EZEQUIEL 27:18 - Biblia Guarani Tumpa Iñee

¹⁸ Damasco pegua reta ogua ndegüi jeta mbaembae renoi vae, jare opaete ndembaeyekou, omboepɨ reta ndeve vino Helbón pegua pe, jare vecharaagüe tïi vae pe.

EZEQUIEL 27:18 ပူးပေါင်းရင်းမြစ်များ

GÉNESIS 14:15

Jökorai Abram jare jembiokuai reta, iparanoe pɨ̈tu yave oë chupe reta, jare omboɨpɨ reta oñoraro. Mombɨrɨ tëta Hoba jee vae pe, Damasco güi ɨvɨtuguasu kotɨ oaɨkuemoña reta güɨraja oeya.

GÉNESIS 15:2

Jare Abram jei körai: —CheYa Tumpa, ¿maera pa remeeiñota cheve? Echa mbaetɨ ko cheraɨ, jare chero pe cherembiokuai opaete chembaembae iyangarekoa, jae ko Eliezer Damascoɨgua yoapɨ.

ISAÍAS 7:8

Tëta Damasco, jae ko kuae tëta guasu güi mburuvicha reta oporookuai vae, tëtaguasu Siria re. Jare mburuvicha guasu Rezín ko oï tëta guasu Damasco pe. Ërei sesenta y cinco año pe tëtaguasu Efraín mbaetɨta ma oiko.

JEREMÍAS 49:23

Damasco regua jei körai: “Tëta guasu Hamat jare Arfad pegua reta ipɨa jopa yae ñogüɨnoi, echa ñee ikavimbae ou oväe chupe reta. Ipɨakɨɨye yae ñogüɨnoi, mbaetɨ ipuere ñogüɨnoi pɨagüive.

EZEQUIEL 27:19

Jaeramiño vi Dan pegua reta jare Javán yogüeru remaemeea pe, omboepɨ ndeve reta jiero oyeapo kavigüe pe, mirra pe jare mbae ikäti kavi vae pe.

EZEQUIEL 27:33

Mbaembae remee vae ojo oväe kia pe yave, omboyerovia yae jeta vae tëta reta ïru ɨvɨ pe. Mburuvicha guasu reta ïru ɨvɨ pegua, remboikokatu jeta mbaeyekou renoi vae rupi.

Hechos 9:2

Jare oyerure chupe omee vaerä chupe tupapire mbaepuere pegua, ojo vaerä Damasco pegua judío reta itupao reta rupi, jare oväe yave joko pe kuimbae reta ani kuña reta Tape pɨau pegua reta, ipuere vaerä oipokua güeru Jerusalén pe.