EZEQUIEL 28:2 - Biblia Guarani Tumpa Iñee

² “Nde kuimbae, ere mburuvicha guasu Tiro pegua pe: CheYa Tumpa jei körai: Nde ndepɨayemboete yae, rere ndeyeupe: ‘Che ko jae metei tumpa aguapɨ aï Tumpa iguapɨa pe ɨguasu mbɨte pe vae.’ Ërei nde jaeä ko Tumpa, nde ko metei kuimbaeño. Ndepɨa pe reyemongeta ndearakuaa katu metei tumpa rami.

EZEQUIEL 28:2 ပူးပေါင်းရင်းမြစ်များ

GÉNESIS 3:5

Echa Tumpa oikuaa katu ko jókuae ara peu ko yave, oyepeata peresa, jare peikota Tumpa rami, peikuaata ikavi vae jare ikavimbae vae.

2 CRÓNICAS 26:16

Ërei imbaepuere yae ma yave, ipɨa pe oyembotuicha, jökorai oyembosusere echa oyembopɨapochɨ iYa Tumpa kotɨ oike ramo yandeYa jo pe oapɨ vaerä ikäti kavi vae incienso, ikäti kavi vae incienso oyeapɨ jese vae re.

SALMOS 9:20

Eiämondo reta cheYa, ¡toikuaa jae reta kuimbaeño ko vae!

PROVERBIOS 16:18

Oime susere, pɨ ayembotuich oime ramo; oime tembiporara, pɨayemboete oime ramo.

PROVERBIOS 18:12

Ndei susere mbove, oime pɨayembotuicha; ndei oime yemboete mbove, oime susere.

ISAÍAS 2:12

echa yandeYa Imbaepuere yae ete vae ojäa yave jókuae ara, opaete kuimbae ipɨapochɨ vae reta, ipɨayemboete vae reta, ipɨa ombotuicha vae reta, omoñemomichita;

ISAÍAS 23:8

¿Kia pa jei körai kuae Tiro kotɨ? Pɨpegua omaemee vae reta ko mburuvicha yepi, pɨpegua omaemee vae reta ko oikokatu vae kuae ɨvɨ pe.

ISAÍAS 31:3

Egiptoɨgua reta kuimbaeño ko, Tumpaä ko; ikavayu reta, kavayu tumpaä ko. Jayave yandeYa omopüa ipo oinupa reta vaerä yave, opata ko ñamɨri oporomborɨ vae jare oyemborɨuka vae vi, opaete voita omano reta.

ISAÍAS 47:8

Jáeramo, eyeapɨsaka añave kuña, apiraiño omomora yae vae, nde reguapɨ kavi avei vae, rere ndepɨa pe: ‘Mbaetɨ yé kia chegüi; ngaraa apɨta imemano vae rami, ngaraa apɨta imembɨ opa omano vae rami.’

EZEQUIEL 16:49

Jae kuae ndepɨkɨɨ Sodoma iyoa: Jae jare tëta raɨ reta iyɨvɨrigua oyembopɨapochɨ reta jeta tembíu güɨnoi vae rupi jare ikavi yogüɨreko vae rupi, mbaetɨ omborɨ reta paravete vae jare mbae oata chupe vae.

EZEQUIEL 26:17

Otairari retata nderé tairari mbɨatɨtɨ pegua, körai: ‘¡Maera pa ko rekañɨtei! ¡Maera pa ko rekañɨ ɨguasu güi, tëtaguasu jërakua yae vae! ¡Nerëta pegua reta ndive ndembaepuere yae ɨguasu pe, okɨɨye yepi ndegüi opaete ndeɨ́vɨri rupigua reta!

EZEQUIEL 28:1

YandeYa jei cheve:

EZEQUIEL 28:17

Nepöra yae jeko pegua ndepɨayemboete, ndeyemboetea yae jeko pegua ndearakuaa rerokomegua. Che roitɨ ɨvɨ re, romomaraiukata mburuvicha guasu reta jóvai.

EZEQUIEL 28:9

¿Jekuaeñota ra rere ndeyeupe: ‘Che ko jae Tumpa’, ndeyuka vae reta jóvai? ¡Ndeyuka vae reta ipo pe, nde kuimbaeño ko, mbaetɨ ko metei tumpa!

EZEQUIEL 29:3

Ere chupe reta: ‘CheYa Tumpa jei körai: Che ayovaicho nde ndive Faraón, mburuvicha guasu Egipto pegua; mbaeporou päicha guasu oyapakua ɨ̈aka mbɨte pe rami vae jei: Chembae ko kuae ɨ̈aka Nilo, che ko ayapo cheyeupe.

EZEQUIEL 29:9

Ɨvɨ Egipto opɨtata ipombae, jare chekuaa retata che ko jae Tumpa vae. Echa rere: Ɨ̈aka Nilo chembae ko, che ko ayapo cheyeupe.

EZEQUIEL 31:10

Jáeramo, yandeYa Tumpa jei körai: Jókuae ɨvɨra ɨvate yae oyeapo vae, oupitɨ amapɨtu vae jeko pegua, ipɨa pe oyembotuicha yae.

DANIEL 11:12

Jare oporomoamɨri jare jeta yae oporoyuka jeko pegua oyembotuichata, ërei imbaepuere ngaraa ɨma oiko.

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

DANIEL 11:37

Kuae mburuvicha guasu mbaetɨta omboete iñemuña reta itumpa, kuña reta itumpa-raanga reta ave mbaetɨta omboete, ïru tumpa reta ave mbaetɨta omboete, echa oyembotuicha yaeta opaete vae güi.

HABACUC 2:4

Eikuatía, mase, jeko kavimbae reta oyembotuicha, ërei jupi vae reta oikoveta jupi rupi yogüɨreko vae re.”

SOFONÍAS 2:15

Kuae, jae ko jókuae tëta guasu ipɨagüive oiko vae, pɨpegua reta jei yepi jaeño ko ikavi yae vae. ¡Kërai, opa opɨta ñana rupigua mɨmba pochɨ vae reta jëtarä! Jokoropi oasa vae reta otuviñee jare ombovava ipo jese oyóyai reve.

ZACARÍAS 9:2

Jaeramiño vi Hamat; Tiro jare Sidón yepe tëi yarakuaa yae.

San Lucas 14:9

Jare o iya güeruta jókuae imboetea yae vae reguapɨa pe, jare jeita ndeve: “Emee kuae kuimbae pe nderenda.” Jayave nde nemara reve reota reguapɨ tenda taɨkuegua ete vae pe.

DEUTERONOMIO 8:14

javoi, peyembopɨatuicha jare peakañɨ yandeYa Tumpa güi, jae ko perenoe ɨvɨ Egipto güi, yeokuaiasɨ katu güi;

2 Tesalonicenses 2:4

Jae oñemopüata Tumpa kotɨ jare opaete mbaemboete oñemee chupe vae reta kotɨ, jare jae etei oguapɨta tupao pe jare jeita iyeupe: “Che Tumpa ko.”

1 Timoteo 3:6

Jare agüɨye toyeparavo oporogüɨrovia ramo vae, echa güɨramoi oyembotuichata, jare oa aña guasu oa vae pe.

1 Pedro 5:5

Pe taɨrusu reta, peiko petenondegua reta jeia re. Jare opaete vae peiko kavi oyoupi peñemomichi reve; echa: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”

Apocalipsis 17:3

Jayave araɨgua chereraja Espíritu Santo imbaepuere pe ñuu kotɨ. Jare joko pe aecha metei kuña oguapɨ oï metei mbaemɨmba guasu pɨ̈ta vae chiu iñäka vae jare payandepo jäti vae re. Jare jókuae mbaemɨmba guasu re oyekuatía oï jeta tee jare jókuae tee reta rupi jei ikavimbae vae Tumpa kotɨ.

Apocalipsis 18:7

Jae oyemboete yae jare ogua jeta mbaembae jepɨ yae vae, jökorai vi toiporara yae jare tipɨatɨtɨ yae. Echa jei iyeupe: Che aguapɨ aï mburuvicha kuña rami, mbaetɨ ko kuña imemano vae che, ngaraa etei chepɨatɨtɨ.