EZEQUIEL 30:9 - Biblia Guarani Tumpa Iñee

⁹ Jókuae ara amondota ñee jerajaa reta barco reta pe Etiopía pegua reta pe, jókuae oyemoambekombae ñogüɨnoi vae pe, jare jae reta okɨɨye yaeta Egipto pegua reta okɨɨye rami. Jókuae ara outa ete ma oväe.

EZEQUIEL 30:9 ပူးပေါင်းရင်းမြစ်များ

ISAÍAS 19:17

Egiptoɨgua reta okɨɨyeta Judáɨgua reta güi; imaendúa jese reta yave ave okɨɨyeta, jókuae yandeYa Imbaepuere yae ete vae oyemongeta oyapo vaerä Egipto kotɨ vae güi.

ISAÍAS 20:3

Jare yandeYa jei: “Kuae mboapɨ año cherembiokuai Isaías oiko inandi jare ipɨgüɨrai vae, omoërakua ko mbae Egipto jare Etiopía kotɨ.

ISAÍAS 20:5

Jare opaete vae okɨɨyeta jare imarata, echa Etiopía re oyerovia reta tëi, jare Egipto ko jae reta iyemboetea tëi.

ISAÍAS 23:5

Egiptoɨgua reta oikuaa yave, ipɨatɨtɨ yaeta, Tiro oasa vae jërakua yave chupe reta.

ISAÍAS 47:8

Jáeramo, eyeapɨsaka añave kuña, apiraiño omomora yae vae, nde reguapɨ kavi avei vae, rere ndepɨa pe: ‘Mbaetɨ yé kia chegüi; ngaraa apɨta imemano vae rami, ngaraa apɨta imembɨ opa omano vae rami.’

JEREMÍAS 49:21

Edom jɨapu oa vae omokanata ɨvɨ; jɨapu ojota oyeendu Ɨguasu Pɨ̈ta vae pe.

JEREMÍAS 49:31

Che, Tumpa ko ayókuai: ¡Pepüa, peporepeña jókuae tëtaguasu oiko pɨagüive jare oyerovia iyé vae re, jöke reta ave mbaetɨ jare imotätaa, jare jaeño etei oiko!

EZEQUIEL 24:14

Che ndeYa jae vae, oyeapota ko. Che etei ko ayapota, ambopota ko cheñee; mbaetɨta roparareko, mbaetɨta aipoepɨ cheyemongeta. Aiporaraukata ndeve, ndereko oï rupi. Che ndeYa Tumpa jae.’ ”

EZEQUIEL 26:16

Jare opaete mburuvicha reta ɨguasu jembeɨ rupigua, ogüeyɨta jenda mborookuaía pegua güi, omboi retata iñeapevaa jare jemimonde ipöra yae vae, oguapɨ retata ɨvɨ re okɨɨye güi, orɨrɨi avei retata jare ipɨakañɨ yae retata ndesusere re.

EZEQUIEL 27:35

Jare opaete tëta reta ɨguasu jembeɨ rupigua ipɨakañɨ yaeta nderé; jare juvicha guasu reta orɨrɨita okɨɨye güi, jova ambuae retata.

EZEQUIEL 33:33

Ërei ngatu oyembopo ma yave remoërakua vae, oikuaa retata oime yepe oiko ñeemombeúa ipɨte reta rupi vae.”

EZEQUIEL 38:11

Rereta: Taporepeña kuae ɨvɨ oyeepɨ rapembae vae re, oyeandumbae yogüɨreko vae reta re; opaete yogüɨreko jëta guasu ikëseambae pe jare jökembae pe.

EZEQUIEL 39:6

Jare ambouta tata tëta Magog re jare opaete ipɨagüive ɨguasu jembeɨ rupi yogüɨreko vae reta re. Jare oikuaa retata che ko jae Tumpa vae.

AMÓS 4:2

YandeYa Tumpa jei jee ikɨambae re, körai: “Mase, outa oväe ara reta, pereraja reta vaerä tɨ̈ai pe, jare peñemuña reta oipɨɨ retata pinda pe.

HABACUC 2:3

Ndei vɨteri oväe oyembopo vaerä kuae oyekuaa vae; ërei ngaraa oasa oyembopombae. Nde eäro, yepe tëi ara oväe raiviä, echa ouño täi ko iara pe.

SOFONÍAS 2:12

¡Pe Etiopía pegua reta vi, pemanota yandeYa ikɨsepuku pe!

SOFONÍAS 2:15

Kuae, jae ko jókuae tëta guasu ipɨagüive oiko vae, pɨpegua reta jei yepi jaeño ko ikavi yae vae. ¡Kërai, opa opɨta ñana rupigua mɨmba pochɨ vae reta jëtarä! Jokoropi oasa vae reta otuviñee jare ombovava ipo jese oyóyai reve.

1 Tesalonicenses 5:2

Echa pe reta peikuaa kavi ko yandeYa iväea metei imonda vae pɨ̈tu yave outa vae rami ko,

JUECES 18:7

Jayave jókuae pandepo kuimbae vae reta opa oë yogüɨraja oväe tëta Lais pe. Jare oecha reta jókuae tëta pegua reta yogüɨreko pɨagüive Sidón pegua reta rami, oyepokuaa mbaetɨ kia omoambeko jare mbaetɨ mbae oata chupe reta. Mombɨrɨ yogüɨreko oyougüi Sidón pegua reta ndive jare mbaetɨ oñemoïru reta kia ndive ave.