EZEQUIEL 6:4 - Biblia Guarani Tumpa Iñee

⁴ Opata amboai mɨmba oyeyuka oyeapɨ jese vae, kuaraɨ iä penoi vae opata ayoka, jare kuimbae reta ayukaukata itumpa-raanga reta jóvai.

EZEQUIEL 6:4 ပူးပေါင်းရင်းမြစ်များ

1 REYES 13:2

Jae iñeeäta reve jei Tumpa iñee, ikäti kavi vae incienso oyeapɨ jese vae kotɨ: “Mbota oyeapɨ jese vae, mbota oyeapɨ jese vae, körai jei yandeYa: ‘Mase, ko David jëtara güi oata metei michia raɨ, jeeta Josías, jae oapɨta nderé mbaemboetea pegua sacerdote reta ikäti kavi vae incienso oapɨ nderé vae reta; nderé oapɨta kuimbae ikägüegüe.’ ”

2 REYES 23:14

Oyoka vi tumpa-raanga reta iä ita pegua jare opa oyasɨa Asera iä reta ɨvɨra pegua, jókuae reta jendagüe opa omotɨnɨe kuimbae reta ikägüegüe pe.

2 CRÓNICAS 14:5

Omboai vi opaete tëta guasu reta Judá pegua güi mbaemboete renda ɨvɨtɨ rupigua reta, tumpa-raanga iä reta. Jare oime mbɨakatu oiko ramboeve mburuvicha guasurä.

ISAÍAS 27:9

Jare Jacob iñemuña reta pe iñɨ̈rota iyoa reta re, oiporu chupe reta vae oyapo yave, jae ko: Opa vaerä omonguruvi ita reta, itumpa reta pe mbota omee jese vae, tövati oyemonguruvi vae rami, agüɨye vaerä ma oyapo reta Asera iä, ani kuaraɨ iä reta yepe.

JEREMÍAS 43:13

Omboaita vi tëta guasu Bet-semes pegua ita reta oyemboete vae, ɨvɨ Egipto pe oï vae, jare Egipto pegua tumpa-raanga reta itupao opata oapɨ reta.’ ”

JEREMÍAS 7:32

Jáeramo che peYa amombeu peve, oväeta kuri ara mbaetɨ vaerä ma oñeenɨi Tofet ani ɨvɨtɨ päu ipe kavi vae Ben-hinom, jaeño oñeenɨita Ɨvɨtɨ päu ipe kavi vae Yeyuka Renda. Jare Tofet pe oñeotɨta omanogüe, mbaetɨ ma jendarä jeko pegua.

EZEQUIEL 6:13

Jökorai chekuaata, che jae ko peYa, peecha yave tëogüe reta petumpa-raanga reta ipɨte rupi, mɨmba peyuka peapɨ pemee jese vae iyɨ́vɨri rupi, ɨvɨtɨ raɨ reta ikúa rupi, ɨvɨtɨ reta iyapɨte rupi, ɨvɨra reta iküaraɨa kavía rupi, ɨvɨra encina jee vae igüɨ rupi, ikäti kavi vae incienso peapɨ opaete petumpa-raanga reta pe vaea rupi.

LEVÍTICO 26:30

Amboaita pembaemboete renda ɨvɨtɨ re ñogüɨnoi vae, jare ambosururuta petumpa-raanga reta, jare añonota perëogüegüe petumpa-raanga reta oyekagüe iárambo rupi, echa pɨ̈chɨi yae ko cheve;

1 SAMUEL 5:4

Pɨareve pe oecha reta ye itumpa Dagón jekuae yepɨso ɨvɨ pe yandeYa ikäjou jóvai, iñäka jare ipo mókoi reve opa oyeka oï öke pe etei, jaeño jetegüe opɨta.