EZEQUIEL 39:9 - Biblia Guarani Tumpa Iñee

⁹ Tëta guasu reta Israel pegua pe yogüɨreko vae reta, ñogüɨnoeta opa oapɨ reta tembiporu reta ñeraro pegua, yeopiaka, güɨrapa jare uvɨ, mii jare mii raɨ; oapɨ retata yogüɨreko chiu año rupi.

EZEQUIEL 39:9 ပူးပေါင်းရင်းမြစ်များ

SALMOS 46:9

Omombɨta ñeraro opaete ɨvɨ rupi; omopë güɨrapa reta, oakɨo mii reta, jare, ¡opa oapɨ tata pe käretou ñeraro pegua reta!

ISAÍAS 66:24

Yogüeruta oecha reta, kuimbae reta oyembopɨapochɨ chekotɨ vae reta jëogüegüe. Echa taso reta jou jetegüe vae mbaetɨta omano, jare mbaetɨta vi ogüe tata, ókai reta ñogüɨnoi pɨpe vae. ¡Yavaete yaeta oyekuaa reta opaete vae pe!”

EZEQUIEL 39:10

Mbaetɨta oeka reta yepea ani güeru reta kaa güi, jaeño oapɨ retata tembiporu ñeraro pegua. Omaepɨ̈ro retata omaepɨ̈ro chugüi vae reta güi, ipogüɨrai oeya retata jökorai oporoapo vae reta. Che Tumpa jae kuae.

EZEQUIEL 39:8

Mase, opaete kuae jae vae, oyembopota ko. Che peYa Tumpa jae körai. Jae ko kuae ara amoërakua vae.’

ZACARÍAS 9:10

Jae amboaita Efraín ikäretou reta, jare kavayu reta Jerusalén pegua, jare güɨrapa reta ñeraro pegua opata omopë; jare imiarita mbɨakatu re opaete tëtaguasu reta pe, jare opaete oyeokuaita chupe, ɨguasu jembeɨ güive ïru ɨguasu jembeɨ kotɨ, jare ɨ̈aka Éufrates güive ojoita ɨvɨ iyapɨ re oya.

MALAQUÍAS 1:5

Pe etei peechata jare pereta: “¡YandeYa tuicha yae ko, imbaepuere oasa Israel iñemuña reta iɨvɨ jembeɨ!”

JOSUÉ 11:6

Ërei yandeYa jei Josué pe: “Agüɨye ekɨɨye chugüi reta, echa pɨareve koyave etei che opata amee pepo pe, jare ikavayu reta ipɨ opa peakɨo jare ikäretou reta opa peapɨ.”