupe.” Jei vi: “YandeYa oiporaraukata imbae vae reta pe.”