EZEQUIEL 45:9 - Biblia Guarani Tumpa Iñee

⁹ Che ndeYa Tumpa jae körai: ¡Joko peño mo, mburuvicha reta Israel pegua! Peeya mo teko pɨ̈chɨi yae vae, maepɨ̈ro. Peyapo jupi vae jare isɨmbi vae; agüɨye pepɨ̈ro ɨvɨ chembae vae reta güi.

EZEQUIEL 45:9 ပူးပေါင်းရင်းမြစ်များ

JOB 20:19

Ipogüɨrai oeya paravete vae reta, opɨ̈ro o mbaetɨ jae omopüa vae.

JOB 22:9

Imemano vae reta ipogüɨrai remondo, tɨ̈reɨ reta re reyuvanga katu.

ISAÍAS 1:17

¡Peyemboe mo peyapo ikavi vae; peeka peyapo vaerä jupi vae, peyapo mo ikavi vae, oiporara yae vae reta pe, peyapo jupi vae tɨ̈reɨ reta pe, peepɨ imemano vae reta!”

JEREMÍAS 22:3

Kuae pe, peyapo jupi vae jare sɨmbi vae, peyora jasɨ katu oiko vae oporogüɨrekoasɨ katu vae ipo güi, agüɨye pembotavɨ ani mbae peñomi ketɨgua güi, tɨ̈reɨ güi ani imemano vae güi. Agüɨye peyuka jekombae.

JEREMÍAS 6:7

Jerusalén güi oë ikavimbae, ɨesaɨ güi ɨ iyapɨmbae oë rami. Ikavimbae jare jupimbae reño oyemongeta reta; aecha avei yombopere reta jare mbaerasɨ reta.

EZEQUIEL 44:6

Ërei ere jókuae ipɨapochɨ vae Israel iñemuña reta pe: ‘Körai jei yandeYa: ¡Joko peño mo! Pe ikavimbae yae vae iyapoa reta, Israel iñemuña reta.

EZEQUIEL 7:11

Tekorai oyekuaa, joko güi oë ikavimbae. Ërei jae reta ngaraa oasayepe, chugüi reta jare imbaeyekou reta ave ngaraa oasayepe; mbaetɨta kia ave oäpiro vaerä.

EZEQUIEL 7:23

Eñono kavi karena, echa kuae ɨvɨ pe jeta oporoyuka vae, jare tëta guasu pe jeta teko-pɨ̈chɨi.

EZEQUIEL 8:17

Jayave yandeYa jei cheve: “Nde kuimbae ¿reecha pa? ¡Mbaetɨ etei yangapɨɨ Judá pegua reta oyapo ikavimbae vae, omotɨnɨe ikavimbae pe kuae ɨvɨ! Jekuaekuae rupi chemboarasɨuka reta; chembopɨayuguaru jeko reta.

AMÓS 5:15

¡Pemotareɨ ikavimbae! ¡Jare peaɨu ikavi vae! Ñejäa pe toime jupi vae; güɨramoi jayave yandeYa Tumpa Imbaepuere yae ete vae iñɨ̈rota José iñemuñagüe reta pe.

AMÓS 5:24

Ërei mbaejupi tosɨrɨ ɨ rami, jare mboromboete ɨ tɨpambae rami.

MIQUEAS 2:9

Cherëtaɨgua reta jembireko penoe pemombo jo oaɨu vae güi, jare imichia reta güi pepɨ̈ro jekuae avei pegua, mbaeyekou amee chupe reta vae.

MIQUEAS 6:10

¿Jekuaeñoi pa oime jeko kavimbae jo pe mbaeyekou jupimbae jare mbaejäaka oyemboyoavɨgüe aröɨro yae vae?

ZACARÍAS 7:9

“Körai jei yandeYa Imbaepuere yae ete vae: ‘Peporojäa añete vae rupi, jare peporoparareko peyeaeä reve oyokotɨ.

ZACARÍAS 8:16

Kuaekuae jae peyapo aveita vae: Pemiari añetete rupi perapicha pe; peporojäa jupi rupi jare toime avei mbɨakatu morojäa oyeapo yave.

San Lucas 3:14

Sundaro reta vi oparandu Juan pe: —Ore reta ¿Mbae pa royapota? Jayave Juan jei chupe reta: —Agüɨye pepɨ̈roiño mbae jare agüɨye pemboekoiño kia. Pepɨakatu jókuae pemonganagüe re.

1 Pedro 4:3

Peyapo ma ko ɨma rupi oporogüɨroviambae reta omomora vae; peiko yepi soo jemimbota reta rupi, savaɨpo rupi, oasa ete pekau jare pekaru vae rupi, kau rupi avei jare petumpa-raanga pota ikavimbae yae vae rupi.