EZEQUIEL 38:13 - Biblia Guarani Tumpa Iñee

¹³ Sabá jare Dedán pegua reta jare omaemee vae reta Tarsis pegua jare opaete juvicha reta jeita ndeve: ‘¿Reyu pa repɨ̈ro orembaembae? ¿Remboatɨ pa jeta vae reta repɨ̈ro vaerä jare reyemombae vaerä jeta korepoti, oro, orerɨmba reta jare oreɨvɨ reta re?’

EZEQUIEL 38:13 ပူးပေါင်းရင်းမြစ်များ

SALMOS 57:4

Cherekove oï yaguapope reta ipɨte pe rami, ayepɨso aï oporou vae reta ipɨte pe; jäi reta mii rami jare uvɨ rami, ikü, kɨsepuku oyeimbeegüe rami.

ISAÍAS 10:6

Amondota jókuae tëtaguasu iyoa vae kotɨ, jókuae tëtaguasu chemboarasɨuka vae kotɨ, opɨ̈ro vaerä chugüi imbaeyekou reta, oñepɨ̈ro vaerä jese, tuyuapo re oñepɨ̈ro rami.

ISAÍAS 33:23

Jókuae barco reta iguataka iɨ iïcha opa okúe, ngaraa ma ikavi omoata kavi vaerä. Oñepɨ̈rota opa oyemboyao yao jeta mbaembae tovaicho reta güi, oguatambae reta ave oiketa güɨnoe mbaembae.

JEREMÍAS 15:13

Israel, romeeta ndeyoa reta jeko pegua nderovaicho reta ipo pe, ndembaeyekou reta jare opaete ndembaembae reta jepɨ vae, opaete renoi ndeɨvɨ pe vae, güɨrajaiño vaerä iyeupe reta.

JEREMÍAS 50:17

Israel ko metei vecha okañɨgüe rami, yaguapope reta opa omoai moai rami. Tenonde ete mburuvicha guasu Asiria pegua opa jou; jaɨkue rupi, Nabucodonosor mburuvicha guasu Babilonia pegua, opa oikäo.

JEREMÍAS 51:38

Opaete jae reta oñeeta yaguapope reta rami, oñeeta yaguapope raɨ reta rami.

EZEQUIEL 25:13

Jáeramo, che ndeYa Tumpa jae körai: Aiporaraukata vi Edom pe, amokañɨteita opaete vae reta jare mɨmba reta. Aeyata ipombae. Temán güive Dedán kotɨ, opata amokañɨtei reta ñeraro pe.

EZEQUIEL 27:12

Tarsis pegua reta ombaegua ndegüi jeta yae ndembaeyekou ramo; oipoepɨ reta ndembaembae renoi vae korepoti ndive, jiero ndive, estaño ndive jare plomo ndive.

EZEQUIEL 27:15

Dedán pegua reta ombaegua vi ndegüi. Jeta tëtaguasu reta ɨguasu jembeɨ rupigua reta ombaegua ndegüi, omboepɨ reta ndeve elefante jäimbukugüe pe jare ɨvɨra ébano jee vae pe.

EZEQUIEL 27:20

Dedán pegua reta ombaegua ndegüi, omboepɨ reta ndeve karuna ikavigüe pe.

EZEQUIEL 27:25

Barco reta Tarsis pegua oyoaɨkue yoaɨkue güeru mbaembae ndeve. ‘Reyeapo metei barco ɨ mbɨte pe oï vae tɨnɨe mbaeyekou pe rami.

EZEQUIEL 32:2

“Nde kuimbae, etairari kuae tairari mano pegua pe Faraón mburuvicha guasu Egipto pegua re körai: ‘Nde reï yaguapope rami tëtaguasu reta pe; mbaeporou päicha guasu ɨguasu rupigua rami, remondɨpa neɨ̈aka, repɨ̈ro ɨ jembeɨ rupi, rembojuúmbai ndepɨ pe.’

JOEL 3:8

Ameeta peraɨ reta jare perayɨ reta, Judaɨgua reta pe, jare jae reta opata omee Sabaɨgua reta pe, jae ko matɨ tëtaguasu oiko vae; echa yandeYa ko jei kuae.”

ZACARÍAS 11:3

Maangarekoa reta, peräse peyaeo, echa oasa ete ikavi kapii vae oyemboai. Oyeendu yaguapope ndeigüe iñee, echa Jordán pegua kaa tëɨ yae vae oyemboai.