EZEQUIEL 24:6 - Biblia Guarani Tumpa Iñee

⁶ Echa, yandeYa Tumpa jei körai: ¡Paravete, tëta guasu oporoyuka vae! Metei yapepo ikɨa oya japɨpe re vae, mbaetɨ ma oyeekɨ chugüi rami. Metei metei rupi enoe chugüi soo, opa renoe regua.

EZEQUIEL 24:6 ပူးပေါင်းရင်းမြစ်များ

2 SAMUEL 8:2

Omoamɨri vi Moab pegua reta, jare ojäa tɨmasa pe, omboyapakua reve ɨvɨ re; ojäa mókoi tɨmasa pe omano reta vaerä jare mboapɨa tɨmasa ojäa vae oikoveño reta vaerä. Jökorai Moab pegua reta opa opɨta David jeia re, ombaemboepɨ reta chupe.

2 REYES 21:16

Manasés jeta yae vi oyuka jekombae Jerusalén pe, jókuae iyoa rupi oyapouka mbaeyoa Judá pe vae güi, jökorai oyapo ikavimbae yandeYa jesa róvai.

2 REYES 24:3

Opaete kuaekuae reta ou Judá kotɨ yandeYa iporookuai rupi, ombosɨrɨ vaerä iyeugüi, Manasés imbaeyoa reta jeko pegua, opaete jae oyapogüe re;

2 REYES 24:4

jekombae reta oyuka vae re, echa jeta yae Jerusalén pe jekombae reve omano vae; jáeramo yandeYa mbaetɨ oipota iñɨ̈ro chupe.

JEREMÍAS 2:22

Yepe tëi reyau javo lejía pe, ani oipotagüe javo pe, ërei cheróvai jekuaeñoi ndekɨa ndeyoa pe. Che ndeYa jae.

JEREMÍAS 6:29

Tata moendɨka pe oyepeyu tata oyemondɨkui vaerä plomo. Ërei mbaetɨ etei ikavi jókuae, omondɨkui ombokavi vaerä tëi vae pe, echa ikɨa mbaetɨi okañɨ chugüi. Jökorai etei ko tëta chembae vae.

EZEQUIEL 11:11

Tëta guasu ngaraa oï peve yapeporä, ani pe reta ngaraa peï japɨpe pe soorä; che pojäata kuae ɨvɨ Israel japɨpe pe.

EZEQUIEL 11:3

Jei reta: ‘Ndei ko ɨma ñamopüa pɨau ye kuae tëta. Kuae tëta toï yandeve yapepo rami, jare yande reta soo rami japɨpe pe.’

EZEQUIEL 22:12

Nderapɨpe yogüɨreko vae reta oipɨɨ vɨari korepoti oyuka vaerä ïru vae; oiporuka korepoti oasa ete okovara ye vaerä jese, oyuvanga katu japicha re jare iñakañɨ reta chegüi. Che peYa jae.

EZEQUIEL 22:2

“Nde kuimbae, ere kuae tëta guasu oporoyuka vae pe mbae oasata vae. Emboeko opaete pɨ̈chɨi yae oyapo vae re,

EZEQUIEL 22:27

Nderuvicha reta aguarayaɨmba reta rami oporoyuka, opɨyere reta tugüɨ, oporoyuka reta oyemboikokatu vaerä.

EZEQUIEL 22:3

ere chupe körai: ‘YandeYa Tumpa jei körai: Tëta guasu, oyuka ipo reta vae jare oyapo itumpa-raanga retarä oyemongɨa pɨpe vae, ¡orata ma ndeve!

EZEQUIEL 24:3

Jare kuae tëta oyembopɨapochɨ chekotɨ vae pe ere rembojaanga reve: YandeYa Tumpa jei cheve: ‘Eñono metei yapepo tata pe jare eñono ɨ pɨpe,

EZEQUIEL 24:9

Jáeramo, yandeYa Tumpa jei körai: ¡Paravete, tëta guasu pegua reta oporoyuka vae! Che etei tuicha ayatapɨta jese.

JOEL 3:3

Ombosuerte reta iyeupe cheɨvɨ, kunumi raɨ omee reta iyaguasa pota vae re, jare kuñatai raɨ omee reta vino re, jou reta vaerä.

ABDÍAS 1:11

Tovaicho opɨ̈ro yave tëta guasu pegua mbaembae jepɨ vae, ketɨgua sundaro reta oike yave öke reta Jerusalén pegua rupi, ¡pe reta peñeñono ïkotɨa! Oyembosuerte yave Jerusalén pe mbae oñepɨ̈rogüe reta re, ¡pe reta peyapo vi jókuae reta jeko rami!

JONÁS 1:7

Jare jae reta jei metei ñavo oyoupe: —Peyu yambosuerte, yaikuaa vaerä kia jeko pegua ou yandeve kuae ikavimbae. Ombosuerte reta yave, Jonás re oa suerte.

MIQUEAS 7:2

Mbaetɨ ma iporoparareko vae ɨvɨ pe; metei ave mbaetɨ jeko sɨmbi vae kuimbae reta ipɨte pe; metei ñavo oäro oporoyuka vaerä; metei ñavo oeka kërai omboeko vaerä japicha.

NAHUM 3:1

¡Nde, tëta guasu ipɨa-pïrimbae, tɨnɨe apu pe vae jare maepɨ̈ro pe vae, maeñomi omomora vae!

NAHUM 3:10

Ërei ngatu Tebas, oyererajauka tembipɨɨrä, imichia reta opa vi oyererokuauka kaye ekina rupi, mburuvicha guasu iyɨvɨrigua reta re oyeapo suerte, jare imborɨa reta opa oyepokua.

San Mateo 23:35

Jare pe reta penoita teko opaete jekombae reta imano re, jupi vae Abel oyeyukauka güive Berequías taɨ Zacarías oyeyukauka vae pe. Echa peyuka Zacarías mɨmba oyeyukagüe oyeapɨ jese vae jare tupao ipäu pe.

DEUTERONOMIO 23:13

Perembiporu reta ñeraro pegua ndive penoi metei etaka, peo yave ñana pe peyoo vaerä ɨvɨ jókuae etaka pe, jökorai peyatɨ pemañagüe ɨvɨkua pe.

JOSUÉ 10:22

Jayave Josué jei: “Peipea ɨvɨkua jöke jare penoe jókuae pandepo mburuvicha guasu.”

Apocalipsis 17:6

Jare aecha kuña osavaɨpo oporogüɨrovia reta jare oyeyukauka omombeu Jesús re vae reta jugüɨ pe. Aecha yave chepɨakañɨ yae.

Apocalipsis 18:24

Echa kuae tëta guasu pe oñeväe ñeemombeúa reta jugüɨ, oporogüɨrovia vae reta jugüɨ jare opaete ɨvɨ pe oyeyukauka vae reta jugüɨ.