EZEQUIEL 3:11 - Biblia Guarani Tumpa Iñee

¹¹ Javoi ekua nerëtaɨgua reta tembipɨɨrä ñogüɨnoi ïru ɨvɨ pe vae pɨri, güɨramoi oyeapɨsaka reta ani mbaetɨta oyeapɨsaka reta nderé, ërei ere chupe reta: ‘Körai jei yandeYa Tumpa.’ ”

EZEQUIEL 3:11 ပူးပေါင်းရင်းမြစ်များ

ÉXODO 32:7

Jayave yandeYa jei Moisés pe: —Ekua, egüeyɨ ekua, echa ɨvɨ Egipto güi renoe vae reta, opa oikomegua.

JEREMÍAS 29:20

Peendu mo cheñee, opaete pe reta pogüɨrajauka Jerusalén güi Babilonia kotɨ vae reta.’)

EZEQUIEL 2:4

Jaeramiño vi taɨ reta iñeereenduä jare ipɨatäta. Ikotɨ reta romondota, rere vaerä chupe reta: ‘Körai jei yandeYa Tumpa.’

EZEQUIEL 2:5

Güɨramoi ra oyeapɨsaka retata ani mbaetɨta, echa jae reta ko ipɨapochɨ vae, ërei oikuaa retata, oime ko jae reta ipɨte pe ñemombeúa vae.

EZEQUIEL 2:7

Nde emombeu chupe reta cheñee, ipuere oyeapɨsaka nderé ani mbaetɨ vi, echa jae reta ko iñeereendumbae.

EZEQUIEL 20:27

“Jáeramo, nde kuimbae, nemiari Israel iñemuña reta pe, ere chupe reta: ‘YandeYa Tumpa jei körai: Peñemuñagüe reta körai vi chemboarasɨuka, oyembopɨapochɨ reta yave chekotɨ.’

EZEQUIEL 3:10

Jei ye cheve: “Nde kuimbae, eyeapɨsaka kavi opaete jaeta ndeve vae re, jare eñovatu ndepɨa pe.

EZEQUIEL 3:12

Jayave yandeYa imbaepuere chemopüa, jare cheraɨkue kotɨ aendu ñee täta jɨapu vae jei: “¡Toyemboeteuka yandeYa iyemboetea, jae oïa güi!”

EZEQUIEL 3:15

Jare aja aväe Tel-abib pe, ɨ̈aka Quebar jembeɨ pe, Israel iñemuña reta tembipɨɨrä yogüɨrekoa pe, joko pe apɨta jae reta ndive, jare kïrii aiko chiu ara.

EZEQUIEL 3:27

Ërei che romomiari yave, neñee yeta, jayave rereta chupe reta: ‘Körai jei yandeYa Tumpa’. Kia ikɨ̈reɨ oendu vae toendu, jare kia mbaetɨ ikɨ̈reɨ oendu vae agüɨye toendu. Echa jae reta ko ipɨapochɨ vae reta.

EZEQUIEL 33:12

Nde kuimbae, ere nerëtaɨgua reta pe: ‘Jupi rupi oiko vae iyoa yave, tenondegua imbaejupi reta ngaraa güɨroasayepe, jaeramiño vi iyoa vae oyepoepɨ yave jeko güi, ngaraa tenondegua iyoa reta jeko pegua omano. Jupi vae iyoa yave, tenondegua imbaejupi reta ngaraa oepɨ oikove oiko vaerä.

EZEQUIEL 33:17

Javoi nerëtaɨgua reta jeita: ‘YandeYa mbaetɨ oyapo mbae jupi rupi’, ërei jae reta ko mbaetɨ jupi rupi mbae oyapo.

EZEQUIEL 33:2

“Nde kuimbae, nemiari nerëtaɨgua reta pe, ere chupe reta: ‘Che ambou metei tëta pe ñeraro yave, jare jókuae tëta pegua reta oiparavo metei kuimbae omae vaerä vae yave.

EZEQUIEL 33:30

Nde kuimbae, tëta guasu ikësea iyɨ́vɨri rupi, jare o reta jöke rupi, nerëtaɨgua reta opuka ndekotɨ jei reta reve oyoupe: ‘Peyu, yaja yayeapɨsaka yandeYa iñee re, mbae ra jeita.’

EZEQUIEL 37:18

Nerëtaɨgua reta oparandu ndeve yave körai: ‘Emombeu oreve, ¿mbae pa oipota jei kuae?’

DANIEL 12:1

Jókuae ara opüata araɨgua Miguel mburuvicha tenondegua ete, nerëtara Israel iñemuña reta iyangarekoa. Outa mbɨatɨtɨ iara, mbaetɨi jókuae nunga, arakae kuimbae oyeapo ramo güive vae. Ërei jókuae ara oasayepeta nerëtaɨgua reta, opaete jee oyekuatía oï tupapire pe vae.

DANIEL 6:13

Jayave jei reta mburuvicha guasu pe: —Daniel, tembipɨɨ reta Judá pegua iñemuña mbaetɨ ndemboete mburuvicha guasu, mbaetɨ omboete mborookuai reyapogüe; mase mboapɨ ye metei ara pe oyerure.

DEUTERONOMIO 9:12

jare jei cheve: ‘Epüa, egüeyɨ jarembae kuae güi, echa tëta renoe Egipto güi vae jopa. Jarembae yae opa opia reta che ayókuai vae güi, oyapo reta iyeupe metei mbae iä jiero oyemondɨkui vae pegua.’