EZEQUIEL 6:11 - Biblia Guarani Tumpa Iñee

¹¹ YandeYa jei cheve: “Eäpiro, eyoko yoko neäka, neräse Israel pegua reta ikavimbae yae oyapo vae re, echa ñeraro pe, karuai pe jare mbaerasɨ ovakatu vae rupi omano retata.

EZEQUIEL 6:11 ပူးပေါင်းရင်းမြစ်များ

ISAÍAS 58:1

YandeYa jei cheve: “Esapúkai täta, reipoɨumbae reve, neñeeäta mimbɨguasu iñee rami; emboeta chembae vae reta Jacob iñemuña reta pe, ipɨapochɨ re jare iyoa re.

JEREMÍAS 16:4

Mbaerasɨ yavaetegüe oyuka retata, jare mbaetɨta kia oäpiro reta, mbaetɨta vi kia oñotɨ reta vaerä: Oyoata ɨvɨ rupi tepoti rami. Ñeraro jare karuai opata omokañɨtei reta, jetegüe opata jou chucha reta jare mbaeporou reta.”

JEREMÍAS 24:10

Amondota chupe reta ñeraro, karuai jare mbaerasɨ ovakatu vae, opaetei okañɨ reta regua, ɨvɨ che amee chupe reta jare iñemuñagüe reta pe vae güi.”

JEREMÍAS 30:7

¡Oyearo ma ara yavaetegüe, mbaetɨi jókuae nunga ara tenonde rupi! Ara mbɨatɨtɨ pegua ko Jacob iñemuña reta pe, ërei che aroasayepe retata.

JEREMÍAS 42:22

Jáeramo peikuaa kavi voi, ñeraro, karuai jare mbaerasɨ ovakatu vae rupi pemanota jókuae ɨvɨ Egipto pe, pekɨ̈reɨ peo peiko pɨpea pe.”

JEREMÍAS 9:1

¡Mbae mona cheäka ɨkua rami, jare cheresa ɨesaɨ rami, aäpiro vaerä ara rupi jare pɨ̈tu rupi cherëtaɨgua reta omano vae!

JEREMÍAS 9:10

Peäpiro peräse reve ɨvɨtɨ reta, peäpiro ñuu kapii jenda reta, echa opaetei oyemboai opɨta, mbaetɨ ye kia oasa jokoropi; guaka iñee ave mbaetɨ oyeendu, güɨra jare mɨmba pochɨ vae reta ave opa yogüɨraja.

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

EZEQUIEL 21:19

“Nde kuimbae, eyapo mókoi tape, mburuvicha guasu Babilonia pegua oasa vaerä ikɨsepuku ndive jokoropi. Mókoi reve tape toë jókuae tëtaguasu güi. Tape oyemboɨpɨa ñavo emokañɨmaa, kia nunga tëta kotɨ ko ojo jókuae tape vae.

EZEQUIEL 25:6

Echa, che ndeYa Tumpa jae körai: ‘Pe Amón iñemuña reta peyepopete jare pechäguariko peyerovia güi, jare pemotareɨ Israel iɨvɨ.

EZEQUIEL 33:27

Ere vi chupe reta: YandeYa Tumpa jei iyé aeño körai: ‘Tëta guasu reta opa oyemboaia rupi yogüɨreko vae reta, omanota ñeraro pe, kaa rupi yogüɨreko vae reta ameeta mbaeporou pe opa vaerä jou, ɨ̈vavira re yogüɨreko vae, ani ɨvɨkua rupi ñogüɨnoi vae reta omanota mbaerasɨ ovakatu vae rupi.

EZEQUIEL 5:12

mbɨte seri ndegüi omanota mbaerasɨ ovakatu vae rupi jare karuai pe; jare jembɨregüe mbɨte rupi tovaicho reta opata oyuka; jare jembɨregüe opata amoai moai oipota rupi. Che ajata jaɨkue reta metei kɨsepuku ndive chepo pe.

EZEQUIEL 6:10

Jayave chekuaata che ko jae peYa; kërai amoërakua mbae ikavimbae ambou vaerä yave oyembopo, mbaetɨ ko aporomomburuiño.’ ”

EZEQUIEL 7:12

Oväe ma ara. Oyembaegua vae ani oñemaemee vae mbaetɨta ma jaekavi. Echa oväe ma ara, aiporarauka vaerä chearasɨ rupi Israel pegua reta pe.

EZEQUIEL 7:15

Tëta guasu güi ikatu pe oime ñeraro, jare japɨpe pe mbaerasɨ ovakatu vae jare karuai. Ikatu rupi ñogüɨnoi vae omanota ñeraro pe, tëta guasu japɨpe ñogüɨnoi vae reta karuai jare mbaerasɨ ovakatu vae oyukata.

EZEQUIEL 9:4

Jare yandeYa jei chupe: “Emboapɨ eguata tëta guasu Jerusalén rupi, jare opaete ipɨatɨtɨ jare oyembopɨaä mbaeyoa oyeapogüe re jókuae tëta guasu pe vae, emokañɨmaa jesɨva pe.”

JOEL 1:15

¡Atataɨ, oyearo ma yandeYa iporojäa iara! ¡Yavaete jókuae ara, echa Imbaepuere yae ete vae ko güeru yandeve kañɨtei!

AMÓS 5:16

Jáeramo, körai jei yandeYa Tumpa Imbaepuere yae ete vae: “Tëta ñavo oka guasu pe oimeta yaeo, jare oka ñavo rupi jäseta mbae jasɨ güi. Jare ko pe oparavɨkɨ vae reta peenɨita oyaeo, jare yaeo regua reta peenɨita oyaeo vaerä.

NÚMEROS 24:10

Jayave Balac iyarasɨ yae Balaam kotɨ, jare ipo re okua okua reve jei chupe: —Reyepopeyu cherovaicho re vaerä ko roekauka, ërei nde mboapɨ ye ma rere ñee kavi ikotɨ.

Apocalipsis 18:10

Ërei jae reta oyemboɨta mombɨrɨ tëta guasu güi, okɨɨye ramo oiporara oï vae güi, jei reve: “Paravete tëta guasu Babilonia, tëta guasu imbaepuere yae vae; echa neparanoe oväe reiporara yae vaerä.”