EZEQUIEL 22:12 - Biblia Guarani Tumpa Iñee

¹² Nderapɨpe yogüɨreko vae reta oipɨɨ vɨari korepoti oyuka vaerä ïru vae; oiporuka korepoti oasa ete okovara ye vaerä jese, oyuvanga katu japicha re jare iñakañɨ reta chegüi. Che peYa jae.

EZEQUIEL 22:12 ပူးပေါင်းရင်းမြစ်များ

NEHEMÍAS 5:1

Oyekuaa jeta ñeengeta opaete vae reta güi jare kuña reta güi jëtara judío reta kotɨ;

NEHEMÍAS 5:7

Jare ayemongeta kavi chepɨa pe kuaekuae re yave, amboeta imboetea vae reta pe jare mburuvicha reta pe, jae chupe reta: “¡Körai yepe pe reta peyapo perëtara reta!” Jare amboatɨuka opaete vae, oñemae vaerä kuaekuae re,

SALMOS 106:21

Ñakañɨ reta jeroasayepea Tumpa güi, jókuae jeta mɨakañɨ tuichagüe oyapo Egipto pe vae güi,

SALMOS 15:5

Mbaetɨ ikorepoti oiporuka vae pe oasa ete okovara vae; mbaetɨ oipɨɨ vɨari korepoti jekombae vae regua vae. Jökorai oiko vae, oiko kavi aveita.

PROVERBIOS 1:19

Jökorai ko iyapɨ imbaepotarai vae reta: Imbaepotarai jeko pegua omano.

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 17:10

echa neakañɨ Tumpa ndereepɨ vae güi, mbaetɨ nemaendúa jae ko neñepɨ̈roa vae, ërei jaeño reñotɨ temitɨ ikavigüe, temitɨ matɨ güi oyererugüe,

ISAÍAS 56:11

Yaɨmba jɨ̈vɨatambae rami ko, maangarekoa mbae oikuaambae vae; opaete yogüɨreko ipɨa jemimbota reño, iyeupeguaräño mbae oeka reta.

JEREMÍAS 2:32

¿Ipuere pa metei kuñatai iñakañɨ oñemopöra pɨpe vae güi, ani jemimonde imenda pegua güi? Ërei tëta chembae vae ɨma yae ma iñakañɨ chegüi.

JEREMÍAS 3:21

Oyeendu sapúkai ɨvɨtɨ re. ¡Jae ko Israel iñemuña reta, oyaeo reta oiporu mboroparareko! Opia reta tape sɨmbi vae güi, jare iñakañɨ reta, che iYa iTumpa güi.

JEREMÍAS 6:13

Opaete vae, michia güive okuakuaa vae pe, iyeupeguaräño imbaepotarai yae reta, ñeemombeúa reta jare sacerdote reta ave, opaetei oporombotavɨ vae reta ko.

JEREMÍAS 9:1

¡Mbae mona cheäka ɨkua rami, jare cheresa ɨesaɨ rami, aäpiro vaerä ara rupi jare pɨ̈tu rupi cherëtaɨgua reta omano vae!

EZEQUIEL 18:13

oiporuka ikorepoti yave oasa ete okovara jese. ¡Jókuae kuimbae ngaraa oikove! Oyapo yave opaete jókuae che aröɨro vae reta, omanota ko, jaeiño ko jeko iyeupe imano re.

EZEQUIEL 18:8

oiporuka korepoti yave mbaetɨ oasa ete okovara jese; mbaetɨ ikavimbae oyapo ïru vae pe; oime yave ñeapo, jupi rupi ojäa mókoi reve;

EZEQUIEL 23:35

Jáeramo, che ndeYa Tumpa jae körai: Neakañɨ chegüi jare reyerova chegüi ramo, reiporarata ndekuimbae pota vae jare ndeaguasa pota vae re.”

EZEQUIEL 36:12

Chembae vae Israel iñemuña reta oguatata perupi, jae reta yogüɨrekota peyarä. Jare ngaraa ye ma pemaeño jovaruru iñemuña reta chugüi.’

LEVÍTICO 19:13

Agüɨye peyuvanga perapicha re, agüɨye peñomi mbae chugüi. Agüɨye pemombɨta oparavɨkɨ peve vae ikorepoti pɨareve peguarä, pemboepɨ voi chupe.

LEVÍTICO 25:37

Agüɨye korepoti peiporuka chupe vae re, pemoïru ye pekovara yave, agüɨye vi tembíu reta jepɨ peupi chupe.

AMÓS 8:4

Peendu, oñemomichi vae reta re peyuvanga vae reta jare paravete vae reta re peyuvanga vae reta,

AMÓS 8:6

¡Yagua vaerä korepoti re paravete vae reta, jare poriau vae reta yagua vaerä pɨapaa re! ¡Trigo ikavimbae ave ñameeta!”

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

San Mateo 23:25

¡Paravete pe jova mókoi vae reta! Mborookuai re oporomboe vae reta jare fariseo reta. Echa peyoe peñae jare petasa reta ikupeño, ërei japɨpe tɨnɨe oï monda pe jare jupimbae pe.

San Lucas 18:11

Fariseo oyemboɨ jare oyerure oyembotuicha reve körai: ‘Cheru Tumpa, amee yasoropai ndeve. Echa che mbaetɨ aiko ïru kuimbae reta rami. Jókuae reta imonda, mbaetɨ jupi, oyapo aguasa. Mbaetɨ vi che kuae mburuvicha peguarä okovara vae rami.

San Lucas 19:8

Jayave Zaqueo oyemboɨ yandeYa jóvai, jare jei chupe: —Mase, cheYa, ameeta chembaembae mbɨte rupi paravete vae reta pe. Jare oime yave kia pe oasa ete akovara, tamboekovia chupe irundɨ ye.

San Lucas 3:13

Jayave Juan jei chupe reta: —Agüɨye pemboasa ete pekovara mburuvicha reta peokuai vae güi.

1 Corintios 5:11

Ërei aikuatía ko peve agüɨye vaerä peñemoïru jókuae che aporogüɨrovia ko jei vae iyaguasa pota vae ndive, ani imbaepotarai vae, ani itumpa-raanga pota vae, ani iyuru pochɨ vae, ikause ani imonda vae, jókuae nunga ndive agüɨye etei ekaru yepe.

1 Corintios 6:10

imonda vae reta, imbaepotarai vae reta, isavaɨpose vae reta, iyuru pochɨ vae reta ani oporombotavɨ vae reta ngaraa yogüɨreko Tumpa iporookuaía pe.

DEUTERONOMIO 16:19

Agüɨye perokomegua jupi vae; agüɨye etei pemboyoavɨ metei vae ïru ndive, echa jókuae nunga güɨrokomegua yarakuaa vae reta jare jupi vae reta.

DEUTERONOMIO 23:19

Agüɨye metei perëtaɨgua oiporu korepoti vae pe pekovara jókuae korepoti ingana re, ani tembíu oiporu vae re, ani oipotagüe mbae oiporu vae re.

DEUTERONOMIO 27:25

‘Tijeko oipɨɨ vɨari korepoti, oyuka vaerä jekombae vae.’ Jare opaete vae tei: ‘Amén.’

DEUTERONOMIO 32:18

Ita guasu rami vae, jae peapo vae güi peakañɨ; peakañɨ Tumpa peapoa güi.

1 Timoteo 3:3

agüɨye tikause, agüɨye tiñerarose, agüɨye tomonganaiño jupimbae reve. Ërei tipɨakavi, toiko pɨagüive, agüɨye toipota yae korepoti iyeupeguarä.

Judas 1:11

¡Paravete jae reta! Echa omomoe reta Caín jeko. Jaeramiño vi ikorepoti pota güi opa opia reta Balaam rami; jaeramiño vi opa omano reta ipɨa pochɨ jeko pegua Coré rami.