EZEQUIEL 3:17 - Biblia Guarani Tumpa Iñee

¹⁷ “Nde kuimbae, che roñono sundaro ɨvate güi omae vae rami, Israel iñemuña reta peguarä. Che amombeu yave ndeve mbae nunga ñee, emoërakua chupe reta oikuaa voi ñogüɨnoi vaerä.

EZEQUIEL 3:17 ပူးပေါင်းရင်းမြစ်များ

2 CRÓNICAS 19:10

Oipotagüe perëtara reta yogüeru yave pekotɨ tëta guasu reta güi, oñeapo vaerä peve oporoyuka vae re, ani mborookuai reta jei vae re, pemombeu kavi chupe reta agüɨye vaerä iyoa reta yandeYa kotɨ, agüɨye vaerä yandeYa iyarasɨ pekotɨ jare perëtara reta kotɨ. Kuae peyapo yave ngaraa peyoa.

CANTARES 3:3

Cheväe tëta guasu iyangarekoa reta, jare aparandu chupe reta, jae: “¿Mbaetɨ pa peecha aaɨu vae?”

CANTARES 5:7

Cheväe tëta guasu iyangarekoa reta; jare tëta guasu ikësea iyangarekoa reta chenupa, chembopere reta jare ipïrimbae reve opɨ̈ro reta chegüi cheñeapevaka.

ISAÍAS 21:6

Echa yandeYa jei cheve: “Eñono omae vae, omombeu vaerä opaete mbae oechagüe.

ISAÍAS 21:8

Jare jókuae omae vae osapúkai täta: “CheYa, kuae aïa mbaetɨ etei ko aeya ara pe, pɨ̈tu ñavo ko amae ngatu avei aï.

ISAÍAS 52:8

¡Jare sundaro ɨvate güi omae vae reta isapúkai oyeenduta! Osapúkai retata, opareve osapúkai retata yerovia katu reve; echa jae reta etei oechata yandeYa oyerova ye ma Sión kotɨ vae.

ISAÍAS 56:10

echa sundaro ɨvate güi omae vae reta, jesambae rami ñogüɨnoi, mbaetɨ etei mbae oikuaa ñogüɨnoi. Opaete jae reta yaɨmba iñarosembae rami ko, mbaetɨ ipuere oñaro reta; oke reteiño jare oaɨu yae reta jopeɨ.

ISAÍAS 58:1

YandeYa jei cheve: “Esapúkai täta, reipoɨumbae reve, neñeeäta mimbɨguasu iñee rami; emboeta chembae vae reta Jacob iñemuña reta pe, ipɨapochɨ re jare iyoa re.

ISAÍAS 62:6

Jerusalén, nekësea reta re añono omae vae, ara pe jare pɨ̈tu yave ngaraa etei kïrii, jei retata: “Agüɨye tikïrii yandeYa omboete vae.

JEREMÍAS 1:7

Ërei yandeYa jei cheve: “Agüɨye ere chetaɨrusu yae ko. Che royokuaía rupi ko reota, jare opaete royókuai vae rereta.

JEREMÍAS 31:6

Echa oväeta ara omaeäro vae reta osapúkai vaerä ɨvɨtɨ Efraín re, jei reve: ‘Peyu, yaja Sión pe, yamboete vaerä yandeYa Tumpa.’ ”

JEREMÍAS 6:10

Che jae: “¿Kia pa oenduta cheñee, amoërakua yave kuae re? Oyeapete ko oï iyapɨsa reta, cheYa, mbaetɨ ipuere oendu reta, oyóyai yoyaiño ko neñee reta, mbaetɨ oaɨu reta iyeupe.

JEREMÍAS 6:17

YandeYa oñono sundaro reta ɨvate güi omae vae rami vae, jae reta jei vaerä imbae vae reta pe: “Peyeapɨsaka peï mimbɨguasu iñee re.” Ërei chembae vae reta jei: “Ngaraa royeapɨsaka jese.”

EZEQUIEL 11:25

Jare chemiari opaete tembipɨɨ reta pe, opaete jókuae yandeYa oechauka cheve vae re.

EZEQUIEL 11:4

Jáeramo, nde kuimbae, emoërakua ikotɨ reta maratuta oasa reta vae.”

EZEQUIEL 2:7

Nde emombeu chupe reta cheñee, ipuere oyeapɨsaka nderé ani mbaetɨ vi, echa jae reta ko iñeereendumbae.

HABACUC 2:1

Amae ngatuta jare aïndaivita, omaeäro vae rami, aärota, mbae ra jaeta cheYa pe cheñeengeta chupe vae re.

HAGEO 1:13

Jayave Hageo, yandeYa jemimondo imiari yandeYa iporookuai rupi, opaete vae pe, jei reve: “YandeYa jei: ‘Che aï pe ndive.’ ”

San Mateo 3:7

Jare oecha jeta fariseo reta jare saduceo reta yogüeru Juan oporombobautisa oïa pe yave, jei chupe reta: “Pe reta ko jae mboi reta rami. ¿Kia pa omombeu peve peyerova vaerä Tumpa kotɨ, agüɨye vaerä jae oiporarauka peve?

1 Corintios 12:28

Jare Tumpa oñono oporogüɨrovia vae reta ipɨte pe, tenonde ete temimondo reta, mokoía ñeemombeúa reta, mboapɨa oporomboe vae reta, javoi mɨakañɨ oyapo vae reta, oporombogüera vae reta, oporomborɨ vae reta, oyangareko mbae re vae reta, ambuae vae ñee reta pe imiari vae reta.

1 Corintios 4:14

Mbaetɨ aikuatía körai pomomarai vaerä. Pomboarakuaa ko cheraɨ aaɨu vae rami.

2 Corintios 5:11

Jáeramo, yaikuaa yandeYa ñanejäata ramo ore romokɨ̈reɨ ïru vae reta güɨrovia vaerä yandeYa re. Tumpa orekuaa kërai ko ore vae. Mbae mona pe reta orekuaa vi.

2 Corintios 5:20

Jáeramo Cristo yandemondo jae jee re jekovia pe, Tumpa etei imiari oï yande rupi rami. Jáeramo pomoñera Cristo jee re, peñeñono kavi ye Tumpa ndive.

Colosenses 1:28

Ore romoërakua Cristo, romboarakuaa jare romboe reve opaete vae, arakuaa re, opaete vae okuakuaa kavi vaerä Cristo Jesús re.

1 Tesalonicenses 5:14

Cherɨvɨ reta, pomoñera vi pemboeta vaerä iyakɨ vae reta pe, jare pemoäta ngatu oyembopɨtu vae jare pemborɨ ipɨ̈ratambae reta, jare pepɨaguasu opaete vae pe.

Hebreos 13:17

Peñeereendu oyangareko peré vae reta pe jare peiko jae reta jeia re, echa jae reta oyangareko oï perekove re, oikuaa reve Tumpa ojäata ko iparavɨkɨ re; jökorai peyapo yave, jae reta oparavɨkɨta Tumpa pe oyerovia reve, ipɨatɨtɨmbae reve, echa ipɨatɨtɨ reve oparavɨkɨ Tumpa pe yave, ngaraa jaekavi.