EZEQUIEL 26:7 - Biblia Guarani Tumpa Iñee

⁷ Echa, che ndeYa Tumpa jae körai: Ɨvɨtuguasu kotɨ güi aruta mburuvicha guasu Nabucodonosor oporepeña Tiro re; jae ko mburuvicha guasu imbaepuere yae vae Babilonia pegua. Yogüeruta kavayu regua reta ikavayu re, jare käretou reta ñeraro pegua ndive, yogüeruta jeta yeyé.

EZEQUIEL 26:7 ပူးပေါင်းရင်းမြစ်များ

ESDRAS 7:12

“Artajerjes mburuvicha guasu reta juvicha guasu, oikuatía sacerdote Esdras pe, oporomboe vae oikuaa katu kavi yae Tumpa ara pe oï vae iporookuai re vae: Mbɨakatu toï nde ndive.

ISAÍAS 10:8

Echa jae jei: ‘Opaete mburuvicha guasu, chepo pe ko ñogüɨnoi.

JEREMÍAS 25:22

opaete mburuvicha guasu reta Tiro pegua jare Sidón pegua; jare opaete Ɨguasu Mediterráneo jembeɨ rupigua reta;

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 4:13

Mase, ko tovaicho reta yogüeru amapɨtu rami, ikäretou ñeraro pegua kusumirou rami, ikavayu reta iñäkua yae güɨraké güi. ¡Atataɨ, jaema ñakañɨtei!

JEREMÍAS 4:7

Yaguapope oë ma ikua güi, tëtaguasu reta imboaia oë ma oguata; iɨvɨ güi oë ndeɨvɨ omboai vaerä, nerëta guasu reta omboaita jare ipombae opɨtata.

JEREMÍAS 52:32

ipɨakatu reve omomiari, jare omboeteuka ïru mburuvicha reta ñogüɨnoi Babilonia pe vae pe.

JEREMÍAS 6:23

Jembiporu reta ñeraro pegua uvɨ jare mii; ipɨa-pïrimbae reta ko jare mbaetɨ etei oporoparareko reta; isapúkai reta ɨguasu jɨapu rami, opo reta yogüeru kavayu re, oïndaivi oñeraro reta vaerä, pe Sión pegua reta ndive.”

EZEQUIEL 17:14

agüɨye vaerä ma Judá iporookuaía güɨnoi mbaepuere oñemopüa ye vaerä, jaeño morogüɨrökuavee päve ombopo vae rupi oikoño vaerä.

EZEQUIEL 23:24

Yogüeruta ndekotɨ jeta sundaro reta käretou ñeraro pegua reve reve; yogüeruta opaetei neova vaerä tembiporu ñeraro pegua ndive, iñäka-ɨru jiero pegua ndive, iyeopiaka ndive; ameeta chupe reta nejäa vaerä, jae reta mborookuai güɨnoi rupi.

EZEQUIEL 26:3

Jáeramo che ndeYa Tumpa jae körai: Tiro, che ayovaicho nde ndive. Amopüata ndekotɨ jeta tëtaguasu reta ïru ɨvɨ pegua, ɨguasu omopüa iɨaparúa rami.

EZEQUIEL 28:7

aruta ndekotɨ ketɨgua reta, tëtaguasu ipɨarai yae vae reta, güɨnoe retata ikɨsepuku ndeve, nde nepöra jare ndearakuaa katu vae pe, jare omboai retata ndeyemboetea.

DANIEL 2:37

Mburuvicha guasu, nde jae ko mburuvicha guasu reta juvicha guasu; echa Tumpa ara pe oï vae ko omee ndeve mborookuaía, mbaepuere, mɨ̈rata jare ndemboetea yae vaerä.

DANIEL 2:47

Jare mburuvicha guasu jei Daniel pe: —Añetete yepe peTumpa güɨnoi mbaepuere tumpa reta güi, jare imbaepuere yae mburuvicha guasu reta güi, jare jae oikuaauka yaikuaa rapeä vae, echa ndepuere reikuaauka cheve kuae aikuaa rapeä vae.

OSEAS 8:10

Yepe tëi omee mbota reta ïru tëtaguasu reta rupi, ërei opata amboatɨ reta, opa vaerä amoai moai, jare oiporara retata michi pegua, mburuvicha guasu jare imborɨa reta ikovara yae jeko pegua.