EZEQUIEL 5:17 - Biblia Guarani Tumpa Iñee

¹⁷ Aruta peré karuai, mbaerasɨ ovakatu vae, mano, jare mbaeporou pemokañɨtei vaerä; poyukaukata jeta ñeraro pe. Che peYa jae jökorai.”

EZEQUIEL 5:17 ပူးပေါင်းရင်းမြစ်များ

2 REYES 17:25

Jare omboɨpɨ ramo yogüɨreko joko pe yave, jae reta mbaetɨ omboete yandeYa jeko pegua, ombou jeta yaguapope chupe reta, jare oparapiti jese reta.

ÉXODO 23:29

Mbaetɨta metei año peño amoë amombo perenonde güi, agüɨye vaerä ɨvɨ opɨta ipombae, agüɨye vaerä mbaeporou reta oñemuña peve kaa rupi.

JEREMÍAS 15:3

YandeYa jei: “Ambouta jese reta irundɨ tembiporara ambuaeyee yee vae, jae ko: Omano retata ñeraro pe, jare yaɨmba reta opata ombojaɨ jaɨ, chucha reta jouta, jare mbaeporou reta opata jou.

EZEQUIEL 14:15

Ambou yave mbaeporou reta metei ɨvɨ pe, opa vaerä jou jókuae ɨvɨ ipo reta jare oeya ipombae, ngaraa etei kia ikɨ̈reɨ oasa jokoropi, okɨɨye ramo mbaeporou reta güi,

EZEQUIEL 14:19

Ani ambou yave mbaerasɨ ovakatu vae reta jókuae ɨvɨ pe, jare aitɨ yave chearasɨ jese amokañɨtei vaerä opaete vae reta jare mɨmba reta,

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

EZEQUIEL 17:21

Jare isundaro reta jëia vae reta omanota ñeraroa pe, jare oasayepe vae reta opata oñemoai moai oipota rupi. Jayave pe reta chekuaata che ko jae peYa vae.

EZEQUIEL 17:24

Jare opaete ɨvɨra reta oikuaata che ko jae peYa vae. Che amboai ɨvɨra ɨvate yae vae, jare amboɨvate ɨvɨra ɨ̈vɨi vae; che amboɨpi ɨvɨra jokɨ vae, jare ɨvɨra yɨpi vae ambojokɨ. Che peYa jae kuae, jare ayapota.’ ”

EZEQUIEL 21:3

Ere ɨvɨ Israel kotɨ: ‘YandeYa Tumpa jei körai: Che ayovaicho ndekotɨ, anoeta chekɨsepuku jɨru güi, jare ayukata ndegüi jupi vae reta jare iyoa vae reta.

EZEQUIEL 21:32

Peyeapɨukata, perugüɨ oyepɨyereta kuae ɨvɨ pe, ngaraa ye ma kia imaendúa peré, echa che peYa jae jökorai.”

EZEQUIEL 22:14

Agüɨye eyemongeta ndepuereta reyemboɨ cheróvai rojäa yave. Che peYa jae jare ayapota kuae:

EZEQUIEL 23:47

Jare jeta vae reta oyuka retata ita pe jare kɨsepuku pe, oyukata chugüi reta imembɨ reta, jare jo reta opata oapɨ reta.

EZEQUIEL 26:14

Roeyata itape güɨraiño, pɨsa reta oñemotini vaerä reikota, ngaraa ye ma reñemopüa pɨau ye. Echa che Tumpa jae kuae.

EZEQUIEL 28:23

Ambouta ndeve mbaerasɨ ikavimbae yae ovakatu vae reta, jare tugüɨ oguatata ndekaye rupi; jeta omanota vae, kɨsepuku pe oyeyukaukata oipota rupi güi. Jayave opaete vae oikuaata che ko jae Tumpa vae.

EZEQUIEL 30:12

Ɨ̈aka Nilo amondɨpata, jare ameeta jókuae ɨvɨ jekopochɨ vae reta ipo pe, ketɨgua reta imbaepuere rupi amboaita ɨvɨ jare opaete pɨpegua reta. Che peYa jae.

EZEQUIEL 33:27

Ere vi chupe reta: YandeYa Tumpa jei iyé aeño körai: ‘Tëta guasu reta opa oyemboaia rupi yogüɨreko vae reta, omanota ñeraro pe, kaa rupi yogüɨreko vae reta ameeta mbaeporou pe opa vaerä jou, ɨ̈vavira re yogüɨreko vae, ani ɨvɨkua rupi ñogüɨnoi vae reta omanota mbaerasɨ ovakatu vae rupi.

EZEQUIEL 37:14

Jare chepɨ̈túe ameeta peve, peikove ye vaerä; jare poñono yeta peɨvɨ ae pe. Jayave peikuaata che peYa ko jae kuae jare ayapo. Che peYa jae kuae.’ ”

EZEQUIEL 38:22

Che aiporaraukata chupe reta mbaerasɨ ovakatu vae, manoɨvɨ, jare amongɨta jese jare isundaro reta re ama ɨvɨtuai reve, amandau, tata azufre ndive vae.

EZEQUIEL 5:15

Chearasɨ reve aiporarauka ma ndeve yave, tëtaguasu reta ndeɨvɨrigua ndeyoyaita, ñemomarai pe reikota. Che ndeYa jae jökorai.

EZEQUIEL 5:16

Che aru karuai guasu, uvɨ oporoyuka vae rami pemokañɨtei vaerä yave, amoïru yeta peve karuai jare amboatata peve tembíu reta.

EZEQUIEL 6:1

YandeYa jei cheve:

EZEQUIEL 6:12

Mombɨrɨ ñogüɨnoi vae omanota mbaerasɨ ovakatu vae rupi, köiño oï vae omanota ñeraro rupi jare jembɨregüe karuai oyukata. Jökorai chearasɨ aitɨta jese reta.

LEVÍTICO 26:22

Ambouta peve mbaeporou reta, peraɨ reta jare perɨmba reta omokañɨtei vaerä, mbovɨ yae pepɨtata, mbaetɨta kia oguata tape rupi peɨvɨ pe.

San Mateo 24:35

Ara jare ɨvɨ opata ko, ërei cheñee reta ngaraa opa.

DEUTERONOMIO 32:24

omano retata yɨmbɨaɨ güi jare takuasɨ güi; jare mbaerasɨ ovakatu vae oparapitita jese reta; mbaeporou kaa rupigua ambouta chupe reta, jare mboi pochɨ yae vae.

Apocalipsis 6:8

Amae jare aecha metei kavayu iyu vae. Jare opo kavayu re vae jee ko Mano. Jare Omanogüe reta jenda oiko Mano jaɨkue. Jare oñemee chupe reta mbaepuere jeta yeyé ɨvɨ pegua reta re, ipuere vaerä oyukauka reta ñeraro rupi, karuai pe, mbaerasɨ pɨ̈chɨi pe jare mɨmba pochɨ vae reta pe.