EZEQUIEL 26:16 - Biblia Guarani Tumpa Iñee

¹⁶ Jare opaete mburuvicha reta ɨguasu jembeɨ rupigua, ogüeyɨta jenda mborookuaía pegua güi, omboi retata iñeapevaa jare jemimonde ipöra yae vae, oguapɨ retata ɨvɨ re okɨɨye güi, orɨrɨi avei retata jare ipɨakañɨ yae retata ndesusere re.

EZEQUIEL 26:16 ပူးပေါင်းရင်းမြစ်များ

JOB 8:22

Ërei, nemotareɨ vae reta imara yaeta ko; jare iyoa vae reta iñemuña okañɨteita ko.

SALMOS 109:18

Toñova yepopeyu, jemimonde oñova rami; toike jɨe pe ɨ rami, jare ikägüe reta rupi asaite rami.

SALMOS 109:29

¡Imiari kavimbae cheré vae reta, timara topɨta! ¡Mara toñova reta temimonde rami!

SALMOS 132:18

Jovaicho reta ambojopaukata, ërei jae iñäka-regua jembipeta oyekuaa.”

SALMOS 35:26

Toñemomaraiuka jare tipɨa jopa reta metei rami, oipota ikavimbae oyapo cheve vae reta. Timara jare tipɨa jopa topɨta oyembotuicha chekotɨ vae reta.

ÉXODO 15:15

jayave Edom pegua sundaro ruvicha reta opata ipɨajopa; Moab pegua jëia yae vae reta orɨrɨita okɨɨye güi; ipɨtuta opaete Canaán pe yogüɨreko vae reta.

ISAÍAS 3:26

Tëta pegua reta oyaeota, jare omondeta temimonde mbɨatɨtɨ pegua, jare ipombae opɨtata.

ISAÍAS 41:5

Tëtaguasu reta ɨguasu jembeɨ rupigua Tumpa oikuaambae reta oecha jare okɨɨye yae reta; opaetei ɨvɨ okana. Ko ma yogüeru, köi ma yogüeru.”

ISAÍAS 47:1

“Babilonia, nde Caldeaɨgua kuñatai ndei kuimbae ndive oasa vae rami, egüeyɨ jare eguapɨ ɨvɨkúi re; mbaetɨta ma reguapɨ mburuvicha iguapɨa pe. Eguapɨ ɨvɨ re, echa ngaraa ye ma jei reta ndeve: Ipöra yae vae.

ISAÍAS 52:2

Jerusalén, emotumo ɨvɨ ndeyeugüi, epüa eguapɨ. Eyora ndeayu iñapɨtía, nde Sión, tembipɨɨrä reï vae.

JEREMÍAS 48:39

¡Pepɨatɨtɨ yae Moab re! ¡Kërai opa oyemboai oï! ¡Ikupeño omee jare imara yae! Moab iyemboai opɨta kɨɨyearä jare omae kaviä vaerä jese, opaete iyɨ́vɨri rupigua reta peguarä.

LAMENTACIONES 2:10

Tëta Sión pegua ndechi reta oguapɨ kïrii ngatu ɨvɨ pe; ɨvɨkúi oñono reta iñäka re jare oyemonde reta temimonde mbɨatɨtɨ pegua pe. Jerusalén pegua kuñatai reta oyetavatɨka itindɨasɨ reve ɨvɨ re.

EZEQUIEL 16:10

Romboemimonde temimonde ipöra vae, jare mbɨɨru mɨmba pire ikavi yae vae pegua pe, amee ndekuakuaarä lino pegua jare temimonde seda pegua;

EZEQUIEL 26:21

Ropoepɨta kɨɨyearä jare ngaraa ye ma reiko. Ndereeka tëita vae, ërei ngaraa neväe chupe. Che Tumpa jae kuae.”

EZEQUIEL 28:17

Nepöra yae jeko pegua ndepɨayemboete, ndeyemboetea yae jeko pegua ndearakuaa rerokomegua. Che roitɨ ɨvɨ re, romomaraiukata mburuvicha guasu reta jóvai.

EZEQUIEL 31:15

Che peYa Tumpa jae körai: Jókuae ara ojo yave omanogüe reta ñogüɨnoia pe, ambopɨatɨtɨukata ɨguasu, opata otini; ɨ̈aka raɨ reta opata otini; ɨvɨtɨ Líbano ipɨatɨtɨta, opaete ɨvɨra reta yɨpita.

EZEQUIEL 32:10

Jare amopɨakañɨ yaeta jeta vae reta ndereko pegua; juvicha guasu reta orɨrɨita okɨɨye güi, chekɨsepuku anoe ambovera yave jóvai reta. Jókuae ara neamɨri yave, opaete vae orɨrɨita okɨɨye yae güi.

EZEQUIEL 7:27

Mburuvicha guasu omondeta temimonde mbɨatɨtɨ pegua, jare mburuvicha ipɨatɨtɨta, jare opaete vae reta okɨɨyeta. Jae reta jeko oï rupi aiporaraukata chupe reta, jare ajäa retata jae reta oporojäa rami. Jökorai chekuaa retata che ko jae iYa.”

EZEQUIEL 7:8

Añave voi jaema aitɨta chearasɨ nderé, chepɨakatu apɨta regua, rojäata ndereko reta oï rupi, jare aiporaraukata ndeve opaete ikavimbae reyapo vae re.

DANIEL 5:6

Jayave mburuvicha guasu opa jovaiyu, jare mbaetɨ etei oikuaa mbae jei vaerä, jare jete opa jëogüe, itava oyotaa päve oyoe.

OSEAS 11:10

Jae reta oguatata yandeYa jaɨkue, jare jae oñeeta yaguapope rami. Oñeeta, jare imbae vae reta yogüeruta orɨrɨi reve kuaraɨ oikea kotɨ güi.

JONÁS 3:6

Jare jókuae jërakua mburuvicha guasu Nínive pegua pe, jare opüa jenda güi omboi jemimonde jare oñeapeva temimonde mbɨatɨtɨ pegua pe, jare oguapɨ tanimbu re ipɨatɨtɨ güi.

HAGEO 2:22

opata arokomegua mburuvicha guasu reta iguapɨa mborookuaía pegua jare amboaita tëtaguasu rupi mburuvicha guasu reta imbaepuere; amboyaparata käretou reta pɨpe oguata vae reta ndive jare opata kavayu reta oyepɨaka opo jese vae reta ndive, metei vae ñavo omanota jëtara ikɨsepuku pe.

1 Pedro 5:5

Pe taɨrusu reta, peiko petenondegua reta jeia re. Jare opaete vae peiko kavi oyoupi peñemomichi reve; echa: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”

Apocalipsis 18:9

Jare ɨvɨ pegua mburuvicha guasu reta oyapo aguasa jae ndive vae jare jae ndive oyerovia vae oyaeota jare oapïrota, oecha yave jätati opa ókai güi.