EZEQUIEL 40:6 - Biblia Guarani Tumpa Iñee

⁶ Jaɨkue rupi ou kuaraɨ oëa kotɨgua öke oï vae kotɨ; oyeupi yeupika rupi jare ojäa jókuae öke-ɨta ipegüe, güɨnoi mboapɨ metro.

EZEQUIEL 40:6 ပူးပေါင်းရင်းမြစ်များ

1 REYES 6:8

Jókuae mbɨte pegua cuarto jöke güɨnoi tupao iyakatu kotɨ; jare yeupika oyere yere vae rupi yayeupi cuarto mbɨte pegua pe, jare jókuae cuarto mbɨte pegua güi yayeupi cuarto iarambogua ete pe.

1 CRÓNICAS 9:18

Jare, añave oimeño oyangareko reta mburuvicha guasu jöke kuaraɨ oëa kotɨgua re. Jae kuae levita reta öke iyangarekoa.

1 CRÓNICAS 9:24

Öke iyangarekoa reta oyangareko tupao re, ñogüɨnoi iyɨke yɨke kotɨ, jóvai kotɨ jare ikupe kotɨ.

NEHEMÍAS 3:29

Chugüi reta kutɨ oï Sadoc, Imer taɨ, omopüa ye tëta guasu ikësea jo re katu oï vae; kutɨ oï Semaías, Secanías taɨ; Semaías jae ko öke Kuaraɨ Oëa kotɨgua jee vae iyangarekoa.

SALMOS 84:10

¡Echa ikavi yae ko aï vaerä metei ara nderoka pe, jeta ara ikatu rupi aiko vae güi! Ikavi ko aiparavo aiko vaerä tupao jöke järoarä mbaeyoa ipɨte pe aiko vae güi.

JEREMÍAS 19:2

Javoi pekua ɨvɨtɨ päu ipe kavi vae Ben-hinom pe, kuaraɨ oëa kotɨ öke oï vae re katu oï vae pe, jare joko pe emoërakua ñee reta, che amombeuta ndeve vae.

EZEQUIEL 10:18

Jayave yandeYa iyemboetea oyemboɨvate tupao jöke güi, jare ojo opɨta jókuae mbae reta iárambo.

EZEQUIEL 11:1

Tumpa imbaepuere chereupi jare chereraja tupao jöke kuaraɨ oëa kotɨgua pe. Joko pe ñogüɨnoi veinticinco kuimbae. Jókuae reta ipɨte pe aecha mburuvicha reta tëta pegua, jae ko Jaazanías, Azur taɨ jare Pelatías, Benaía taɨ.

EZEQUIEL 40:20

Jare ojäa öke ipɨgüe jare pukugüe, tupao joka tuicha vae güi öke oï ɨvɨtuguasu kotɨ vae,

EZEQUIEL 40:22

Iventana reta, jare ikorero reta jare karandaɨ iä reta oyovake, öke oï kuaraɨ oëa kotɨgua pe oï vae reta ndive. Kuae rupi yayeupi chiu pɨ̈roka rupi. Japɨpe kotɨ güɨnoi ikorero reta.

EZEQUIEL 40:24

Jaɨkue rupi jókuae kuimbae chereraja arayevɨ kotɨ, joko pe aecha ïru öke; ojäa jokɨta reta jare ikorero reta, oyovake ïru öke reta ndive.

EZEQUIEL 40:26

Yayeupi jupi vae güɨnoi chiu pɨ̈roka, ikorero reta güɨnoi jóvai; jare jokɨta jovaicho ñavo re güɨnoi karandaɨ iä reta.

EZEQUIEL 40:5

Aecha tupao oime ikësea. Jare jókuae ɨvɨra mbaejäaka kuimbae güɨnoi ipo pe vae ipukugüe güɨnoi mboapɨ metro; ojäa tupao ikësea: Yandambusugüe güɨnoi mboapɨ metro jare ɨvategüe güɨnoi mboapɨ metro vi.

EZEQUIEL 40:7

Tupao ikësea jöke iyɨke yɨke pe ñogüɨnoi cuarto vae güɨnoi ipɨgüe jare pukugüe mboapɨ metro, jare kuae cuarto reta ñogüɨnoi oyougüi mókoi metroa pe.

EZEQUIEL 41:16

öke reta jare iventana raɨ reta, jare cuarto reta mboapɨ ñesɨro oyoarambo ñogüɨnoi vae, oñeova ɨvɨra pe, ɨvɨ güive iventana rupi vae, jare ventana reta ave oñeova vi ɨvɨra pe.

EZEQUIEL 42:15

Opa ojäa tupao japɨpe yave, cherenoe öke kuaraɨ oëa kotɨgua rupi, jare ojäa opaete iyɨ́vɨri rupi.

EZEQUIEL 43:1

Javoi jókuae kuimbae chereraja öke kuaraɨ oëa kotɨ omae vae pe,

EZEQUIEL 43:17

Mɨmba oyeyuka oyeapɨ jese vae oguapɨ jese vae irundɨ iyɨke oyovake päve vi, chiu metro pukugüe jare chiu metro vi ipɨgüe. Iyɨ́vɨri rupi ɨvɨkua oï vae güɨnoi medio metro ipɨgüe jare jembeɨ regua opüa vae güɨnoi veinticinco centímetro ipɨgüe. Mɨmba oyeyuka oyeapɨ jese vae regua yeupika oï kuaraɨ oëa kotɨ.

EZEQUIEL 43:8

Omopüa reta jo kavi reta yave, omopüa reta chero iyɨpɨ pe etei, jaeño ete metei ovapetea oï mbɨte pe oreve oremboyao vaerä. Jae reta omongɨa cheree ikɨambae, pɨ̈chɨi vae oyapo reta vae rupi; jáeramo opa amokañɨtei reta chearasɨ yae rupi.

EZEQUIEL 44:1

Jókuae kuimbae chereraja ye tupao jöke ikatu kotɨgua kotɨ, kuaraɨ oëa kotɨ omae vae pe; jare jókuae öke oyeokenda oï.

EZEQUIEL 46:12

Ërei mburuvicha omee yave mɨmba oyeyukagüe opaetei oyeapɨ vae ani ramo omee yave mbota yembopɨakatu pegua, oyepeata chupe öke kuaraɨ oëa kotɨ omae vae, javoi omeeta mɨmba oyeyukagüe opaetei oyeapɨ vae jare mbota yembopɨakatu pegua, ara mbutuu pegua pe oyeapo rami; javoi oë yeta; oë güire oyeokenda yeta öke.

EZEQUIEL 47:1

Jare jókuae kuimbae jekuae chemboyerovauka ye tupao jöke kotɨ. Jayave aecha ɨ oë öke igüɨ güi, kuaraɨ oëa kotɨ, echa tupao omae oï kuaraɨ oëa kotɨ. Ɨ oë igüɨ kotɨ güi, tupao iyakatu kotɨ güi, mɨmba oyeyukagüe oyeapɨ jese vae güi arayevɨ kotɨ.

EZEQUIEL 8:16

Jayave chereraja yandeYa itupao joka japɨpe pe, jare aecha yandeYa itupao jöke jare mɨmba oyeyuka oyeapɨ jese vae ipäu pe, veinticinco rupi kuimbae ikupe omee ñogüɨnoi yandeYa itupao kotɨ, omae reta kuaraɨ oëa kotɨ, itindɨasɨ reve ɨvɨ re omboete reta kuaraɨ.