EZEQUIEL 3:26 - Biblia Guarani Tumpa Iñee

²⁶ Jare vi che amboyata nekü neäpeku re, neñeembae repɨta vaerä, jare mbaetɨta reiko chupe reta kuimbae teko re omboeta vae, echa jae reta ko ipɨapochɨ vae reta.

EZEQUIEL 3:26 ပူးပေါင်းရင်းမြစ်များ

SALMOS 137:6

¡Chekü toya cheäpeku re, mbaetɨ chemaendúa nderé yave, mbaetɨ rombotenonde nde Jerusalén opaete cheyerovia ae güi yave!

SALMOS 51:15

CheYa, eipea cheyuru, jare tatairari toromboete.

ISAÍAS 1:2

Peyeapɨsaka, ara jare ɨvɨ, echa yandeYa jei: “Ambokuakuaa cheraɨ reta, ambotuicha reta, ërei jae reta oyembopɨapochɨ chekotɨ.

JEREMÍAS 1:17

Jare nde, eyeumbɨkua täta, ekua jare ere chupe reta opaete che royókuai vae. Agüɨye ekɨɨye chugüi reta, echa rekɨɨye ko yave, che ameeta nde rekɨɨye vaerä chugüi reta.

LAMENTACIONES 2:9

Jöke reta jare iyokendaka reta opa oyemboai, ¡jare opa oyeitɨ ɨvɨ rupi! Juvicha guasu jare mburuvicha reta ñogüɨnoi, tëtaguasu reta mbaetɨ güɨnoi Tumpa iporookuai vae ipɨte rupi. ¡Ñeemombeúa reta ave mbaetɨ ma oecha mbae yandeYa güi!

EZEQUIEL 12:2

“Nde kuimbae, reiko ipɨapochɨ vae reta ipɨte pe. Oime tëi jesa reta omae reta vaerä, ërei mbaetɨ oecha reta; oime tëi iyapɨsa reta, oendu reta vaerä, ërei mbaetɨ oendu reta, echa ipɨapochɨ vae reta ko.

EZEQUIEL 12:3

Jáeramo nde kuimbae, eyupavo reo vaerä ïru ɨvɨ kotɨ vae rami, ara pe etei eë ndero güi jae reta jovakei, ekua reïa güi ïkotɨa; güɨramoi jayave oikuaa reta, jae reta yepe metei tëta ipɨapochɨ vae.

EZEQUIEL 24:27

Jókuae ara neñee yeta nemiari vaerä jókuae oasayepe ou vae ndive. Nde reikota metei yembojaangarä chupe reta. Jayave oikuaa retata che ko jae peYa vae.’ ”

EZEQUIEL 33:22

Ërei jókuae pɨare, ndei ou oväe mbove otekuarai vae, yandeYa ipo oñono cheré; jare ndeimbove jókuae kuimbae ou oväe yave, yandeYa omee ye chemiari vaerä, jare mbaetɨ ma cheñeembae aiko.

DANIEL 10:15

Kuae ñee reta jei oï cheve ramboeve, cheäkatindɨ aï jare mbaetɨ etei cheñee amoë.

OSEAS 4:17

¡Efraín pegua reta itumpa-raanga pota yae! ¡Peeya!

OSEAS 4:4

YandeYa jei: “¡Agüɨye kia tomboeko ani tomboeta ïru vae pe!, echa sacerdote reta kotɨño ayovaicho.

AMÓS 5:10

¡Pe reta pemotareɨ öke pe oepɨ teko jupi vae, jare peröɨro sɨmbi rupi imiari vae!