EZEQUIEL 7:2 - Biblia Guarani Tumpa Iñee

² “Nde kuimbae, che ndeYa jae ɨvɨ Israel kotɨ körai: Oväe ma ara iyapɨ, ou ma oväe opaetei ɨvɨ iyapɨ vaerä.

EZEQUIEL 7:2 ပူးပေါင်းရင်းမြစ်များ

GÉNESIS 6:13

Jayave Tumpa jei Noé pe: “Ayemongeta opa amokañɨtei vaerä kuimbae reta, echa jae reta jeko pegua opa teko kavi oikomegua. Jáeramo añave opata amokañɨtei kuae ɨvɨ kuimbae reta ndive.

2 CRÓNICAS 34:7

Omboai mɨmba oyeyuka oyeapɨ jese vae reta, Asera iä reta jare tumpa-raanga reta, opaetei omongúi regua, jare omboai opaete ikäti kavi vae incienso oyeapɨ jese vae reta opaete ɨvɨ Israel pe yave. Javoi oyerova ye Jerusalén kotɨ.

ISAÍAS 47:7

Ndeyemongeta pe reiko aveita mburuvicha guasurä, mbaetɨ reyemongeta kuae re, mbaetɨ vi reyemongeta jaɨkue rupi këraita ko reiko vae re.

JEREMÍAS 12:4

¿Kërai yave regua pa ɨvɨ otinita oiko jare ñana kaa rupigua ipiruta oiko? Pɨpegua reta jeko kavimbae jeko pegua, mɨmba reta jare güɨra reta opa omano; echa jei reta: “Tumpa mbaetɨ ko oecha yayapogüe.”

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

JEREMÍAS 51:13

Nde, Babilonia, ɨ̈aka reta ipäu pegua, jare jeta ndembaeyekou vae. ¡Oväe ma ndeve ndeapɨ vaerä! ¡Oväe ma iyapɨ vaerä ndembaepotarai!

LAMENTACIONES 1:9

Jemimonde omongɨa iyoa pe; mbaetɨ oyemongeta këraita ko iyapɨ vae. Ñanemopɨakañɨ yé oa vae, jare mbaetɨ kia ombopɨakatu vaerä. ¡CheYa Tumpa, emae chepɨatɨtɨ re, echa tovaicho oyembotuicha yae!

LAMENTACIONES 4:18

Orepïaro reta opaete oreguataa rupi; mbaetɨ orepuere roë kaye pe. Oväe ma oreapɨ vaerä, oväe ma ara, ¡oväe ma oreapɨ vaerä!

EZEQUIEL 11:13

Chemiari aï ramboeve yandeYa jee re, Pelatías, Benaía taɨ omanoɨvɨ. Jayave ayetavatɨka chetindɨasɨ reve ɨvɨ re, jare asapúkai täta jae: “¡Atataɨ cheYa! ¿Opata pa remokañɨtei Israel pe jembɨregüe reta?”

EZEQUIEL 12:22

“Nde kuimbae, ¿mbae pa oipota jei Israel iñemuña reta jei yave: ‘Jeta ma oasa ara reta jare mbaetɨño oyembopo ñeemombeúa reta oechagüe re omoërakua vae’?

EZEQUIEL 21:2

“Nde kuimbae, emae Jerusalén kotɨ jare emondo neñee o mbaemboetea reta kotɨ. Emoërakua maratuta ɨvɨ Israel vae.

EZEQUIEL 21:25

Jare nde mburuvicha guasu Israel pegua jeko kavimbae yae vae, oporoyuka vae, ou oväe ndeve ara, iyapɨ vaerä opaete ikavimbae reyapo vae.

EZEQUIEL 21:4

Chekɨsepuku anoe jɨru güi ramo, ayukata opaetei arayevɨ güive ɨvɨtuguasu kotɨ.

EZEQUIEL 21:7

Jae reta jei yave ndeve: ¿Maera pa reyaeo? Nde ere chupe reta: Oime mbae jërakua; jare jókuae oyeapota yave, opaete vae ipɨatɨtɨta, mbaetɨ etei kia ipuereta mbae oyapo, orɨrɨita okɨɨye güi. Ko ma ou jare oyeapota, che ndeYa Tumpa jae.”

EZEQUIEL 35:5

Nde reyovaicho avei Israel iñemuña reta kotɨ, jae reta oiporara yae ñogüɨnoi iyoa re yave, nde reporepeña jese reta.

EZEQUIEL 40:2

Tumpa oechauka cheve vae rupi chereraja ɨvɨ Israel pe, jare cheñono metei ɨvɨtɨ ɨvate yae vae re, jókuae re aecha metei o tuicha vae arayevɨ kotɨ metei tëta guasuecha.

EZEQUIEL 7:1

YandeYa jei cheve körai:

EZEQUIEL 7:3

Israel, jae ma iyapɨ ndeve, ambouta nderé chearasɨ, rojäata ndereko reta oï rupi, jare aiporaraukata ndeve opaete ikavimbae reyapo vae re.

JOEL 1:15

¡Atataɨ, oyearo ma yandeYa iporojäa iara! ¡Yavaete jókuae ara, echa Imbaepuere yae ete vae ko güeru yandeve kañɨtei!

AMÓS 8:10

Aipoepɨta pearete reta mbɨatɨtɨ pe, jare aipoepɨta petairari reta yaeo pe; jare amondeukata temimonde mbɨatɨtɨ pegua opaete vae pe, jare opaete vae ia oñapita; jókuae ara opaete vae oyaeota membɨrɨpɨ re rami, jare ojoita iyapɨ mbɨatɨtɨ tuicha vae ndive.

AMÓS 8:2

Jare oparandu cheve: —¿Mbae pa reecha Amós? Che jae chupe: —Metei kanata temitɨ ia yagüɨyegüe. Jare yandeYa jei cheve: —Ou ma oväe ara iyapɨ, Israel tëta chembae vae re; mbaetɨta ma aropɨa chupe.

San Mateo 24:6

Peenduta jërakua ñeraro reta. Ërei agüɨye pekɨɨye. Kuae susere reta oyeapo ñotai ko. Ërei ngatu ndei vɨteri ko oväe kañɨtei

DEUTERONOMIO 32:20

jare jei: ‘Ayerovata chugüi reta, ¡yaecha maratu oasa reta! Echa kuimbae jeko kavimbae reta ko, cheraɨ jupimbae reta ko.

1 Pedro 4:7

Ërei oyearo ma opaete mbaembae reta iyapɨ vaerä. Jáeramo peyeandu katu jare peyerure avei pekueraimbae reve.

Apocalipsis 20:8

jayave oëta ombotavɨ vaerä opaetei tëtaguasu reta ɨvɨ pegua, ojota Gog pe jare Magog pe omboatɨ vaerä ñeraro peguarä. Jeta yaeta ko, ɨvɨkuitï ɨguasu jembeɨ pe oï rami.

Apocalipsis 7:1

Kuae jaɨkue rupi aecha irundɨ araɨgua reta oyemboɨ ñogüɨnoi ɨvɨ jembeɨ mbeɨ pe. Metei oï kuaraɨ oëa kotɨ, ïru oï kuaraɨ oikea kotɨ, ïru oï ɨvɨtuguasu kotɨ jare ïru oï arayevɨ kotɨ. Jare jae reta oyopia irundɨ ɨvɨtu ɨvɨ rupi oyepeyu vae, agüɨye vaerä oipeyu ɨvɨ, ɨguasu reta jare ɨvɨra reta.