EZEQUIEL 45:4 - Biblia Guarani Tumpa Iñee

⁴ Kuae ɨvɨ oñeñono tee vae oikota sacerdote reta peguarä, tupao pegua mbaravɨkɨ oyapo vae reta, yandeYa pe oyeokuai vae reta. Joko pe güɨnoi retata jo, jare oñeñono tee kavi yaeta tupao jendarä.

EZEQUIEL 45:4 ပူးပေါင်းရင်းမြစ်များ

EZEQUIEL 40:45

Jare jei cheve: “Kuae cuarto omae arayevɨ kotɨ vae, sacerdote reta oyangareko tupao re vae imbae ko;

EZEQUIEL 40:46

jare cuarto omae ɨvɨtuguasu kotɨ vae, jae ko sacerdote reta mɨmba oyeyuka oyeapɨ jese vae iyangarekoa reta imbae; jae ko Sadoc iñemuña reta, kuae reta oyeparavo Leví iñemuña reta güi oyeokuai vaerä yandeYa pe.”

EZEQUIEL 43:19

Sacerdote reta Leví iñemuña pegua, Sadoc iñemuña reta, yogüeru chekotɨ oyeokuai reta vaerä cheve yave, emee jese reta metei toro taɨrusu vae mɨmba reta güi, cheɨ̈ro vaerä mbaeyoa re vae.

EZEQUIEL 44:28

Oimeta jae reta imbaeyekou: Che ko aikota chupe reta imbaeyekourä, ërei agüɨyeta oñemee imbaerä ɨvɨ chupe reta Israel pe. Echa che etei ko jae reta imbae.

EZEQUIEL 45:1

Ɨvɨ pemboyao oyoupe yave, pembosɨrɨta yandeYa pe doce kilómetro y medio pukugüe jare payandepo kilómetro ipɨgüe; opaetei kuae ɨvɨ oñeñono teeta Tumpa peguarä.

EZEQUIEL 45:3

Kuae oñejäa oï vae güi oñejäata doce kilómetro y medio pukugüe jare cinco kilómetro ipɨgüe, joko pe oïta tupao jare o oñeñono tee kavi yae vae.

EZEQUIEL 48:8

Judá iɨvɨ jembeɨ pe, kuaraɨ oëa kotɨ güive ɨguasu kotɨ, joko pe oïta ɨvɨ ñeñono tee vae; ipɨgüe jare ipukugüe güɨnoita veinticinco kilómetro, kuaraɨ oëa kotɨ güive ɨguasu kotɨ. Tupao oïta jókuae ɨvɨ mbɨte pe.

NÚMEROS 16:5

jare jei Coré pe jare opaete jupiegua reta pe: —Pɨareve yandeYa oechaukata kia ko jae imbae vae, jare kia ko jae oñeñono tee chupeguarä vae, jae omaeñota oya jese jembiparavo.