EZEQUIEL 4:2 - Biblia Guarani Tumpa Iñee

² Javoi eroyere jese sundaro reta iä jare tembiporu ñeraro pegua, emopüa tëta ikësea iyɨ́vɨri rupi yeupika, eñono tembiporu tëta ikësea imbosururúa; eñono jóvai teyupa iä, tëta oñeova oï vae rami toï.

EZEQUIEL 4:2 ပူးပေါင်းရင်းမြစ်များ

2 SAMUEL 20:15

Jare Joab jupiegua reta yogüeru oväe yave, oñova reta Seba tëta Abel-bet-maaca pe, oyapo reta iyeupe kërai oïraro vaerä tëta guasu, jare oñeova opɨta jókuae tëta; jare opaete reve Joab jupiegua reta oïraro oitɨ vaerä tëta guasu ikësea.

ISAÍAS 22:7

Ndeɨvɨtɨ päu ipöra ipe kavi vae tɨnɨe oï käretou ñeraro pegua pe, jare kavayu regua reta oyembojeyupa ma tëta guasu jöke pe.

JEREMÍAS 32:24

Añave Caldeaɨgua reta güeru tembiporu omombu vaerä tëta guasu ikësea; jare ñeraro, karuai jare mbaerasɨ ovakatu vae jeko pegua, tëta guasu oata jókuae oporepeña jese vae reta ipo pe. CheYa, reecha ko añave oyembopo ma oï remoërakuagüe.

JEREMÍAS 33:4

Che ndeYa, Israel iTumpa, amombeu ndeve Jerusalén jare mburuvicha guasu reta jëta Judá pegua regua, jókuae oyemboaita tembiporu ñeraro pegua jare yɨɨ pe oï vae. Ñogüɨnoe oñeraro vaerä jókuae Caldeaɨgua reta oporepeña tëta re vae ndive yave, omano vaeräño ko ñogüɨnoeta. Echa chearasɨ yae jeko pegua ameeta omano reta vaerä, echa kuae tëta güi ayembosɨrɨ, ikavimbae yae vae oyapo reta jeko pegua.

JEREMÍAS 52:4

Sedequías chau año ma oiko mburuvicha guasurä yave, payandepoa yasɨ, payandepo araa pe, Nabucodonosor mburuvicha guasu Babilonia pegua ou opaete isundaro reta ndive oporepeña Jerusalén re jare opa oñova. Oyembojeyupa reta jare omopüa reta ɨvɨ yeupikarä jókuae tëta guasu iyɨ́vɨri rupi.

JEREMÍAS 6:6

Echa yandeYa Imbaepuere yae ete vae jei körai: “¡Peyasɨa ɨvɨra reta jare pemopüa yeupika, Jerusalén pe peike vaerä! Kuae tëta guasu oiporara vaerä etei ko oï, echa tɨnɨe oï ikavimbae pe.

EZEQUIEL 21:22

Jare ipo iyakatu kotɨ oë chupe suerte Jerusalén regua, oporepeña vaerä jese, omboɨpɨ vaerä oporoyuka, osapúkai vaerä sapúkai ñeraro pegua, oyoka vaerä jöke reta tembiporu öke iyokaa pe jare omopüa vaerä yeupika reta tëta guasu ikësea re, opaetei vaerä oñova.

EZEQUIEL 21:27

Opata amboaiasɨ yeyé aeya tëtagüerä. Ërei kuae oyeapota ou yave jókuae ambouta vae, oyapo vaerä jupi vae.

EZEQUIEL 5:2

Remboapɨ yave jókuae ara reta reiporara Jerusalén re vae, eapɨ metei yemboyao ndea jókuae tëta iä mbɨte pe; jaɨkue rupi metei kɨse pe eyasɨa mokoía ndea remboyao vae tëta guasu ikupe rupi; jare mboapɨa ndea remboyao vae emombo ɨvɨtu güɨroveve vaerä. Che ajata jaɨkue reta metei kɨsepuku ndive chepo pe.

DANIEL 11:15

Mburuvicha guasu ɨvɨtuguasu kotɨgua outa jare omopüata iyeupikarä tëta guasu ikësea ikupe rupi jare opɨ̈rota. Arayevɨ kotɨgua mburuvicha guasu isundaro reta ngaraa ipuere jare sundaro jëia yae vae reta ave ngaraa ipuere jovaicho reta re.