EZEQUIEL 5:13 - Biblia Guarani Tumpa Iñee

¹³ Aitɨta chearasɨ jare ayemoangapɨɨta jese reta, jayave chepɨakatuta apɨta. Aitɨ ma yave chearasɨ jese reta, chekuaa retata che ko jae iYa vae, che ko jae jare ayapo chearasɨ reve cherägüɨro güi.

EZEQUIEL 5:13 ပူးပေါင်းရင်းမြစ်များ

ISAÍAS 1:21

¡Tëta guasu jupi vae! ¿Këraiägua pa reyu repɨta metei kuña iyaguasa pota vae rami? Yepi, jeta kuae pe jupi vae reta jare jeko kavi vae reta, ërei añave jaeño ma oñeväe kuae pe oporoyuka vae reta.

ISAÍAS 1:24

Jáeramo, yandeYa Imbaepuere yae ete vae, Imbaepuere yae vae Israel pegua jei: “¡Joko peño mo! Tañono kavi teko oyemboyovaicho chekotɨ vae reta ndive. Tayepɨ jese reta.

ISAÍAS 59:17

Oyemonde jupi vae pe, jete regua temimonde ñeraro pegua pe rami, jare oyemonde mborogüɨroasayepe pe, äka-ɨru ñeraro pegua pe rami, yepɨse pe oyemonde, temimonde pe rami, jare oñeova arasɨ pe, ñeapevaka pe rami.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

JEREMÍAS 15:9

Jeta imembɨ vae ipɨatɨtɨ yae, jare ipɨtu yae opɨta, imara jare oñemomichi yae, ara jembipe vae pɨtumimbi chupe. Kia nunga chugüi reta oikoveño vae, jovaicho reta pe ayukaukata. Che ndeYa jae kuae.”

JEREMÍAS 25:12

Jare oupitɨ ma setenta año yave, aiporaraukata mburuvicha guasu Babilonia pegua pe jare opaete jókuae tëtaguasu pe, iyoa jeko pegua; jae ko Caldeaɨgua reta iɨvɨ; amboaita jekuae avei pegua. Che ndeYa ko jae kuae.

LAMENTACIONES 4:11

YandeYa oitɨ iyarasɨ, oitɨ opaetei iyarasɨ; oyatapɨ Sión re, opaetei omboai iguapɨka reve.

LAMENTACIONES 4:22

Sión pegua reta, jae ma iyapɨ reiporara vae; Tumpa ngaraa ye ma omaeño reyereraja tembipɨɨrä. Ërei, pe Edom pegua reta, Tumpa oiporaraukata peyoa re peve, omboyekuaata pembaeyoa reta.

EZEQUIEL 13:15

Aitɨta chearasɨ jókuae oguambɨ re jare tuyuapo iñonoa reta re; jare jei retata vae: ‘Mbaetɨ etei jembɨre oguambɨ jare imbotuyuapoa reta,

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

EZEQUIEL 16:42

Jayave chepɨakatuta jare chearasɨ poita cherägüɨro nderé vae güi; aiko pɨagüiveta, ngaraa ma chearasɨ aiko.

EZEQUIEL 16:63

Nemaenduata jare nemarata, jare ngaraa ye ma neñee remoë, nemara jeko pegua, cheɨ̈ro ma yave ndeve opaete reyapogüe re. Che ndeYa jae.”

EZEQUIEL 17:21

Jare isundaro reta jëia vae reta omanota ñeraroa pe, jare oasayepe vae reta opata oñemoai moai oipota rupi. Jayave pe reta chekuaata che ko jae peYa vae.

EZEQUIEL 20:21

Ërei taɨ reta oyembopɨapochɨ reta chekotɨ, mbaetɨ yogüɨreko reta cheporookuai rupi, mbaetɨ oñovatu reta jare mbaetɨ oyapo reta, jare omboeteä reta cheara mbutuu pegua. Jáeramo ayemongeta aitɨ vaerä chearasɨ jese reta ñuu pe, chepɨakatu vaerä apɨta chearasɨ güi.

EZEQUIEL 20:8

Ërei oyembopɨapochɨ reta chekotɨ, jare ñäteɨ oyeapɨsaka reta cheré, mbaetɨ oeya itumpa-raanga reta, mbaetɨ oeya Egiptoɨgua reta itumpa-raanga. Jare jae aitɨ vaerä chearasɨ jese reta jókuae ɨvɨ Egipto pe; chepɨakatu vaerä apɨta chearasɨ güi.

EZEQUIEL 21:17

Che vi akua akuata chepo re chearasɨ poi regua. Che peYa ko jae kuae.”

EZEQUIEL 21:22

Jare ipo iyakatu kotɨ oë chupe suerte Jerusalén regua, oporepeña vaerä jese, omboɨpɨ vaerä oporoyuka, osapúkai vaerä sapúkai ñeraro pegua, oyoka vaerä jöke reta tembiporu öke iyokaa pe jare omopüa vaerä yeupika reta tëta guasu ikësea re, opaetei vaerä oñova.

EZEQUIEL 23:25

Che aitɨta nderé chearasɨ cherägüɨro ramo, jae reta oiporaraasɨ katuta ndeve, oyasɨa retata netï, nenambi, jare oikoveño opɨta ndegüi vae reta, oyukata kɨsepuku pe. Opaeteita güɨraja ndegüi nemembɨ reta, jare jembɨregüe reta opata omokañɨtei tata pe.

EZEQUIEL 24:13

Jerusalén, aipota tëi rotɨo yepi reyemongɨa ndekuimbae pota vae güi, ërei mbaetɨ reyetɨo. Reyetɨota chearasɨ aitɨ nderé yave ramo.

EZEQUIEL 43:8

Omopüa reta jo kavi reta yave, omopüa reta chero iyɨpɨ pe etei, jaeño ete metei ovapetea oï mbɨte pe oreve oremboyao vaerä. Jae reta omongɨa cheree ikɨambae, pɨ̈chɨi vae oyapo reta vae rupi; jáeramo opa amokañɨtei reta chearasɨ yae rupi.

EZEQUIEL 6:10

Jayave chekuaata che ko jae peYa; kërai amoërakua mbae ikavimbae ambou vaerä yave oyembopo, mbaetɨ ko aporomomburuiño.’ ”

EZEQUIEL 6:12

Mombɨrɨ ñogüɨnoi vae omanota mbaerasɨ ovakatu vae rupi, köiño oï vae omanota ñeraro rupi jare jembɨregüe karuai oyukata. Jökorai chearasɨ aitɨta jese reta.

EZEQUIEL 7:3

Israel, jae ma iyapɨ ndeve, ambouta nderé chearasɨ, rojäata ndereko reta oï rupi, jare aiporaraukata ndeve opaete ikavimbae reyapo vae re.

EZEQUIEL 7:8

Añave voi jaema aitɨta chearasɨ nderé, chepɨakatu apɨta regua, rojäata ndereko reta oï rupi, jare aiporaraukata ndeve opaete ikavimbae reyapo vae re.

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

DANIEL 9:2

Tenondegua añoa re oiko mburuvicha guasurä yave, che, Daniel, ayemboe mbegüe pe kavi Jeremías jembikuatía re, kërai setenta año rupi Jerusalén oyemboai oiko, yandeYa jei iñeemombeúa Jeremías pe rami.

OSEAS 10:10

Aiporaraukata chupe reta che aipota yave. Yatɨta jese reta ïru tëtaguasu pegua reta, aiporarauka yave chupe reta jeko kavimbae yae re.

ZACARÍAS 6:8

Jaɨkue rupi chereenɨi jare jei cheve: “¡Mase, ɨvɨtuguasu kotɨ yogüɨraja vae reta cheEspíritu pe omee oputuu vaerä chearasɨ ɨvɨtuguasu kotɨgua reta pe vae güi!”

DEUTERONOMIO 28:63

YandeYa oyerovia reve oyapose ikavi vae peve jeta pemoñemuña rami, jökorai vi oyeroviata pererokomegua jare pemboai; jare peyeekɨukata peyemombo jókuae ɨvɨ peike tëi peiko vaerä pɨpe vae güi.

DEUTERONOMIO 32:36

Echa yandeYa oepɨta imbae vae reta, jembiokuai oaɨu jeko pegua oipoepɨta iyemongeta; oecha mbaetɨ ma ipɨ̈rata yave, mbaetɨ ma yave tembipɨɨ ani tembipɨɨmbae.