EZEQUIEL 7:27 - Biblia Guarani Tumpa Iñee

²⁷ Mburuvicha guasu omondeta temimonde mbɨatɨtɨ pegua, jare mburuvicha ipɨatɨtɨta, jare opaete vae reta okɨɨyeta. Jae reta jeko oï rupi aiporaraukata chupe reta, jare ajäa retata jae reta oporojäa rami. Jökorai chekuaa retata che ko jae iYa.”

EZEQUIEL 7:27 ပူးပေါင်းရင်းမြစ်များ

1 REYES 20:28

Jayave ou kuimbae Tumpa iñeemombeúa mburuvicha guasu Israel pegua jóvai, jare jei chupe: —Körai yandeYa jei: “Echa Siriaɨgua reta jei, che jae Tumpa ɨvɨtɨ rupiguaño, mbaetɨ ko ɨvɨpe kavi rupigua ramo, ameeta ndepo pe kuae jeta yae vae. Jökorai peikuaata che jae ko peYa.”

JOB 8:22

Ërei, nemotareɨ vae reta imara yaeta ko; jare iyoa vae reta iñemuña okañɨteita ko.

SALMOS 109:18

Toñova yepopeyu, jemimonde oñova rami; toike jɨe pe ɨ rami, jare ikägüe reta rupi asaite rami.

SALMOS 109:19

¡Toï chupe jemimonde rami, ani ikuakuaa oyeumbɨkua pɨpe vae rami!

SALMOS 109:29

¡Imiari kavimbae cheré vae reta, timara topɨta! ¡Mara toñova reta temimonde rami!

SALMOS 35:26

Toñemomaraiuka jare tipɨa jopa reta metei rami, oipota ikavimbae oyapo cheve vae reta. Timara jare tipɨa jopa topɨta oyembotuicha chekotɨ vae reta.

SALMOS 9:16

YandeYa oyekuaauka chupe reta. ¡Jae oyapo jupi vae! Jeko pɨ̈chɨi vae reta opa oyepɨɨ, jae reta ñuai oyapo vae pe yeño oa reta.

ISAÍAS 3:11

¡Paravete iyoa vae! Ngaraa ojo kavi, echa iyoa reta oï rupi jekoviata chupe.

EZEQUIEL 14:23

Pepɨakatuta peikuaa ma yave kërai ko yogüɨreko jare ikavimbae ko oyapo reta vae. Jayave peikuaata mbae jeko pegua ko aiporarauka kuaekuae Jerusalén pe. Che peYa jae.’ ”

EZEQUIEL 18:30

Che ajäata opaete Israel iñemuña reta jeko oï rupi. Che peYa jae. Peyepoepɨ jare peyembosɨrɨ pereko ikavimbae güi, agüɨye vaerä pekañɨtei.

EZEQUIEL 21:25

Jare nde mburuvicha guasu Israel pegua jeko kavimbae yae vae, oporoyuka vae, ou oväe ndeve ara, iyapɨ vaerä opaete ikavimbae reyapo vae.

EZEQUIEL 26:16

Jare opaete mburuvicha reta ɨguasu jembeɨ rupigua, ogüeyɨta jenda mborookuaía pegua güi, omboi retata iñeapevaa jare jemimonde ipöra yae vae, oguapɨ retata ɨvɨ re okɨɨye güi, orɨrɨi avei retata jare ipɨakañɨ yae retata ndesusere re.

EZEQUIEL 7:3

Israel, jae ma iyapɨ ndeve, ambouta nderé chearasɨ, rojäata ndereko reta oï rupi, jare aiporaraukata ndeve opaete ikavimbae reyapo vae re.

EZEQUIEL 8:1

Ovaa año pe, ovaa yasɨ re, pandepo araa pe, aguapɨ aï chero pe tenondegua reta Judá pegua ndive yave, yandeYa ombou oñono ipo cheré.

JOEL 3:17

Jayave peikuaata che jae ko peYa Tumpa, cheɨvɨtɨ oñeñono tee vae Sión pe aiko vae; Jerusalén oñeñono teeta ko, ngaraa ye ma opïro ketɨgua reta.

San Mateo 7:2

Echa pemboeko rami etei, peyemboekoukata vi. Jaeramiño vi kërai ïru vae pe peyapo rami, oyapota vi peve.

Santiago 2:13

Echa kia mbaetɨ oiparareko japicha vae, Tumpa ojäata oipararekombae reve; ërei oporoparareko vae mbaetɨta oñejäa.