EZEQUIEL 40:3 - Biblia Guarani Tumpa Iñee

³ Chereraja joko pe jare aecha metei kuimbae oyemboɨ oï öke pe, jembipe jiero iyu vae rami oyekuaa, jare ipo pe güɨnoi metei tɨmasa raɨ lino pegua jare ɨvɨra omaejäa pɨpe vae.

EZEQUIEL 40:3 ပူးပေါင်းရင်းမြစ်များ

ISAÍAS 28:17

Jókuae o re aiporuta jupi vae, plomada rami, jare sɨmbi vae, nivel rami.” Amandau opata omboai jókuae apu, peeka peñepɨ̈ro jese vae, jare peñemi pɨpe vae, ɨ opata omboai pegüi.

ISAÍAS 8:20

¡Peyeko mborookuai reta re! Mbaetɨ pere jökorai yave, mbaetɨño ko peikuaa kavi.

EZEQUIEL 1:27

Jare aecha oyekuaa ikúa güi ɨvate kotɨ, jiero iyu vae jembipe yae rami, jare ikúa güi ɨ́vɨkotɨ, oyekuaa tata rami. Jare iyɨ́vɨri jembipeasɨ yae.

EZEQUIEL 1:7

itɨma reta isɨmbi, ipɨ toro taɨrusu vae ipɨ rami, jare jembipeasɨ yae jiero iyu vae oyemoembipeasɨ vae rami.

EZEQUIEL 41:1

Javoi chereroike tupao pe, jare ojäa okɨta reta, güɨnoi ipɨguasugüe mboapɨ metro jare jovaicho kotɨ jaeramiño vi, jökorai ipɨgüe tupao.

EZEQUIEL 42:16

Ojäa iyɨke kuaraɨ oëa kotɨgua, güɨnoi dosciento cincuenta metro.

EZEQUIEL 43:6

Jare aendu tupao japɨpe kotɨ güi chemomiari vae; jare jókuae chereraja vae oyemboɨ oï cheɨpɨ pe,

EZEQUIEL 47:3

Jókuae kuimbae oë kuaraɨ oëa kotɨ, güɨraja reve ipo pe metei tɨmasa; jare ojäa quiniento metro jare chemboasauka jókuae ɨ rupi; jókuae ɨ oväe chepɨñúa rupi.

EZEQUIEL 8:2

Jare aecha metei kuimbaeecha vae; ikúa güi ɨ́vɨkotɨ tata rami, jare ikúa güi ɨvate kotɨ jembipe, jiero iyu vae oyemoembipeasɨ rami.

Apocalipsis 1:15

Ipɨ jembipe jiero iyu vae horno pe oyepiro vae rami. Jare iñee jɨapu tororomba pe ɨ jɨapu rami.

Apocalipsis 11:1

Jare oñemee cheve metei täkuarasɨ ɨvɨra mbae oñejäa pɨpe vae rami vae, jare jei cheve: “Epüa jare ejäa Tumpa itupao, mɨmba oyeyukagüe oyeapɨ jese vae jare eipapa ombaemboete joko pe vae reta.

Apocalipsis 21:15

Jare imiari cheve vae güɨnoi täkuarasɨ mbae oñejäa pɨpe vae rami vae oro pegua, oñejäa vaerä tëta guasu, jöke reta jare ikësea.