EZEQUIEL 22:7 - Biblia Guarani Tumpa Iñee

⁷ Nderapɨpe yogüɨreko vae reta omboeteä tu jare ichɨ, oiporarauka reta ketɨgua pe, opɨ̈ro reta mbae tɨ̈reɨ güi jare imemano vae güi.

EZEQUIEL 22:7 ပူးပေါင်းရင်းမြစ်များ

SALMOS 94:5

CheYa Tumpa, güɨrekoasɨ katu ndembae vae reta, ¡omomichi ndembae vae reta!

SALMOS 94:6

Oyuka reta imemano vae jare ketɨgua, tɨ̈reɨ oyuka reta vi.

ÉXODO 20:12

Pemboete peru jare pesɨ, peikopuku vaerä che peYa Tumpa amee peve ɨvɨ vae pe.

ÉXODO 21:17

Jaeramiño vi tu jare ichɨ kotɨ jei ñee kavimbae vae, tomano.

ÉXODO 23:9

Agüɨye pembopɨatɨtɨ ketɨgua; echa pe reta peikuaa, kërai ko ketɨgua reta ipɨa vae, echa pe reta peikose ketɨgua ɨvɨ Egipto pe.

PROVERBIOS 20:20

Tu kotɨ ani ichɨ kotɨ oyepopeyu vae, omanoasɨ katuta.

PROVERBIOS 30:11

Oime amogüe oyepopeyu tu re vae, jare mbaetɨ iñee kavi ichɨ pe vae.

PROVERBIOS 30:17

Tu güɨnoti vae ichɨ iporomboe güɨröɨro vae, jupi ko omanoasɨ katu vaerä, jare chucha reta opa vaerä jou.

ISAÍAS 1:17

¡Peyemboe mo peyapo ikavi vae; peeka peyapo vaerä jupi vae, peyapo mo ikavi vae, oiporara yae vae reta pe, peyapo jupi vae tɨ̈reɨ reta pe, peepɨ imemano vae reta!”

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

JEREMÍAS 7:6

jare mbaetɨ peyuvanga ketɨgua re, tɨ̈reɨ re jare imemano vae re yave, ani kuae ɨvɨ pe ave mbaetɨ jekombae peyuka yave, ani jókuae tumpa ambuae reta mbaetɨta ikavi peve vae mbaetɨ pemboete yave,

EZEQUIEL 18:12

oyuvanga paravete vae re jare mbae oata chupe vae re, imonda, mbia re mbae oeya vae pe mbaetɨ omee ye, omboete tumpa-raanga reta jare oyapo mbae pɨ̈chɨi yae cheve vae,

EZEQUIEL 22:25

nde ko jae ɨvɨ, neñeemombeúa reta yaguapope rami oporoyuka vae; oporoyuka reta, opɨ̈ro reta ɨvɨ jare mbaeyekou, ombojeta reta imemano vae tëta guasu pe.

EZEQUIEL 22:29

Opaete vae reta oporogüɨrekoasɨ katu jare omaeñomi reta; omaepɨ̈ro reta paravete vae güi jare oata mbae re vae güi, jare oyapo reta jupimbae ketɨgua reta pe.

LEVÍTICO 20:9

Kia nunga vae oyepopeyu yave tu re ani ichɨ re, tomano. Echa tu ani ichɨ re oyepopeyu vae iyé aeño ko oyepopeyu; jae aeño ko jeko iyeupe imano re.

ZACARÍAS 7:10

Agüɨye perekoasɨ katu imemano vae, tɨ̈reɨ, ketɨgua, ani paravete vae. Agüɨye metei ave toyemongeta pɨ̈chɨi ipɨa pe ïru vae kotɨ.’

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Marcos 7:10

Moisés jei körai: “Pemboete peru jare pesɨ.” Jare jei vi körai: “Tu jare ichɨ kotɨ jei ñee kavimbae vae, tomano.”

DEUTERONOMIO 24:17

Agüɨye peyapo jupimbae ketɨgua kotɨ, ani tɨ̈reɨ kotɨ, imemano vae jemimonde ave agüɨye peekɨ chugüi ipía re.

DEUTERONOMIO 27:16

‘Tijeko mbaetɨ omboete tu ani ichɨ vae.’ Jare opaete vae tei: ‘Amén.’

DEUTERONOMIO 27:19

‘Tijeko oyapo ikavimbae ketɨgua pe vae, tɨ̈reɨ pe ani imemano vae pe vae.’ Jare opaete vae tei: ‘Amén.’

DEUTERONOMIO 5:16

Pemboete peru jare pesɨ, peYa Tumpa peokuai rami, peiko puku vaerä jare peiko kavi vaerä ɨvɨ iárambo peYa Tumpa omee pevea pe.