EZEQUIEL 3:12 - Biblia Guarani Tumpa Iñee

¹² Jayave yandeYa imbaepuere chemopüa, jare cheraɨkue kotɨ aendu ñee täta jɨapu vae jei: “¡Toyemboeteuka yandeYa iyemboetea, jae oïa güi!”

EZEQUIEL 3:12 ပူးပေါင်းရင်းမြစ်များ

1 REYES 18:12

Aja ramboeve kuae güi yandeYa iEspíritu ndererajata kuae güi che mbaetɨ aikuaa vae pe. Javoi che aja Acab pe romombeu yave royuta roeka, javoi Acab mbaetɨ neväe yave, cheyukata. Che nderembiokuai chetaɨrusu güive amboete yandeYa vae ko.

2 REYES 2:16

jare jei reta chupe: —Mase, ore nderembiokuai pɨte pe oime cincuenta kuimbae jëia vae. Toyogüɨraja toeka jókuae ndemboea, güɨramoi yandeYa iespíritu oupi jare oitɨ mbae nunga ɨvɨtɨ re, ani ɨvɨtɨ päu pe. Ërei Eliseo jei chupe reta: —Agüɨye pemondo metei ave.

SALMOS 148:2

¡Pemboete yandeYa, pe opaete iaraɨgua reta! ¡Pemboete yandeYa, pe opaete ara pe peï vae reta!

SALMOS 26:8

CheYa, che aaɨu ndetupao, ndeyemboetea oïa.

ISAÍAS 6:3

Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

EZEQUIEL 10:4

Jayave yandeYa iyemboetea oyemboɨvate araɨgua querubín reta iárambo güi, ojo tupao jöke pe; jare amapɨtu tɨnɨe tupao, jare yandeYa iyemboetea jembipegüe oesape oka.

EZEQUIEL 11:1

Tumpa imbaepuere chereupi jare chereraja tupao jöke kuaraɨ oëa kotɨgua pe. Joko pe ñogüɨnoi veinticinco kuimbae. Jókuae reta ipɨte pe aecha mburuvicha reta tëta pegua, jae ko Jaazanías, Azur taɨ jare Pelatías, Benaía taɨ.

EZEQUIEL 2:2

Imiari oï ramboeve Tumpa imbaepuere ou cheré jare chemopüa chemboyemboɨ. Jayave aendu imiari cheve vae,

EZEQUIEL 3:11

Javoi ekua nerëtaɨgua reta tembipɨɨrä ñogüɨnoi ïru ɨvɨ pe vae pɨri, güɨramoi oyeapɨsaka reta ani mbaetɨta oyeapɨsaka reta nderé, ërei ere chupe reta: ‘Körai jei yandeYa Tumpa.’ ”

EZEQUIEL 3:14

Tumpa imbaepuere chemopüa jare cherenoe joko güi, chepɨakatúä jare chepɨatɨtɨ reve aja, ërei yandeYa täta chepɨɨ.

EZEQUIEL 43:4

jare yandeYa iyemboetea oike tupao pe, öke kuaraɨ oëa kotɨgua rupi.

EZEQUIEL 43:5

Jayave Tumpa Imbaepuere chemopüa, jare chereraja oka michi vae pe, jare aecha Tumpa iyemboetea omotɨnɨe tupao.

EZEQUIEL 8:3

Jare jókuae kuimbaeecha vae ombou ipo jare chepɨɨ chea pe. Jare Tumpa imbaepuere chereraja ɨvate ɨvɨ güi, Tumpa oechauka cheve vae rupi chereraja Jerusalén pe, jare cheñono öke japɨpe pegua pe, ɨvɨtuguasu kotɨ omae vae pe, joko pe oï tumpa-raanga yandeYa omboarasɨuka vae iä.

EZEQUIEL 9:3

Jare Israel iTumpa iyemboetea oyemboɨvate jókuae araɨgua querubín iárambo güi, jare ojo tupao pe yaikea pe. YandeYa oenɨi jókuae kuimbae jemimonde tïiasɨ lino pegua vae, ikúa re güɨraja jembiporu ombaekuatía pɨpe vae.

Hechos 2:2

Jare güɨramoiño oyeendu jɨapu ou ara güi ɨvɨtu täta oyepeyu vae rami. Täta jɨapu jókuae o ñogüɨnoia pe.

Hechos 8:39

Jare oë reta ɨ güi yave, yandeYa iEspíritu güɨraja joko güi Felipe. Jare eunuco mbaetɨ ye oecha. Jare oyerovia reve ojo jëta kotɨ.

Apocalipsis 1:10

Espíritu Santo güɨnoi mbaepuere cheré tenondegua ara semana iyɨpɨ pe, jare aendu chekupe kotɨ ñee tätagüe, mimbɨguasu iñee rami,

Apocalipsis 1:15

Ipɨ jembipe jiero iyu vae horno pe oyepiro vae rami. Jare iñee jɨapu tororomba pe ɨ jɨapu rami.

Apocalipsis 19:6

Jayave aendu jeta yae vae iñee rami, ɨ jeta vae jɨapu rami, ara täta jɨapu rami, jei: “¡Aleluya! Echa yandeYa Tumpa Imbaepuere yae vae oporookuai ma.