EZEQUIEL 47:8 - Biblia Guarani Tumpa Iñee

⁸ Javoi jei cheve: “Kuae ɨ ojo kuaraɨ oëa kotɨ, ogüeyɨta Arabá kotɨ jare ojota Ɨguasu Jembochɨ vae pe; joko pe oa ojo yave, jókuae ɨguasu ikavita yau vaerä.

EZEQUIEL 47:8 ပူးပေါင်းရင်းမြစ်များ

ÉXODO 15:25

Jare Moisés oyerure yandeYa pe, jare yandeYa oechauka chupe metei ɨvɨra; jókuae oitɨ ɨ pe, jare ombokavi ɨ. Jare joko pe yandeYa omee chupe reta mborookuai reta, joko pe ojäa jae reta iporogüɨrovia;

ISAÍAS 35:1

Toyerovia ñuu, ɨvɨ ipombae vae; tijokɨ ñana jare tipotɨ,

ISAÍAS 35:6

iköcho vae reta oporiseta guasukaka rami, jare iupa vae reta osapukaita oyerovia güi. Echa ñuu güi, ɨvɨ otini yae vae güi oëta jeta ɨ osɨrɨ vae.

ISAÍAS 35:7

Ñuu oyeapota ɨuparä, ɨvɨ otini vae opɨtata ɨesaɨrä. Aguarayaɨmba reta yogüɨrekosea rupi oñemuñata käipepeño jare kapii reta.

ISAÍAS 43:20

Chemboeteta mbaeporou kaa rupigua reta, aguarayaɨmba reta jare yandu raɨ reta, echa amoëta ɨ ñuu rupi, jare ɨvɨ otini vae rupi aipeata ɨ̈aka reta, oɨu vaerä tëta chembae vae, cherembiparavo,

ISAÍAS 49:9

Rere vaerä tembipɨɨ reta ñogüɨnoi vae reta pe: ‘Peë’, jare pɨtumimbía pe ñogüɨnoi vae reta pe ere: ‘Peyeechauka.’ Tape rupi peväeta kapii, jare opaete ɨvɨ ipombaea rupi oimeta perɨmba reta jembiurä.

JEREMÍAS 31:9

Yogüeru retata oyaeo reve oyerovia güi jare oyerure reve; araja retata ɨ katúa rupi, tape ipe kavía rupi, mbaetɨta oyepɨaka vae rupi. Echa Israel tu ko che, Efraín jae ko cheraɨ tenondegua ete.

MALAQUÍAS 1:11

Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

San Mateo 13:15

Echa kuae reta ipɨa täta, jare iyapɨsa pe oendu tëi, jare osapɨmiño, agüɨye vaerä oecha jesa pe, agüɨye vaerä oendu iyapɨsa pe, agüɨye vaerä oikuaa ipɨa pe, agüɨye vaerä oyerova chekotɨ, okuera reta vaerä.’

San Juan 5:4

Echa amo ámope ogüeyɨ metei araɨgua omomɨi vaerä ɨ. Jare ɨ omɨi yave, jókuae imbaerasɨ vae tenonde voi oike ɨ pe vae okuera oipotagüe mbaerasɨ güi.

DEUTERONOMIO 3:17

Jaeramiño vi amee ɨvɨ Arabá, Jordán güɨnoi jókuae ɨvɨ jembeɨrä; oyemboɨpɨ Ɨguasu Cineret güive Ɨguasu Jembochɨ vae, jare ɨvɨtɨ Pisga re kuaraɨ oëa kotɨ.

DEUTERONOMIO 4:49

Jare opaete Arabá Jordán güi kuaraɨ oëa kotɨ, Ɨguasu Jembochɨ vae kotɨ, ɨvɨtɨ Pisga igüɨ pe.

JOSUÉ 3:16

jare ɨ ou ɨvate kotɨ güi vae opa opɨta meteia pe mombɨrɨ tëta Adam güi, tëta Saretán iyɨpɨ pe oï vae; jare ɨ ogüeyɨ Arabá, Ɨguasu Jembochɨ vae kotɨ vae opa tɨpa. Jökorai ɨ oyemboyao; jare opaete vae oasa Jericó oïa re katu.