EZEQUIEL 3:20 - Biblia Guarani Tumpa Iñee

²⁰ Jaeramiño vi kuimbae jupi oiko vae opia jare oyapo yave ikavimbae, jare che añono yave mbae oasa vaerä, jae omanota, echa nde mbaetɨ remboarakuaa; mbaetɨta amae jupi oiko vae re; ërei che romboekota imano re.

EZEQUIEL 3:20 ပူးပေါင်းရင်းမြစ်များ

2 CRÓNICAS 24:2

Joás oyapo jupi rupi yandeYa jesa róvai opaete ara sacerdote Joiada oikove oiko ramboeve.

2 CRÓNICAS 25:15

Kuae jeko pegua yandeYa iyarasɨ Amasías kotɨ, jare ombou chupe metei ñeemombeúa jei vaerä chupe: —¿Maera pa reeka ndeyeupe ïru tëtaguasu reta itumpa reta, jókuae mbaetɨ jëtaɨgua reta oepɨ ndepo güi vae?

SALMOS 119:165

Ipɨakatu yae, ndeporookuai oaɨu vae reta, jae reta mbaetɨ ogüɨapi.

SALMOS 125:5

ërei opia teko ikavimbae rupi vae reta, yandeYa güɨrajata jeko ikavimbae reta ndive. ¡Mbɨakatu toï Israel pe!

SALMOS 36:3

Iyuru güi oë ñee jupimbae jare yembotavɨ pegua; oeya arakuaa katu jare mbaetɨ ma oyapo ikavi vae.

PROVERBIOS 25:12

Moäka-vera ani mboɨ oro yepeai vae rami ko, oyemboeta yave, yarakuaa vae iñeereendu katu vae pe.

ISAÍAS 64:6

Opaete ore reta ko mbae ikɨa vae rami, orerembiapo kavi reta, tarapo ikɨa vae rami ko ndeve; opaete ore roa, ɨvɨra joo oa rami, jare orerembiapo kavimbae reta orereraja, ɨvɨtu güɨraja mbae rami.

ISAÍAS 8:14

Jae toï peve mbaemboetea; ërei Israel iñemuña reta oyemboyao mókoi tëtaguasu ñogüɨnoi vae peguarä oïta ita rami, ipɨ̈sa-yeyuka oyepɨaka reta jese vaerä; ñuai ramita, Jerusalén pegua reta oa pɨpe vaerä.

JEREMÍAS 34:16

Ërei jaɨkue rupi peipoepɨ ye peyemongeta, pemboeteä cheree, opa ye peipɨɨ perembiokuai reta kuimbae jare kuña peyoragüe, oyeokuai ye vaerä peve.

JEREMÍAS 6:21

Jáeramo yandeYa jei: “Ko añono kuae tëta chembae oyepɨaka jare ogüɨapi vaerä. Tu reta jare taɨ reta; jëta-ɨpɨ rupigua reta jare iñeïru reta omanota vi.”

EZEQUIEL 14:3

“Nde kuimbae, kuae kuimbae reta oñono ipɨa pe tumpa-raanga reta omboete vaeräño, omae reta jókuae mbaeyoa oyapouka chupe reta vae kotɨño. ¿Amaeñota yera oparandu reta mbae re cheve?

EZEQUIEL 18:24

Ërei jupi vae opia yave jupi oyapo oiko vae güi, jare jae oyapo ikavimbae yae vae iyoa vae reta oyapo vae güi yave, ¿perovia pa oikoveñota? Che ngaraa ma chemaendúa opaete ikavi vae oyapogüe re. Oyapo jupimbae jare iyoa jeko pegua omanota.

EZEQUIEL 18:26

Jupi vae opia yave jupi oiko vae güi, jare oyapo yave ikavimbae, omanota ko, ikavimbae oyapo jeko pegua.

EZEQUIEL 3:18

Che jae yave iyoa vae pe: ‘Remanota ko’; jare nde mbaetɨ remboarakuaa ani remombeu chupe oeya vaerä jeko ikavimbae oikove oiko vaerä yave, jae omanota jeko kavimbae jeko peguai, ërei che romboekota imano re.

EZEQUIEL 33:18

Jupi rupi oiko vae oyapo yave jupimbae, jare oyapo ikavimbae vae yave, omanota ko iyoa jeko pegua.

EZEQUIEL 33:6

Ërei jókuae omae vae oecha tëi tovaicho reta yogüeru reve mbaetɨ omoñee mimbɨguasu tëta pegua reta oyemombarandu vaerä yave, jare tovaicho reta oyuka yave amogüe tëta pegua, jókuae omano vae, omano ko iyoa jeko pegua; ërei che aiporaraukata imano re jókuae omae vae pe.’

EZEQUIEL 7:19

Omombo retata ikorepoti kaye rupi, jare ioro omombota ɨtɨ rami. Ërei ioro ani ikorepoti ave ngaraa güɨroasayepe chearasɨ güi. Ngaraa osirive chupe reta omoangapɨɨ vaerä ani omoɨ̈vɨata vaerä, echa jókuae korepoti jare oro jeko pegua ko oa reta mbaeyoa pe.

DANIEL 9:18

OreYa Tumpa, emboɨke ndeapɨsa jare eendu; emae kavi opa royemboai roï vae re, jare tëta guasu nderee oñeenɨia opa oyemboai oï vae re. Mbaetɨ roeka ndeve yemborɨ jupi rupi roiko jeko pegua, jaeño ndeporoparareko tuicha yae jeko pegua ko.

LEVÍTICO 19:17

Agüɨye pepɨa pe pemotareɨ perëtara. Pemboeta perapicha pe, agüɨye vaerä peyemboeko jae ndive iyoa pe.

SOFONÍAS 1:6

Amboaita vi opia chegüi vae reta, jare mbaetɨ chereeka vae, mbaetɨ oyerure cheve vae reta.”

San Mateo 18:15

Nerëtara iyoa yave ndekotɨ, ekua emboeta chupe kia oikuaambae reve pe aeño pe. Jare jae oyeapɨsaka nderé yave, reï kavita jae ndive.

San Lucas 2:34

Jare Simeón jei ñee kavi jese reta. Jayave jei ichɨ María pe: —Mase, kuae nemembɨ oïta jeta Israel pegua reta ogüɨapi vaerä jare opüa vaerä. Jare jeta vae reta güɨröɨrota.

San Lucas 8:15

Ërei jókuae temitɨ oa ɨvɨ kavi pe vae oyembojaanga Tumpa iñee oendu vae re. Kuae reta oyeapɨsaka Tumpa iñee re ipɨa kavi jare sɨmbi rupi kavi, jare oyapo Tumpa iñee jei oyapo vaerä vae. Jáeramo jae reta temitɨ ia avei vae rami ko.

Romanos 11:9

Jaeramiño vi David jei körai: “Opaete iarete reta tembíu kavi pegua, toï chupe reta ñuai reta rami. Toï chupe reta ogüɨapi vaerä jare oiporara vaerä.

1 Corintios 1:23

ërei yande yamombeu chupe reta Cristo omano kurusu re vae regua. Ërei kuae pɨ̈sa-yeyuka Judío reta peguarä, jare judiombae vae reta peguarä mbokere.

DEUTERONOMIO 13:3

Agüɨye peyeapɨsaka jókuae ñeemombeúa iñee reta re, ani jókuae ipaɨu katu vae re. Echa yandeYa Tumpa ko pejäa oï oikuaa vaerä peaɨu ra yandeYa Tumpa opaete pepɨa ndive, jare opaete perekove ndive.

Hebreos 10:38

Tumpa ombojupi vae güɨnoita tekove oporogüɨrovia ramo; ërei oime yave kia opia, ngaraa chemboyerovia.”

Hebreos 13:17

Peñeereendu oyangareko peré vae reta pe jare peiko jae reta jeia re, echa jae reta oyangareko oï perekove re, oikuaa reve Tumpa ojäata ko iparavɨkɨ re; jökorai peyapo yave, jae reta oparavɨkɨta Tumpa pe oyerovia reve, ipɨatɨtɨmbae reve, echa ipɨatɨtɨ reve oparavɨkɨ Tumpa pe yave, ngaraa jaekavi.

1 Pedro 2:8

Jae ko metei ita pɨ̈sa-yeyuka pegua, ita oporopɨaka vae. Echa jae reta oyepɨaka reta Tumpa iñee oendúä ramo, jókuae ra oyembojee reta ramo.

1 Juan 2:19

Jae reta oë yandegüi, mbaetɨ añetete oñemoïru yande ndive ramo. Echa añetete oñemoïru yande ndive yave oimeñota tëi yogüɨreko yande ndive. Ërei oë reta yandegüi, oyekuaa vaerä opa reveä ko ñaneïru vae.