EZEQUIEL 31:3 - Biblia Guarani Tumpa Iñee

³ Nde ko, ɨ̈vɨrare Líbano pegua rami, jäka reta ipöra jare tëɨ yae, jäka ɨvateasɨ yae.

EZEQUIEL 31:3 ပူးပေါင်းရင်းမြစ်များ

SALMOS 92:12

Jupi vae reta ipotɨ karandaɨ rami, okuakuaa ɨ̈vɨrare Líbano pegua rami.

ISAÍAS 37:24

Ndemborɨa reta rupi ko neñee jasɨ katu chekotɨ. Rere: ‘Jeta chekäretou ñeraro pegua vae pe ko ayeupita ɨvɨtɨ ɨvate yae vae re, Líbano iyapɨte ɨvategüe re. Ayasɨata ɨ̈vɨrare ɨvategüe, jare ɨvɨra pino ipöragüe. Iyapɨte ɨvate yeyé vae re ajata aväe, iɨvɨ ikavigüe pe.

JEREMÍAS 17:8

Echa ɨ jembeɨ pe ɨvɨra oï vae ramita ko, japo reta oupitɨta ɨ oguataa, jare ngaraa oyandu kuaraɨasɨ, jokɨ katu aveita, ara-tini pe mbaetɨta ipiru, jare ia aveita.

JEREMÍAS 50:18

Jáeramo, che peYa Imbaepuere yae ete vae Israel iTumpa jae: Aiporaraukata mburuvicha guasu Babilonia pegua pe jare jëtaguasu pe, mburuvicha guasu Asiria pegua ayapo rami.

EZEQUIEL 17:22

Che ndeYa Tumpa jae körai: Che aipɨɨta vi jókuae ɨ̈vɨrare iyapokɨ iyapɨteasɨ regua jare añotɨta; jeñɨi kavi vae ayasɨata jare añotɨta metei ɨvɨtɨ ɨvate yae vae re.

EZEQUIEL 19:11

Jäka reta ipoguasu, chugüi oyeapo mburuvicha guasu reta ipo peguarä; okuakuaa ɨvate ïru reta güi, oyekuaa katu ɨvate jeko pegua jare jäka jeta jeko pegua.

EZEQUIEL 31:10

Jáeramo, yandeYa Tumpa jei körai: Jókuae ɨvɨra ɨvate yae oyeapo vae, oupitɨ amapɨtu vae jeko pegua, ipɨa pe oyembotuicha yae.

EZEQUIEL 31:16

Che amondo yave oyea omanogüe vae reta ndive, jɨapu oa ojo vae pe omokanata tëtaguasu reta. Jare jókuae ɨvɨgüɨ pe ipɨakatuta ɨvɨra reta Edén pegua ipöra yae vae jare oɨu kavi yae vae ɨvɨtɨ Líbano pegua reta.

EZEQUIEL 31:17

Omanogüe reta ñogüɨnoi pe yogüɨrajata vi jae ndive, ñeraro pe omano vae reta, ipɨ̈rata jese vae reta, jae jembiangareko reta tëtaguasu reta rupi.

EZEQUIEL 31:5

Jeta yae ɨ güɨnoi ramo, ɨvate yae okuakuaa ïru ɨvɨra reta güi, jäka reta oyembojeta, jare matɨ oñemoai.

EZEQUIEL 31:6

Oipotagüe güɨra reta oyapo jaitɨrä jäka reta re. Oipotagüe mɨmba reta ñana rupigua oa imembɨ iküaraɨa igüɨ rupi. Iküaraɨa igüɨ pe yogüɨreko jeta tëtaguasu reta.

EZEQUIEL 31:8

Metei ave ɨ̈vɨrare Tumpa iko raɨ pegua mbaetɨ ipuere omboyovake, metei ave ɨvɨra pino jee vae ani castaño jee vae, mbaetɨ omboyovake jäka, metei ave ɨvɨra reta Tumpa iko raɨ pegua, mbaetɨ omboyovake ipöra pe.

EZEQUIEL 32:22

Joko pe ñogüɨnoi Asiria opaete isundaro reta ndive, jare jɨvɨa ñogüɨnoi iyɨ́vɨri rupi; opaete jae reta omano ñeraro pe vae ko.

DANIEL 4:10

Kuaekuae ko jae aecha cherupa pe aï ramboeve vae: Aecha ɨvɨ mbɨte pe metei ɨvɨra ɨvate jare tuicha yae vae.

DANIEL 4:12

Jäka ipöra yae jare ia jeta yae, güɨnoi tembíu opaete vae peguarä. Iküaraɨa igüɨ pe ñogüɨnoi mɨmba reta ñana rupigua, jäka reta rupi oyemboaitɨ güɨra reta, jare chugüi oikove opaete vae reta.

DANIEL 4:7

Jare yogüeru ichoropa vae reta, yasɨtata re oyemboe vae reta, Caldeaɨgua reta jare maratuta vae imombeúa reta, jare amombeu chepaɨu chupe reta, ërei ngatu mbaetɨ ipuere oikuaauka reta cheve mbae ko oipota jei vae.

SOFONÍAS 2:13

Jae omopüata ipo ɨvɨtuguasu kotɨ omboai vaerä Asiria, tëta Nínive oeyata kïrii ngatu, ñuu rami otinita opɨta.

ZACARÍAS 11:1

¡Líbano, eipea neröke, jare ndeɨvɨra ɨ̈vɨrare reta tomokañɨtei tata!

ZACARÍAS 11:2

¡Ɨvɨra pino jee vae, peyaeo, echa ɨ̈vɨrare ikavi yae vae oyemboai ma! ¡Ɨvɨra reta encina jee vae Basán pegua, peräse peyaeo, echa kaa tëɨ yae vae oyemboai!

JUECES 9:15

Jare yuu jei: —Añetete ko peipota aiko peruvicha guasurä yave, opaete vae peiko jaegüe rupi, jare mbaetɨ yave oëta tata chegüi opa vaerä oapɨ ɨ̈vɨrare reta ɨvategüe Líbano pegua.