EZEQUIEL 43:2 - Biblia Guarani Tumpa Iñee

² jare aecha Israel iTumpa iyemboetea ou kuaraɨ oëa kotɨ güi. Jɨapu oyeendu ɨ tuicha yae vae jɨapu rami, jare ɨvɨ jembipe Tumpa iyemboetea oyekuaa jeko pegua.

EZEQUIEL 43:2 ပူးပေါင်းရင်းမြစ်များ

ISAÍAS 17:12

¡Peendu jeta vae reta kërai oyeendu, ɨguasu jɨapu oyeendu rami! Tëta guasu reta jɨapu oyeendu, ɨguasu jɨapu oyeendu rami.

ISAÍAS 6:3

Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

EZEQUIEL 1:24

Jare aendu ipepo reta jɨapu oguata reta yave, ɨ tuicha vae jɨapu rami, Imbaepuere yae ete vae iñee rami, jeta yae vae reta jɨapu oyeendu rami, sundaro jeta yae vae jɨapu oyeendu rami. Opɨta reta yave, ombogüeyɨ reta ipepo.

EZEQUIEL 1:28

Okɨ yave yɨɨ oyekuaa ara re rami jembipeasɨ iyɨ́vɨri. Jökorai oyekuaa yandeYa iyemboetea. Kuae aecha yave, ayetavatɨka jare chetindɨasɨ ɨvɨ re, javoi aendu metei ñee.

EZEQUIEL 10:4

Jayave yandeYa iyemboetea oyemboɨvate araɨgua querubín reta iárambo güi, ojo tupao jöke pe; jare amapɨtu tɨnɨe tupao, jare yandeYa iyemboetea jembipegüe oesape oka.

EZEQUIEL 11:22

Javoi mbae reta oyemboɨvate, jaeramiño vi ruera reta jae reta ndive. Jayave Israel iTumpa iyemboetea oï jae reta iárambo vae,

EZEQUIEL 11:23

oyemboɨvate, jare oyembosɨrɨ tëta guasu güi, jare ojo oñeñono ɨvɨtɨ re, tëta guasu güi kuaraɨ oëa kotɨ oï vae re.

EZEQUIEL 3:23

Apüa jare aja ɨvɨpe kavi kotɨ, jare joko pe aecha yandeYa iyemboetea ɨ̈aka Quebar jembeɨ pe aecha rami; ayetavatɨka chetindɨasɨ reve ɨvɨ re.

EZEQUIEL 43:4

jare yandeYa iyemboetea oike tupao pe, öke kuaraɨ oëa kotɨgua rupi.

EZEQUIEL 44:2

Joko pe yandeYa jei cheve: “Kuae öke oyeokendata oï; agüɨyeta oyepea. Agüɨyeta metei ave kuimbae oike jokoropi, echa che, Israel iTumpa aike jokoropi. Jáeramo oyeokendata oï.

EZEQUIEL 9:3

Jare Israel iTumpa iyemboetea oyemboɨvate jókuae araɨgua querubín iárambo güi, jare ojo tupao pe yaikea pe. YandeYa oenɨi jókuae kuimbae jemimonde tïiasɨ lino pegua vae, ikúa re güɨraja jembiporu ombaekuatía pɨpe vae.

HABACUC 2:14

Echa yandeYa iyemboetea regua jërakuata opaete ɨvɨ rupi, ɨ omotɨnɨe ɨguasu rami.

HABACUC 3:3

Tumpa ou ɨvɨ Temán güi: Tumpa Iyoambae ou ɨvɨtɨ Parán güi. Iyemboetea oñemoai opaete ara re jare opaete ɨvɨ tɨnɨe imbaemboetea.

HABACUC 3:4

Jembipe, köe jembipe ou rami, ipo güi overa jembipeasɨ, jökorai omboyekuaa imbaepuere güɨnoi vae.

San Juan 12:41

Isaías kuae jei, oecha yave Tumpa iyemboetea. Jáeramo imiari jökorai jese.

Apocalipsis 1:15

Ipɨ jembipe jiero iyu vae horno pe oyepiro vae rami. Jare iñee jɨapu tororomba pe ɨ jɨapu rami.

Apocalipsis 14:2

Jare aendu ñee ara güi täta jɨapu jeta ɨ vae jɨapu rami jare ararɨapu täta vae rami. Jókuae ñee jeta vae arpa imbopúa reta ombopu vae rami.

Apocalipsis 18:1

Jare kuae jaɨkue rupi aecha ïru araɨgua ogüeyɨ ou ara güi imbaepuere yae reve, jare ɨvɨ jembipe jókuae araɨgua jembipe pe.

Apocalipsis 19:1

Kuae jaɨkue rupi aendu jeta yae vae reta iñeeäta reve ara pe, jei reve: “¡Aleluya! yemboasa, yemboete jare mbaepuere jae ko yandeYa Tumpa imbae.

Apocalipsis 19:6

Jayave aendu jeta yae vae iñee rami, ɨ jeta vae jɨapu rami, ara täta jɨapu rami, jei: “¡Aleluya! Echa yandeYa Tumpa Imbaepuere yae vae oporookuai ma.

Apocalipsis 21:11

Güɨnoi reve Tumpa iyemboetea. Jembipe metei ita ipöra yae vae rami, ita ipöra yae vae jaspe jësaka vae rami.

Apocalipsis 21:23

Jare jókuae tëta guasu mbaetɨ oeka kuaraɨ ani yasɨ omoembipe vaerä. Echa Tumpa jare Vecha kuimbae taɨrusu vae etei omoembipe.