EZEQUIEL 41:22 - Biblia Guarani Tumpa Iñee

²² Ikäti kavi vae incienso oyeapɨ jese vae ɨvɨra pegua, güɨnoi metro y medio ɨvategüe jare metei metro ipɨgüe. Güɨnoi ekina reta, jare iguapɨka jare iyɨke yɨke ɨvɨra pegua, jare jei cheve: “Jae ko kuae mesa yandeYa jóvai oï vae.”

EZEQUIEL 41:22 ပူးပေါင်းရင်းမြစ်များ

1 REYES 6:20

Jókuae tupao japɨpe oñeñono tee kavi yae vae güɨnoi chau metro päve ipɨgüe jare ɨvategüe, jare oñova oro oyeambae pe; jaeramiño vi ikäti kavi vae incienso oyeapɨ jese vae ɨ̈vɨrare pegua oñova oro pe.

1 REYES 6:22

Opaete tupao oñova oro pe ɨvate güive ɨ́vɨkotɨ, jökoraiño vi ikäti kavi vae incienso oyeapɨ jese vae, tupao japɨpe oñeñono tee kavi yae vae jóvai oï vae.

1 REYES 7:48

Salomón oyapouka vi opaete mbaembae yandeYa jo peguarä vae: Ikäti kavi vae incienso oyeapɨ jese vae oro pegua, mesa oro pegua mbɨyape reta mbaemboete pegua oñeñono jese vae;

2 CRÓNICAS 4:19

Jökorai Salomón oyapo opaete tembiporu reta, Tumpa itupao guasu peguarä, jare ikäti kavi vae incienso oyeapɨ jese vae oro pegua, jare mesa oro pegua mbɨyape reta mbaemboete pegua oñeñono jese vae,

ÉXODO 25:23

Toyapo reta vi metei mesa ɨvɨra käti pegua; ipukugüe togüɨnoi noventa centímetro, jare cuarenta y cinco centímetro ipɨgüe jare ɨvategüe sesenta y cinco centímetro.

ÉXODO 30:8

Jare pɨ̈tuta ma yave omoendɨ mechero reta yave, toapɨ ikäti kavi vae incienso; kuae mborookuai toyapo avei peñemuña reta che peYa pe.

PROVERBIOS 9:2

oyuka mɨmba arete peguarä, omboyea vino, ikavi yae vaerä, oñono kavi imesa,

CANTARES 1:12

Mburuvicha guasu oguapɨ ramboeve tenda pe, cheñemokätía otimbo kavi yae.

EZEQUIEL 23:41

javoi oguapɨ reta metei tupa kavi pe, jare mesa pe oñono reta ikäti kavi vae incienso jare olivo iasaite oñeñono tee cheve vae.

EZEQUIEL 44:16

Jae reta oiketa chetupao pe jare oya retata mɨmba oyeyuka oyeapɨ jese vae re oyeokuai reta vaerä cheve, jae reta oyapota cheporookuai.

LEVÍTICO 24:6

jare pemboyoarambo peñono mókoi atɨ mesa ikɨambae re cheróvai, metei atɨ ñavo toñogüɨnoi ova mbɨyape.

MALAQUÍAS 1:12

Jare pe reta pemboeteä ko pere yave: “Mɨmba oyeyuka oyeapɨ jese vae yandeYa imbae ikɨa yae jare tembíu oï joko pe vae yandemboyuguaru.”

MALAQUÍAS 1:7

Pe reta peru cheve mbɨyape ikɨa vae, mɨmba oyeyuka oyeapɨ jese vae chembae pe, jare pere yeti: ‘¿Mbae pe pa romboeteä?’ Pe chemboeteä pepɨa pe peröɨro yave mɨmba oyeyuka oyeapɨ jese vae chembae,

1 Corintios 10:21

Mbaetɨ ko jaekavi peu vino oyembojaanga yandeYa jugüɨ re vae jare vi vino aña reta pe oñemee vae. Jaeramiño mbaetɨ ko jaekavi peu mbɨyape oyembojaanga yandeYa jete re vae jare vi soo aña reta pe oñemee vae.

Apocalipsis 3:20

Mase, ko aï öke pe jare ambopu aï öke. Oime yave kia cheñee oendu vae, oipea yave öke, aiketa akaru vaerä jae ndive, jare jae okaruta che ndive.

Apocalipsis 8:3

Jayave ou ïru araɨgua oyemboɨ mɨmba oyeyukagüe oyeapɨ jese vae jóvai, jare güɨnoi ikäti kavi vae incienso oyeapɨ pɨpe vae oro pegua. Jare oñemee araɨgua pe jeta ikäti kavi vae incienso, omoïru vaerä oporogüɨrovia vae reta iyerure oï ikäti kavi vae incienso oyeapɨ jese vae oro pegua re. Jókuae mburuvicha iguapɨa jóvai oï vae.