EZEQUIEL 6:6 - Biblia Guarani Tumpa Iñee

⁶ Oipota rupi peikoa rupi tëta guasu reta oyemboaita, jare pembaemboetea ɨvatea reta rupi oï vae oyemboaita. Mɨmba peyuka peapɨ pemee jese vae opaeteita oyemboai, petumpa-raanga reta, kuaraɨ iä penoi vae opata oyemboai; opaete mbae peyapogüe oyemboaita.

EZEQUIEL 6:6 ပူးပေါင်းရင်းမြစ်များ

1 REYES 14:23

echa omopüa reta vi mbaemboete renda, tumpa-raanga reta jare Asera iä reta ɨvɨtɨ ñavo re, jare opaete ɨvɨra iküaraɨa kavi yae vae reta igüɨ rupi.

SALMOS 115:8

Jae reta rami etei ko iyapoa reta, jare vi güɨrovia jese vae reta.

ISAÍAS 1:31

Kuimbae imbaepuere vae mbae javiyugüe ramiñota, jare jembiapo reta tatapiriri ramiñota; mókoi reve voi jendɨta jare mbaetɨta kia ombogüe vaerä.”

ISAÍAS 2:18

jare opaeteita omboai tumpa-raanga reta jókuae ara.

ISAÍAS 2:20

Jókuae ara kuimbae reta omombota itumpa-raanga reta korepoti pegua jare oro pegua anguya reta pe jare andɨra reta pe. Jókuae itumpa-raanga reta oyapo reta omboete reta vaerä vae,

ISAÍAS 27:9

Jare Jacob iñemuña reta pe iñɨ̈rota iyoa reta re, oiporu chupe reta vae oyapo yave, jae ko: Opa vaerä omonguruvi ita reta, itumpa reta pe mbota omee jese vae, tövati oyemonguruvi vae rami, agüɨye vaerä ma oyapo reta Asera iä, ani kuaraɨ iä reta yepe.

ISAÍAS 6:11

Jare che jae chupe: “¿Kërai yave regua pa cheYa?” Jare jae jei cheve: “Tëta guasu reta opa oyemboai regua, ipombae opɨta regua; o reta ipombae opɨta regua, jare ɨvɨ ipombae opɨta regua,

ISAÍAS 64:10

Tëta ndembae oñeñono tee vae ipombae oï, Sión ipoä oï, Jerusalén kïrii ngatu opɨta.

JEREMÍAS 10:22

¡Peyeapɨsaka! Jërakua tëtaguasu ɨvɨtuguasu kotɨgua güi oyeendu ou jetagüe, oeya vaerä ipombae opaete tëta guasu reta Judá pegua, opɨta vaerä aguarayaɨmba reta jëtarä.

JEREMÍAS 17:3

jare ɨvɨtɨ reta ñuu pegua re. Ndeyoa jeko pegua, apɨ̈roukata ndegüi opaete ndembaeyekou reta; oñepɨ̈rota ndegüi, mbaemboete renda reta ɨvɨtɨ rupigua, opaete ndeɨvɨ rupi renoi vae jeko pegua.

JEREMÍAS 2:15

¿Maera pa oporepeña jese vae reta, yaguapope reta jäse jäse oporepeña vae rami? Iɨvɨ opa omboai reta chugüi, jare jëta guasu reta opa oapɨ; jare mbaetɨ etei kia oiko pɨpe.

JEREMÍAS 34:22

Ërei ayokuaita oyerova reta ye vaerä kuae tëta guasu kotɨ, jare opüata jese, opɨ̈rota jare oapɨ retata. Jare ïru tëta guasu reta Judá pegua opɨtata ipombae, mbaetɨ eteita pɨpe vae. Che peYa ko jae kuae.”

JEREMÍAS 51:18

Jaangaño ko, mbaeä etei ko, yandeYa iporojäa iara pe, opaeteita omboai.

JEREMÍAS 9:10

Peäpiro peräse reve ɨvɨtɨ reta, peäpiro ñuu kapii jenda reta, echa opaetei oyemboai opɨta, mbaetɨ ye kia oasa jokoropi; guaka iñee ave mbaetɨ oyeendu, güɨra jare mɨmba pochɨ vae reta ave opa yogüɨraja.

JEREMÍAS 9:11

Jerusalén tëtagüerä ayapota, opɨtata aguarayaɨmba reta jëtarä; jare tëta guasu reta Judá pegua opɨtata ipombae, mbaetɨta kia ave oiko pɨpe.”

JEREMÍAS 9:19

Echa Sión güi oyeendu ñee yaeo reve vae körai: ¡Maera pa ko opa yayemboai! ¡Ñemomarai tuichagüe yaiporara! Yaeyata ko yandeɨvɨ, echa yandero reta opa oyemboai.

EZEQUIEL 12:19

Jare ere opaete jókuae ɨvɨ pegua reta pe, jare Jerusalén pegua reta pe jare opaete Israel iñemuña reta pe körai: ‘Kuae jei yandeYa: Okaru retata ipɨatɨtɨ yae reve, jare oɨu retata okɨɨye yae reve; echa kuae ɨvɨ oyemboaita jare opɨtata ipombae, pɨpe yogüɨreko vae reta ikavimbae oyapo vae jeko pegua.

EZEQUIEL 16:39

Romeeta jae reta ipo pe; jae reta opata omboai ndembaemboete renda reta ɨvɨtɨ rupigua, jare mɨmba reyuka reapɨ remee jese vae reta. Opaeteita ndetɨrumboi reta, jare opɨ̈rota reñemopöra pɨpe vae reta; ndereeyata nenandiño jare ndepogüɨrai etei.

EZEQUIEL 30:13

Che peYa Tumpa jae körai: Amboaita mbae iägüe reta oyemboete vae, amboaita Menfis pegua tumpa-raanga reta, mbaetɨ yeta ma mburuvicha Egipto pe, kɨɨye amotɨnɨeta jókuae ɨvɨ pe.

EZEQUIEL 35:4

Opata amboai nerëta guasu reta. Repɨtata ipombae. Jayave reikuaata che ko jae Tumpa vae.

EZEQUIEL 5:14

Jerusalén, nderendagüeño opɨtata; romomaraiukata ïru tëtaguasu reta ndeɨ́vɨri ñogüɨnoi vae ipɨte pe, ndereecha vaerä opaete oguatagüe oasa jokoropi vae.

EZEQUIEL 6:4

Opata amboai mɨmba oyeyuka oyeapɨ jese vae, kuaraɨ iä penoi vae opata ayoka, jare kuimbae reta ayukaukata itumpa-raanga reta jóvai.

EZEQUIEL 6:7

Peecha ma jeta omano pepɨte pe vae yave, peikuaata che ko jae peYa vae.

OSEAS 10:2

Israel ipɨayoyavi, añave oiporarata iyoa re. YandeYa opata oyoka chugüi mɨmba oapɨ reta omee jese vae, jare omboaita itumpa-raanga reta.

OSEAS 10:8

Jare mbaemboetea Bet-avén pegua ɨvɨtɨ re ñogüɨnoi vae oyemboaita, joko pe Israel pegua reta oyapo mbaeyoa. Mɨmba oyeyuka oyeapɨ jese vae re oëta ñurati reta. Jare jei retata ɨvɨtu guasu reta pe: “¡Oreöva, oreñomi!” Jare ɨvɨtɨ reta pe jei retata: “¡Pea oreré!”

LEVÍTICO 26:30

Amboaita pembaemboete renda ɨvɨtɨ re ñogüɨnoi vae, jare ambosururuta petumpa-raanga reta, jare añonota perëogüegüe petumpa-raanga reta oyekagüe iárambo rupi, echa pɨ̈chɨi yae ko cheve;

LEVÍTICO 26:31

amokañɨteita perëta guasu reta, jare pembaemboete renda, jare ngaraa ma aëtu mbae ikäti kavi vae pegüi.

MIQUEAS 1:7

Opaete mbae iä reta opata oyeyoka, opaete ikorepoti reta opata ókai jare opaete itumpa-raanga reta opata oyeyoka; echa iyaguasa pota vae reta ikorepoti re ko kuae reta oyeapo, jare iyaguasa pota vae reta ikorepotirä opa yeta ojo.”

MIQUEAS 3:12

Jáeramo, Jerusalén tëta guasu ɨvɨtɨ Sión pegua, pereko pegua opata oyeara ko rami, opaeteita oikomegua megua, jare tupao iɨvɨtɨ re okuakuaata ɨvɨra.

MIQUEAS 5:13

opata amboai pegüi pepoki rupi mbae peyapo vae reta, mbae iä reta opata amboai pepɨte güi, ngaraa ye ma pemboete pepo pe peyapogüe reta.

HABACUC 2:18

¿Mbaerä pa ikavi jókuae ipöra yae oyeapo vae? ¿Mbaerä pa ikavi jókuae mbae iä oporombotavɨ vaeräño oï vae? Mbaetɨ ipuere imiari tumpa-raanga, javoi ¿maera pa güɨrovia kuimbae, jembiapo re aeño?

SOFONÍAS 1:18

YandeYa iporojäa iara pe, kuimbae reta ngaraa oyereroasayepe, ikorepoti rupi ani ioro rupi ave, echa yandeYa jägüɨro jeko pegua iyarasɨ yae, opaeteita omboai mbaembae kuae ɨvɨ pe. ¡Opaete ɨvɨ pegua reta okañɨteita jarembae pegua!

ZACARÍAS 13:2

YandeYa Imbaepuere yae ete vae jei: Jókuae ara amboaita tumpa-raanga reta jee, jare ngaraa ye ma kia imaendúa jese. Amboaita vi ɨvɨ güi ñeemombeúa reta jare espíritu ikavimbae pegua.

1 SAMUEL 5:4

Pɨareve pe oecha reta ye itumpa Dagón jekuae yepɨso ɨvɨ pe yandeYa ikäjou jóvai, iñäka jare ipo mókoi reve opa oyeka oï öke pe etei, jaeño jetegüe opɨta.