EZEQUIEL 32:7 - Biblia Guarani Tumpa Iñee

⁷ Che romboai yave, ara ambopɨtumimbita, jare yasɨtata reta ogüeta, kuaraɨ amoiata amapɨtu pe jare yasɨ mbaetɨta oesape.

EZEQUIEL 32:7 ပူးပေါင်းရင်းမြစ်များ

JOB 9:7

Jae ko oyókuai kuaraɨ agüɨye vaerä oë; jare yasɨtata reta agüɨye vaerä omboesape.

PROVERBIOS 13:9

Jupi vae reta, mechero omoembipe kavi vae rami ko; ërei iyoa vae reta, mechero ogüe vae rami ko.

ECLESIASTÉS 12:2

Ndei ogüe kuaraɨ, yasɨ jare yasɨtata reta mbove, ama jaɨkue rupi ndei amapɨtu ou mbove.

ISAÍAS 13:10

Yasɨtata reta jare ïru yasɨtata reta yatɨ yatɨ ara re ñogüɨnoi vae, mbaetɨta ma omoembipe; kuaraɨ oë tëi rupive opata ogüe, jare yasɨ mbaetɨta ma omoembipe.

ISAÍAS 34:4

Jare opaete ara ipo reta, opata oyemboai, ara opata yapúa tupapire rami, jare yasɨtata reta opata oa, uva joogüe osururu rami ani ɨva joogüe osururu rami.

JEREMÍAS 13:16

Pemboete peYa Tumpa, ndei jae ombou mbove pɨtumimbi vae, jare ndei pepɨ̈sa-yeyuka mbove ɨvɨtɨ reta rupi; peäro tëi tembipe, ërei jae oipoepɨ pɨtumimbiasɨ pe peve, ñamano rape katu vae pe.

EZEQUIEL 30:18

Tafnes pe ara oyembopɨtumimbita, Egipto imbaepuere jare iyembotuicha amboai yave; pɨtumimbita chupe reta, jare tëta raɨ reta pegua reta oyererajaukata tembipɨɨrä.

EZEQUIEL 30:3

köi yae ma ou; ¡köi yae ma ou yandeYa iara oporojäa vaerä! ¡Ara pɨtumimbi yaeta vae, tëtaguasu reta oiporarata vae!

EZEQUIEL 31:15

Che peYa Tumpa jae körai: Jókuae ara ojo yave omanogüe reta ñogüɨnoia pe, ambopɨatɨtɨukata ɨguasu, opata otini; ɨ̈aka raɨ reta opata otini; ɨvɨtɨ Líbano ipɨatɨtɨta, opaete ɨvɨra reta yɨpita.

EZEQUIEL 34:12

Vecha iyangarekoa oikuaa ivecha reta oñemoai ñogüɨnoi chugüi yave vae rami, jökorai aikuaata chevecha reta, aruta oipota rupi oñemoai ñogüɨnoia rupi güi, jasɨ katu ñogüɨnoi yave opa oñemoai vae.

JOEL 2:10

Kuae oporepeña vae reta güi orɨrɨi tëta ipo reta, ara okana, kuaraɨ jare yasɨ ogüe, yasɨtata reta jäve jendɨ.

JOEL 2:2

Pɨtumimbi yaeta jókuae ara, oyeasoita jare jüu yaeta jókuae ara. Köe jembipe oyekuaa ou ɨvɨtɨ re vae rami, jökoraita ou metei tëta tuichagüe jare imbaepuere yae vae, jókuae nunga mbaetɨi oyekuaa jare ngaraa ye ma oime kuri.

JOEL 2:31

Kuaraɨ pɨtumimbita jare yasɨ pïtata tugüɨ rami, ndei ou cheporojäa iara mbove, tuicha jare yavaete yae vae.”

JOEL 3:15

Kuaraɨ jare yasɨ ogüeta, yasɨtata reta jäveta jendɨ.

AMÓS 8:9

“¡Jókuae ara! Jei yandeYa Tumpa: Amoingeta kuaraɨ ara mbɨte peño, ara jembipe katu oï reve ambopɨtumimbita.

San Mateo 24:29

“Opa tembiporara guasu oasa güire, kuaraɨ oyembopɨtumimbita, jare yasɨ ngaraa ma jembipe, jare yasɨtata reta oata ara güi, jare opaete ara rupi ñogüɨnoi vae reta okanata.

San Marcos 13:24

Ërei opa tembiporara guasu oasa güire, kuaraɨ oyembopɨtumimbita, jare yasɨ ngaraa ma jembipe.

San Lucas 21:25

“Jayave oimeta oyekuaa mbae kuaraɨ re, yasɨ re jare yasɨtata reta re. Jare tëtaguasu reta oiporarata, ɨguasu reta jɨapu jare ɨaparúa reta jeko pegua.

Apocalipsis 8:12

Jayave araɨgua irundɨa omoñee mimbɨguasu, jare mbɨte seri kuaraɨ, yasɨ jare yasɨtata maratu oasa, jare mbɨte seri opa ogüe reta ara pe jare pɨ̈tu yave.