EZEQUIEL 27:16 - Biblia Guarani Tumpa Iñee

¹⁶ Edom pegua reta ogua ndegüi jeta mbaembae renoi vae, oipoepɨ reta ndegüi ita ipöra vae ndive, temimonderä pɨ̈taü vae ndive, temimonderä oñemopöra vae pe jare lino pegua vae pe, ïta rami vae coral jee vae pe, jare ita reta pɨ̈ta rubí jee vae pe.

EZEQUIEL 27:16 ပူးပေါင်းရင်းမြစ်များ

GÉNESIS 10:22

Sem taɨ reta jae: Elam, Asur, Arfaxad, Lud jare Aram.

GÉNESIS 28:5

Jökorai Isaac omondo Jacob jare jae ojo Labán pɨri Padan-aram pe, Rebeca ikɨvɨ jëta pe; Rebeca jae ko Jacob jare Esaú ichɨ. Labán jae ko arameo Betuel taɨ.

2 SAMUEL 10:6

Jare Amón iñemuña reta oikuaa oñemotareɨuka yae David pe ramo, omondo güeruruka omboepɨ reve sundaro reta Siriaɨgua Bet-rehob pegua jare Soba pegua, veinte mil kuimbae reta ɨvɨ rupigua, jare mburuvicha guasu Maaca pegua mil kuimbae ndive, mburuvicha guasu Is-tob pegua doce mil kuimbae ndive.

2 SAMUEL 15:8

Che nderembiokuai aiko Gesur pe Siria pe yave ayapo metei ñererökuavee yandeYa pe, jae reve: “CheYa chereraja ye Jerusalén pe yave, tamee mbaemboete ndeve.”

2 SAMUEL 8:5

Jare yogüeru Siriaɨgua Damasco güi omborɨ vaerä Hadad-ezer, mburuvicha guasu Soba pegua; ërei David oyuka Siriaɨgua reta, veintidó mil kuimbae.

EZEQUIEL 16:10

Romboemimonde temimonde ipöra vae, jare mbɨɨru mɨmba pire ikavi yae vae pegua pe, amee ndekuakuaarä lino pegua jare temimonde seda pegua;

EZEQUIEL 16:13

Jökorai reñemopöra oro pe jare korepoti pe, nderemimonde ipïra oñemopöra lino pegua vae. Reu mbɨyape ikavigüe trigokúi ipɨuasɨ vae pegua, ei jare olivo iasaite; jare oasa ete yé reñemopöra, reyeapo regua mburuvicha kuñarä.

EZEQUIEL 16:18

Reipɨɨ nderemimonde ipöra vae jare remboemimonde pɨpe, chembae asaite jare ikäti kavi vae incienso reñono jóvai reta.

EZEQUIEL 16:57

ndeiño ikavimbae reyapogüe oyekuaa mbove; ërei añave iñeeasɨ katu ndekotɨ opaete Siria pegua reta jare filisteo reta. ¡Opaete vae nemotareɨ!

EZEQUIEL 28:13

Edén pe reikose Tumpa iko raɨ pe, reñemopöra reyemonde oipotagüe ita reta ipöra vae pe, jae ko: Cornerina, topacio, jaspe, crisólito, berilo, ónice, zafiro, carbunclo, esmeralda jee vae jare oro; opaete angúa jare mimbɨ reta ipöragüe oyeapo ndeve, jókuae ara roapo yave.

JUECES 10:6

Jare Israel iñemuña reta jekuae oyapo ye ikavimbae yandeYa jesa róvai, jare omboete reta Baal jare Astarot, jökoraiño vi tumpa ambuae reta Siria pegua, Sidón pegua, Moab pegua, Amón iñemuña reta itumpa jare filisteo reta itumpa reta pe; jare oeya reta yandeYa, mbaetɨ oyeokuai reta chupe.