EZEQUIEL 27:3 - Biblia Guarani Tumpa Iñee

³ jókuae tëta guasu oï ɨguasu jembeɨ pe vae, omaemee jeta tëtaguasu reta ɨguasu jembeɨ rupi ñogüɨnoi vae pe vae. Ere chupe, yandeYa Tumpa jei körai: Nde Tiro, ndeiño rere ndeyegua: ‘Che ko barco ipöra yae vae jare ikavi yae vae.’

EZEQUIEL 27:3 ပူးပေါင်းရင်းမြစ်များ

SALMOS 50:2

Sión, ipöra yae vae güi Tumpa oyemboyekuaa.

SALMOS 83:7

Gebal, Amón jare Amalec, filisteo reta jare Tiro pegua reta,

PROVERBIOS 31:14

Metei barco güeru jeta mbae oñemee vaerä rami, jökorai güeru mombɨrɨ güi iyeupe jembiurä.

ISAÍAS 23:11

YandeYa omopüa ipo ɨguasu re, omborɨrɨiuka tëta guasu ñavo, jare opa omboaiuka Canaán iñepɨ̈roka reta.

EZEQUIEL 16:15

Ërei reyerovia ndeyé nepöra jeko pegua, jare nerërakua yae vae reipoepɨ ndembokere vaerä, reñemee opaete oasa jokoropi vae pe.

EZEQUIEL 26:12

Opɨ̈rota ndegüi ndembaeyekou reta, opɨ̈rota ndegüi mbaembae remee vae, nekësea reta ombosururuta, ndero reta ipöra vae omboai retata; jare opata omombo reta ɨguasu pe ndeita reta, ndeɨvɨra reta, jare ndero ikuigüe ave.

EZEQUIEL 26:17

Otairari retata nderé tairari mbɨatɨtɨ pegua, körai: ‘¡Maera pa ko rekañɨtei! ¡Maera pa ko rekañɨ ɨguasu güi, tëtaguasu jërakua yae vae! ¡Nerëta pegua reta ndive ndembaepuere yae ɨguasu pe, okɨɨye yepi ndegüi opaete ndeɨ́vɨri rupigua reta!

EZEQUIEL 27:4

Ndembaepuere jembeɨ oï ɨguasu mbɨte kotɨ, ndeapo vae reta nemopöra kavi yae ndeapo.

Apocalipsis 18:3

Echa opaete tëtaguasu reta jou vino rami jókuae teko ikavimbae vae; jare mburuvicha guasu reta ɨvɨ pegua oyapo aguasa jae ndive, jare ɨvɨ pegua reta omaemee vae oyemboikokatu imbaepotarai re.”