EZEQUIEL 5:16 - Biblia Guarani Tumpa Iñee

¹⁶ Che aru karuai guasu, uvɨ oporoyuka vae rami pemokañɨtei vaerä yave, amoïru yeta peve karuai jare amboatata peve tembíu reta.

EZEQUIEL 5:16 ပူးပေါင်းရင်းမြစ်များ

2 REYES 6:25

Jókuae oñeova oï jeko pegua karuai yae tëta Samaria pe; jáeramo metei mburika iñäkagüe jepɨ ochenta reare korepoti pegua, jare cuarto litro pɨkasu repoti vae jepɨ pandepo reare korepoti pegua.

SALMOS 7:13

¡Oñono kavi ma vi tembiporu oporoyuka vae, uvɨ jendɨ vae!

ISAÍAS 3:1

¡Mase! YandeYa Imbaepuere yae ete vae opɨ̈rota Jerusalén güi jare Judá güi opaete mbaembae jerúa, opaete tembíu jare ɨ,

JEREMÍAS 52:6

Irundɨa yasɨ chau araa pe, jókuae año re karuai jeiete yae ma jókuae tëta guasu pe, mbaetɨ ma oime tembiurä jókuae tëta pegua reta pe.

LAMENTACIONES 3:12

¡Omoata kavi igüɨrapa, jare oyembokuaakatu juvɨ pe cheré!

EZEQUIEL 14:13

“Nde kuimbae, metei tëta iyoa chekotɨ oyembopɨapochɨ yae reve yave, che aiporaraukata chupe jare apɨ̈rota chugüi opaete tembíu reta; ambouta jókuae ɨvɨ re karuai, jare amaeñota omano kuimbae reta jare mɨmba reta.

EZEQUIEL 4:16

Kuae jaɨkue rupi jei cheve: “Nde kuimbae, amboatata tembíu Jerusalén pe. Ojäañota mbɨyape jou reta, jare ipɨatɨtɨ reve jou retata; ojäañota ɨ jou reta, jare okɨɨye reve jou retata.

EZEQUIEL 5:15

Chearasɨ reve aiporarauka ma ndeve yave, tëtaguasu reta ndeɨvɨrigua ndeyoyaita, ñemomarai pe reikota. Che ndeYa jae jökorai.

EZEQUIEL 5:17

Aruta peré karuai, mbaerasɨ ovakatu vae, mano, jare mbaeporou pemokañɨtei vaerä; poyukaukata jeta ñeraro pe. Che peYa jae jökorai.”

LEVÍTICO 26:26

Che ambouta peve karuai guasu, payandepo kuña reta omboyɨta mbɨyape metei horno pe, jare ojäata omee peu vaerä; peuta ërei ngaraa perɨ̈vɨata.