EZEQUIEL 30:3 - Biblia Guarani Tumpa Iñee

³ köi yae ma ou; ¡köi yae ma ou yandeYa iara oporojäa vaerä! ¡Ara pɨtumimbi yaeta vae, tëtaguasu reta oiporarata vae!

EZEQUIEL 30:3 ပူးပေါင်းရင်းမြစ်များ

SALMOS 110:6

ojäata tëtaguasu reta, omotɨnɨeta tëogüe pe; ¡oyokata äka reta opaete ɨvɨ rupi!

SALMOS 37:13

Ërei yandeYa oyoyaiñota, echa oikuaa köiño ma ou oiporara vaerä.

ÉXODO 14:20

jare oñeñono Egiptoɨgua reta jare Israel iñemuña reta ipäu pe; Egiptoɨgua reta pe amapɨtu ombopɨtumimbi, ërei Israel iñemuña reta pe omboesape pɨ̈tu yave; jáeramo jókuae pɨ̈tu Egiptoɨgua reta mbaetɨ ipuere oupitɨ Israel iñemuña reta.

ÉXODO 14:24

Jare köe ma ou yave yandeYa omae Egiptoɨgua reta kotɨ jókuae amapɨtu güi, metei jɨsɨ tata vae güi, jare ombopɨajopa Egiptoɨgua reta,

ISAÍAS 13:6

Peräse peyaeo, echa oväeta ma yandeYa iporojäa iara, Imbaepuere yae ete vae iporomokañɨtei ko.

ISAÍAS 13:9

Mase, oväe ma yandeYa iporojäa iara, ara yavaetegüe jare arasɨ yae pegua, oeyata ipombae ɨvɨ, opata omokañɨtei chugüi iyoa vae reta.

ISAÍAS 19:1

Tëtaguasu Egipto maratuta vae regua: Mase, yandeYa ou Egipto pe amapɨtu iñäkua yae vae re. Tumpa-raanga reta Egipto pegua orɨrɨi oecha yave, jare Egiptoɨgua reta ipɨa mano jóvai.

JEREMÍAS 25:31

Jɨapugüe oyeenduta ɨvɨ iyapɨ kotɨ, echa yandeYa ojäata tëtaguasu reta, oenɨita ojäa vaerä opaete vae reta, omeeta jupimbae reta mano pe. Jei yandeYa.’ ”

EZEQUIEL 13:5

Mbaetɨ etei mbae oyapo reta oepɨ vaerä Israel, mbaetɨ ojo reta oyemboasavi oï vae pe ani omopüa yepe oguambɨ tëta ikësea ñeraro peguarä, yandeYa iporojäa iara pe.

EZEQUIEL 29:12

Jare tëtaguasu Egipto amboaiasɨ katu yaeta, ïru tëtaguasu reta opa oyemboai vae güi; jëta guasu reta oyemboaita oiko cuarenta año rupi, Egipto pegua reta amoai moaita jëta güi ïru tëtaguasu reta rupi.

EZEQUIEL 30:18

Tafnes pe ara oyembopɨtumimbita, Egipto imbaepuere jare iyembotuicha amboai yave; pɨtumimbita chupe reta, jare tëta raɨ reta pegua reta oyererajaukata tembipɨɨrä.

EZEQUIEL 32:7

Che romboai yave, ara ambopɨtumimbita, jare yasɨtata reta ogüeta, kuaraɨ amoiata amapɨtu pe jare yasɨ mbaetɨta oesape.

EZEQUIEL 34:12

Vecha iyangarekoa oikuaa ivecha reta oñemoai ñogüɨnoi chugüi yave vae rami, jökorai aikuaata chevecha reta, aruta oipota rupi oñemoai ñogüɨnoia rupi güi, jasɨ katu ñogüɨnoi yave opa oñemoai vae.

EZEQUIEL 7:10

¡Mase, ko ma oï ara! ¡Ou ma oväe kañɨtei!, ikavimbae oï oipota rupi, oasa ete ma pepɨarai.

EZEQUIEL 7:12

Oväe ma ara. Oyembaegua vae ani oñemaemee vae mbaetɨta ma jaekavi. Echa oväe ma ara, aiporarauka vaerä chearasɨ rupi Israel pegua reta pe.

EZEQUIEL 7:19

Omombo retata ikorepoti kaye rupi, jare ioro omombota ɨtɨ rami. Ërei ioro ani ikorepoti ave ngaraa güɨroasayepe chearasɨ güi. Ngaraa osirive chupe reta omoangapɨɨ vaerä ani omoɨ̈vɨata vaerä, echa jókuae korepoti jare oro jeko pegua ko oa reta mbaeyoa pe.

EZEQUIEL 7:7

Ou oväe kañɨtei, kuae ɨvɨ pe peiko vae reta pe, ou oväe ara, köiño ma oï jókuae yembokepegua iara, mbaetɨta yerovia katu reta ɨvɨtɨ reta rupi.

JOEL 1:15

¡Atataɨ, oyearo ma yandeYa iporojäa iara! ¡Yavaete jókuae ara, echa Imbaepuere yae ete vae ko güeru yandeve kañɨtei!

ABDÍAS 1:15

Ïru reta pe peyapo rami oyeapota vi pe ndive: ¡Jókuae peyapo vae jekoviata peve! Köi ma oï yandeYa iporojäa iara opaete tëtaguasu reta peguarä.

SOFONÍAS 1:14

¡Köi yae ma ou vaerä yandeYa iporojäa iara yavaete yae vae! ¡Köi yae ma, outa ete ma! YandeYa iporojäa iara yavaete yaeta jɨapu: ¡Jëia yae vae jäseta jókuae ara!

SOFONÍAS 1:7

¡Peñemokïrii yandeYa jóvai, echa iporojäa iara oväeta ma! ¡YandeYa oporoyukata oï, jare opa ma oiparavo jembiparea reta!

San Mateo 24:33

Jökoraiño vi pe reta peecha yave opaete kuae mbaembae oasa, peikuaata che köi yae ma ko öke pe aï.

Filipenses 4:5

Pepɨakavi toikuaa opaete vae. YandeYa ou yeta ete ma ko.

Santiago 5:9

Cherɨvɨ reta, agüɨye peñeengeta oyokotɨ, agüɨye vaerä peyemboekouka. Echa oporojäa vae öke pe ma oï.

Apocalipsis 6:17

Echa oväe ma ara Vecha kuimbae taɨrusu vae iyarasɨ yae vaerä, ¿kia pa ipuereta güɨropɨa?