EZEQUIEL 5:12 - Biblia Guarani Tumpa Iñee

¹² mbɨte seri ndegüi omanota mbaerasɨ ovakatu vae rupi jare karuai pe; jare jembɨregüe mbɨte rupi tovaicho reta opata oyuka; jare jembɨregüe opata amoai moai oipota rupi. Che ajata jaɨkue reta metei kɨsepuku ndive chepo pe.

EZEQUIEL 5:12 ပူးပေါင်းရင်းမြစ်များ

ISAÍAS 1:24

Jáeramo, yandeYa Imbaepuere yae ete vae, Imbaepuere yae vae Israel pegua jei: “¡Joko peño mo! Tañono kavi teko oyemboyovaicho chekotɨ vae reta ndive. Tayepɨ jese reta.

JEREMÍAS 13:24

Jáeramo che opata pomoai moai, ɨvɨtu opa kapii javiyugüe güɨroveve ñuu pe rami.

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

JEREMÍAS 15:2

Oparandu yave ndeve ketɨ ra yogüɨrajata vae re, ere chupe reta: Körai jei yandeYa: ‘Oyembojee mbaerasɨ yavaetegüe pe omano vaerä vae, pɨpe tomano; oyembojee ñeraroa pe omano vaerä vae, joko pe tomano; oyembojee karuai rupi omano vaerä vae, pɨpe tomano; oyembojee iɨvɨ güi oyereraja vaerä tembipɨɨrä vae, toyereraja.’ ”

JEREMÍAS 15:9

Jeta imembɨ vae ipɨatɨtɨ yae, jare ipɨtu yae opɨta, imara jare oñemomichi yae, ara jembipe vae pɨtumimbi chupe. Kia nunga chugüi reta oikoveño vae, jovaicho reta pe ayukaukata. Che ndeYa jae kuae.”

JEREMÍAS 21:9

Opɨta kuae tëta guasu pe vae omanota ñeraro rupi, karuai ani mbaerasɨ ovakatu vae rupi. Ërei ngatu oë oñemee Caldeaɨgua reta peöva perenoi vae ipo pe vae, ngaraa omano; güɨroasayepeta jekove.

JEREMÍAS 24:10

Amondota chupe reta ñeraro, karuai jare mbaerasɨ ovakatu vae, opaetei okañɨ reta regua, ɨvɨ che amee chupe reta jare iñemuñagüe reta pe vae güi.”

JEREMÍAS 42:22

Jáeramo peikuaa kavi voi, ñeraro, karuai jare mbaerasɨ ovakatu vae rupi pemanota jókuae ɨvɨ Egipto pe, pekɨ̈reɨ peo peiko pɨpea pe.”

JEREMÍAS 44:27

Echa che amaeta aï jese reta, ambou vaerä susere reta yavaete yae vae, mbaetɨta ikavi vae. Opaete Judáɨgua reta yogüɨreko ɨvɨ Egipto pe vae omanota ñeraro ani karuai rupi, opaetei omano regua.

JEREMÍAS 9:15

Jáeramo, che peYa Imbaepuere yae ete vae, Israel iTumpa, jae: Ameeta jou reta mbae iro yae vae jare ameeta oɨu reta ɨ oyemombayachigüe re.

JEREMÍAS 9:16

Opata amoai reta, kerupi ïru tëtaguasu reta oikuaambaea rupi, tu reta ave mbaetɨ oikuaa vae rupi; jare amondota ayukauka vaerä kɨsepuku pe opaetei okañɨtei regua.”

EZEQUIEL 12:14

Jare iyɨvɨrigua reta, jembiokuai reta ani iyangarekoa sundaro reta opata amoai amoai oipota rupi, jare aaɨkuemoñaukata ñeraro pe.

EZEQUIEL 14:17

Ani aru yave ñeraro jókuae ɨvɨ re, omokañɨtei vaerä opaete vae reta jare mɨmba reta,

EZEQUIEL 14:19

Ani ambou yave mbaerasɨ ovakatu vae reta jókuae ɨvɨ pe, jare aitɨ yave chearasɨ jese amokañɨtei vaerä opaete vae reta jare mɨmba reta,

EZEQUIEL 14:21

Jáeramo che peYa Tumpa jae körai: ‘Vɨtei pa ambou yave irundɨ cheporojäa yavaetegüe Jerusalén re: Ñeraro, karuai, mbaeporou jare mbaerasɨ ovakatu vae, omokañɨtei vaerä opaete vae reta jare mɨmba reta.

EZEQUIEL 16:42

Jayave chepɨakatuta jare chearasɨ poita cherägüɨro nderé vae güi; aiko pɨagüiveta, ngaraa ma chearasɨ aiko.

EZEQUIEL 21:22

Jare ipo iyakatu kotɨ oë chupe suerte Jerusalén regua, oporepeña vaerä jese, omboɨpɨ vaerä oporoyuka, osapúkai vaerä sapúkai ñeraro pegua, oyoka vaerä jöke reta tembiporu öke iyokaa pe jare omopüa vaerä yeupika reta tëta guasu ikësea re, opaetei vaerä oñova.

EZEQUIEL 24:13

Jerusalén, aipota tëi rotɨo yepi reyemongɨa ndekuimbae pota vae güi, ërei mbaetɨ reyetɨo. Reyetɨota chearasɨ aitɨ nderé yave ramo.

EZEQUIEL 33:27

Ere vi chupe reta: YandeYa Tumpa jei iyé aeño körai: ‘Tëta guasu reta opa oyemboaia rupi yogüɨreko vae reta, omanota ñeraro pe, kaa rupi yogüɨreko vae reta ameeta mbaeporou pe opa vaerä jou, ɨ̈vavira re yogüɨreko vae, ani ɨvɨkua rupi ñogüɨnoi vae reta omanota mbaerasɨ ovakatu vae rupi.

EZEQUIEL 36:19

Opa amoai moai reta tëtaguasu reta rupi, ïru ɨvɨ rupi; aiporarauka chupe reta jeko ikavimbae jare jembiapo reta ikavimbae oï rupi.

EZEQUIEL 43:8

Omopüa reta jo kavi reta yave, omopüa reta chero iyɨpɨ pe etei, jaeño ete metei ovapetea oï mbɨte pe oreve oremboyao vaerä. Jae reta omongɨa cheree ikɨambae, pɨ̈chɨi vae oyapo reta vae rupi; jáeramo opa amokañɨtei reta chearasɨ yae rupi.

EZEQUIEL 5:10

Jáeramo, nderapɨpe oimeta kia jou taɨ reta vae, ani taɨ reta jou tu reta vae. Aiporaraukata ndeve, jare oikoveño opɨta vae reta amoaita oipota rupi.

EZEQUIEL 5:17

Aruta peré karuai, mbaerasɨ ovakatu vae, mano, jare mbaeporou pemokañɨtei vaerä; poyukaukata jeta ñeraro pe. Che peYa jae jökorai.”

EZEQUIEL 5:2

Remboapɨ yave jókuae ara reta reiporara Jerusalén re vae, eapɨ metei yemboyao ndea jókuae tëta iä mbɨte pe; jaɨkue rupi metei kɨse pe eyasɨa mokoía ndea remboyao vae tëta guasu ikupe rupi; jare mboapɨa ndea remboyao vae emombo ɨvɨtu güɨroveve vaerä. Che ajata jaɨkue reta metei kɨsepuku ndive chepo pe.

EZEQUIEL 6:8

Ërei mbovɨ che aroasayepeta mano güi oikoveño vaerä; kuae reta opata amoai moai ïru tëtaguasu reta rupi.

EZEQUIEL 7:15

Tëta guasu güi ikatu pe oime ñeraro, jare japɨpe pe mbaerasɨ ovakatu vae jare karuai. Ikatu rupi ñogüɨnoi vae omanota ñeraro pe, tëta guasu japɨpe ñogüɨnoi vae reta karuai jare mbaerasɨ ovakatu vae oyukata.

EZEQUIEL 7:3

Israel, jae ma iyapɨ ndeve, ambouta nderé chearasɨ, rojäata ndereko reta oï rupi, jare aiporaraukata ndeve opaete ikavimbae reyapo vae re.

LEVÍTICO 26:33

Jare opata pomoai kerupi ïru tëtaguasu reta rupi, ñeraro rupi opata pomoai, peɨvɨ oikota ipombae jare perëta guasu reta tëtagüerä.

AMÓS 9:4

Ani jovaicho reta pe opa oyererajauka tembipɨɨrä yave, joko pe oyeyukauka retata kɨsepuku pe; ¡amae aveita jese reta ainupa vaerä, mbaetɨta amborɨ vaerä!”

AMÓS 9:9

Echa che opata amoai moai Israel iñemuña reta, opaete vae tëtaguasu ipɨte rupi, trigo jäɨ oyembogua ürupe pe yave mbaetɨ oa jäɨ ɨvɨ pe rami.

ZACARÍAS 7:14

Jare kusumirou guasu pe rami opa amoai moai reta tëtaguasu reta mbaetɨ oikuaa vae rupi, jare jaɨkue pe iɨvɨ ou opɨta ñuurä mbaetɨ kia ipuere oiko pɨpe. Tëta ikavi yae vae ou oyepoepɨ ñuurä.”

DEUTERONOMIO 28:65

Jare peiko ramboeve jókuae tëtaguasu reta pe, mbaetɨta peiko pɨagüive, mbaetɨta peputuu kavi; echa yandeYa omeeta peve pɨakɨɨye, mbɨatɨtɨ jare yemoambeko.

Apocalipsis 6:8

Amae jare aecha metei kavayu iyu vae. Jare opo kavayu re vae jee ko Mano. Jare Omanogüe reta jenda oiko Mano jaɨkue. Jare oñemee chupe reta mbaepuere jeta yeyé ɨvɨ pegua reta re, ipuere vaerä oyukauka reta ñeraro rupi, karuai pe, mbaerasɨ pɨ̈chɨi pe jare mɨmba pochɨ vae reta pe.