EZEQUIEL 3:27 - Biblia Guarani Tumpa Iñee

²⁷ Ërei che romomiari yave, neñee yeta, jayave rereta chupe reta: ‘Körai jei yandeYa Tumpa’. Kia ikɨ̈reɨ oendu vae toendu, jare kia mbaetɨ ikɨ̈reɨ oendu vae agüɨye toendu. Echa jae reta ko ipɨapochɨ vae reta.

EZEQUIEL 3:27 ပူးပေါင်းရင်းမြစ်များ

EZEQUIEL 11:25

Jare chemiari opaete tembipɨɨ reta pe, opaete jókuae yandeYa oechauka cheve vae re.

EZEQUIEL 2:4

Jaeramiño vi taɨ reta iñeereenduä jare ipɨatäta. Ikotɨ reta romondota, rere vaerä chupe reta: ‘Körai jei yandeYa Tumpa.’

EZEQUIEL 2:5

Güɨramoi ra oyeapɨsaka retata ani mbaetɨta, echa jae reta ko ipɨapochɨ vae, ërei oikuaa retata, oime ko jae reta ipɨte pe ñemombeúa vae.

EZEQUIEL 24:27

Jókuae ara neñee yeta nemiari vaerä jókuae oasayepe ou vae ndive. Nde reikota metei yembojaangarä chupe reta. Jayave oikuaa retata che ko jae peYa vae.’ ”

EZEQUIEL 29:21

Jókuae ara che amopüa yeta tëtaguasu Israel imbaepuere, jare nde Ezequiel nemiarita chupe reta. Jare oikuaa retata che ko jae peYa vae.”

EZEQUIEL 3:11

Javoi ekua nerëtaɨgua reta tembipɨɨrä ñogüɨnoi ïru ɨvɨ pe vae pɨri, güɨramoi oyeapɨsaka reta ani mbaetɨta oyeapɨsaka reta nderé, ërei ere chupe reta: ‘Körai jei yandeYa Tumpa.’ ”

EZEQUIEL 3:26

Jare vi che amboyata nekü neäpeku re, neñeembae repɨta vaerä, jare mbaetɨta reiko chupe reta kuimbae teko re omboeta vae, echa jae reta ko ipɨapochɨ vae reta.

EZEQUIEL 3:9

Roapota täta yae ita diamante jee vae täta yae ïru ita reta güi rami. Agüɨye eipoɨu ani ekɨɨye chugüi reta, echa jae reta ipɨapochɨ yae ko.”

EZEQUIEL 33:22

Ërei jókuae pɨare, ndei ou oväe mbove otekuarai vae, yandeYa ipo oñono cheré; jare ndeimbove jókuae kuimbae ou oväe yave, yandeYa omee ye chemiari vaerä, jare mbaetɨ ma cheñeembae aiko.

EZEQUIEL 33:32

Jae reta omae nderé otairari kavi tairari mboropota pe vae rami jare iyaseo katu vae re omae ramiño; oyeapɨsaka reta neñee re, ërei mbaetɨ oyapo reta oendugüe.

San Mateo 11:15

Oipota oyeapɨsaka vae, toyeapɨsaka kuae re.

San Mateo 13:9

Oipota oyeapɨsaka vae, toyeapɨsaka kuae re.”

San Lucas 21:15

Echa che ameeta peve ñee jare arakuaa, metei ave perovaicho reta mbaetɨta ipuere peré ani peaka.

Efesios 6:19

jare cheré vi, Tumpa omee vaerä cheve ñee, akɨɨyembae reve aikuaauka vaerä yaikuaa rapembae vae ñee ikavi regua.