EZEQUIEL 43:3 - Biblia Guarani Tumpa Iñee

³ Jókuae aecha vae, jae ko yandeYa ou omboai Jerusalén yave oyekuaa rami jare ɨ̈aka Quebar jembeɨ pe oyekuaa cheve rami; jare ayetavatɨka chetindɨasɨ reve ɨvɨ re,

EZEQUIEL 43:3 ပူးပေါင်းရင်းမြစ်များ

JEREMÍAS 1:10

Kuae ara roñono tëtaguasu reta re jare mburuvicha guasu reta iporookuaía re, reapomondoro vaerä jare remboai vaerä, rerokomegua vaerä jare reitɨ vaerä, jare vi remopüa ye vaerä jare rembopɨau ye vaerä.”

EZEQUIEL 3:23

Apüa jare aja ɨvɨpe kavi kotɨ, jare joko pe aecha yandeYa iyemboetea ɨ̈aka Quebar jembeɨ pe aecha rami; ayetavatɨka chetindɨasɨ reve ɨvɨ re.

EZEQUIEL 32:18

“Nde kuimbae, etairari tairari mano pegua pe, jeta vae reta Egipto pegua re; jare emondo jae jare tëtaguasu imbaepuere yae vae pegua reta ɨvɨgüɨ kotɨ, omanogüe reta ñogüɨnoia pe.

EZEQUIEL 44:4

Javoi jókuae kuimbae chereraja öke ɨvɨtuguasu kotɨgua kotɨ tupao jóvai rupi. Amae jare aecha yandeYa iyemboetea omotɨnɨe tupao; jare ayetavatɨka chetindɨasɨ reve ɨvɨ re.

EZEQUIEL 8:4

Joko pe oï Israel iTumpa iyemboetea, jókuae aecha ñuu pe rami etei.

EZEQUIEL 9:1

Jaɨkue rupi aendu Tumpa täta yae osapúkai reve jei cheve: “¡Yogüeru ma oväe tëta guasu pe oiporaraukata vae reta, metei ñavo güeru ipo pe tembiporu oporomokañɨtei vaerä pɨpe!”

EZEQUIEL 9:10

Jáeramo ngaraa cheɨ̈ro chupe reta, ngaraa aiparareko amae jese reta, aiporaraukata chupe reta, opaete jeko reta re.”

EZEQUIEL 9:3

Jare Israel iTumpa iyemboetea oyemboɨvate jókuae araɨgua querubín iárambo güi, jare ojo tupao pe yaikea pe. YandeYa oenɨi jókuae kuimbae jemimonde tïiasɨ lino pegua vae, ikúa re güɨraja jembiporu ombaekuatía pɨpe vae.

EZEQUIEL 9:5

Jare ïru kuimbae reta pe jei: “Pekua kuae kuimbae jaɨkue peguata tëta guasu rupi, jare pemboɨpɨ chetupao güive peyuka peipararekombae reve ndechi reta, kunumi reta, kuñatai reta, michia reta jare kuña reta. Ërei agüɨye pepoko oñemokañɨmaa ñogüɨnoi vae reta re.” Jayave jae reta omboɨpɨ oyuka kuimbae ndechi reta güive tupao jóvai ñogüɨnoi vae.