EZEQUIEL 45:1 - Biblia Guarani Tumpa Iñee

¹ Ɨvɨ pemboyao oyoupe yave, pembosɨrɨta yandeYa pe doce kilómetro y medio pukugüe jare payandepo kilómetro ipɨgüe; opaetei kuae ɨvɨ oñeñono teeta Tumpa peguarä.

EZEQUIEL 45:1 ပူးပေါင်းရင်းမြစ်များ

PROVERBIOS 3:9

Emboete yandeYa mbaembae renoigüe pe, jare opaete ndembaagüɨyerɨpɨ reta pe.

EZEQUIEL 42:16

Ojäa iyɨke kuaraɨ oëa kotɨgua, güɨnoi dosciento cincuenta metro.

EZEQUIEL 48:29

Jae ko kuae ɨvɨ oyemboyaota Israel iñemuña reta pe ñemuña ñavo rupi vae, jökoraita opa pemboyao. Che peYa ko jökorai jae.

LEVÍTICO 25:23

Ɨvɨ agüɨye toñemee jekuae avei pegua, echa chembae ko; pe reta peguataiño peiko vae ko, ketɨgua ko pe reta chevegua jókuae ɨvɨ pe.

NÚMEROS 34:13

Moisés oyókuai Israel iñemuña reta körai: “Kuae ɨvɨ jae ko pemboyao vaerä peyeupe suerte rupi vae, yandeYa oporookuai oñemee vaerä chau ñemuña reta jare Manasés iñemuña reta oyemboyaogüe kuae pe ñogüɨnoi vae pe,

JOSUÉ 13:6

Opaete ɨvɨtɨ guasu rupi jëta vae reta, Líbano güive Misrefot-maim kotɨ, opaete Sidón pegua reta; che amboaita Israel iñemuña reta jenonde güi, jaeño nde emboyao ɨvɨ suerte rupi Israel iñemuña reta imbaerä, che royókuai rami.

JOSUÉ 13:7

Emboyao añave kuae ɨvɨ chau ñemuña pe, jare Manasés iñemuña reta oyemboyaogüe pe.”

JOSUÉ 14:1

Kuaekuae ko jae ɨvɨ Canaán, Israel iñemuña reta opɨ̈ro imbaerä vae, kuae omboyao chupe reta sacerdote Eleazar, Josué, Nun taɨ jare Israel iñemuña juvicha reta ñavo ndive.

JOSUÉ 14:2

Ɨvɨ oyemboyao chupe reta suerte rupi chau ñemuña pe jare metei ñemuña oyemboyaogüe pe, yandeYa oyókuai Moisés vae rami oyemboyao chupe reta.

JOSUÉ 14:3

Echa Rubén jare Gad iñemuña reta pe jare Manasés iñemuña reta oyemboyaogüe pe Moisés omboyao ma ɨ̈aka Jordán jovaicho kotɨ; ërei Leví iñemuña reta pe mbaetɨ omboyao ɨvɨ.