EZEQUIEL 3:8 - Biblia Guarani Tumpa Iñee

⁸ Ërei che roapota ndepɨatäta yae vaerä, jae reta rami. Ndepɨarai yae vaerä ikotɨ reta.

EZEQUIEL 3:8 ပူးပေါင်းရင်းမြစ်များ

1 REYES 21:20

Jare Acab jei Elías pe: —¿Jayave cheväe cherovaicho? Elías jei: —Jökorai. Echa ikavimbae vaeño reyapo yandeYa jesa róvai.

ISAÍAS 50:7

Echa, cheYa Tumpa ko chemborɨta, jáeramo, ngaraa ko chemara; jáeramo, amotäta cherova, ita rami, echa aikuaa ko ngaraa añemomaraiuka.

JEREMÍAS 1:18

Che roñono añave, tëta guasu oñekëse kavi yae vae rami, okɨta jiero pegua rami, okɨta jiero iyu vae pegua rami, opaete kuae ɨvɨ Judá pegua reta kotɨ: Juvicha guasu reta kotɨ, itenondegua reta kotɨ, isacerdote reta kotɨ, jare opaete vae reta kotɨ.

JEREMÍAS 15:20

Che roñonota kuae tëta peguarä, tëta ikësea jëguambae vae jiero iyu vae pegua rami. Oñoraro retata nde ndive, ërei ngaraa nemoamɨri reta, echa che aï nde ndive roepɨ vaerä, jare rogüɨroasayepe vaerä. Che ndeYa jae kuaekuae.

JEREMÍAS 5:3

CheYa Tumpa, nde reeka vae ko jupigüe oyapo vae, reinupa reta tëi, ërei jeseve mbaetɨ oyandu reta; reiporarauka tëi chupe reta, ërei mbaetɨ oipota reta oikuaa. Oyembopɨa täta reta, oasa ete ye ita güi, mbaetɨ oipota reta oyerova ye ndekotɨ.

EZEQUIEL 3:7

Ërei Israel iñemuña reta ñäteɨta oyeapɨsaka nderé, echa ñäteɨ oyeapɨsaka reta cheré; echa iñeereenduä jare ipɨatäta yae vae reta ko.

EZEQUIEL 3:9

Roapota täta yae ita diamante jee vae täta yae ïru ita reta güi rami. Agüɨye eipoɨu ani ekɨɨye chugüi reta, echa jae reta ipɨapochɨ yae ko.”

MIQUEAS 3:8

Ërei che anoi yandeYa iEspíritu rupi mbaepuere, jupi vae jare mɨ̈rata, aechauka vaerä Israel iñemuña reta pe ipɨarai jare iyoa.

Hebreos 11:27

Iporogüɨrovia rupi Moisés ojo Egipto güi, okɨɨyembae reve mburuvicha guasu iyarasɨ güi, echa oñemomɨ̈rata oecha rami Tumpa Oyekuaambae vae.