EZEQUIEL 20:6 - Biblia Guarani Tumpa Iñee

⁶ Jókuae ara añererökuavee anoe reta vaerä Egipto güi, araja vaerä ɨvɨ kavi che ameeta chupe retaa pe, ¡ɨvɨ ipöra yae ïru ɨvɨ reta güi vae!

EZEQUIEL 20:6 ပူးပေါင်းရင်းမြစ်များ

NEHEMÍAS 9:12

Ara pe reroata reta metei jɨsɨ vae amapɨtu rupi, jare pɨ̈tu yave metei jɨsɨ tata ara re vae rupi, omoembipe vaerä chupe reta kerupi ra yogüɨrajata vae.

NEHEMÍAS 9:9

Jare nde reecha oreñemuñagüe reta oiporara Egipto pe vae, jare reendu oyaeo reta Ɨguasu Pɨ̈ta vae pe vae.

SALMOS 106:24

Jaɨkue rupi güɨröɨro reta ɨvɨ kavi, mbaetɨ güɨrovia reta Tumpa iñee re;

SALMOS 47:5

¡YandeYa Tumpa oyeupi iguapɨa mborookuaía pegua pe, sapúkai yerovia katu pegua jare mimbɨguasu iñee ndive!

SALMOS 48:2

¡Ipöra yae ɨvɨtɨ guasu Sión, jókuae jovaicho ɨvɨtuguasu kotɨgua! ¡Jae ko opaete ɨvɨ omboyerovia vae! ¡Jae ko Mburuvicha guasu jëta guasu!

ÉXODO 13:5

kuae yasɨ pe etei peyapota arete, yandeYa pereraja ma peñono jókuae ɨvɨ kavi yae vae pe yave, jae ko cananeo, heteo, amorreo, heveo, jare jebuseo reta iɨvɨ, peñemuñagüe reta pe jae oñererökuavee omee vaerä peve vae pe.

ÉXODO 3:17

Jare perenoeta mbɨatɨtɨ güi, Egipto güi metei ɨvɨ kavi pe, cananeo reta, heteo reta, amorreo reta, ferezeo reta, heveo reta jare jebuseo reta iɨvɨ pe.”

ÉXODO 3:8

Jare ayu ayora vaerä Egiptoɨgua reta ipo güi, anoe reta vaerä jókuae ɨvɨ güi metei ɨvɨ ikavi jare ipɨguasu vae pe, ɨvɨ kavi pe; cananeo reta, heteo reta, amorreo reta, ferezeo reta, heveo reta jare jebuseo reta ñogüɨnoia pe.

ÉXODO 33:3

Pekua ɨvɨ ikavi yae vae pe; ërei che mbaetɨta aja pe ndive, echa pe reta ipɨa täta yae vae ko, agüɨye vaerä opa pomboai tape rupi.

ÉXODO 6:8

Pogüɨrajata poñono Abraham, Isaac jare Jacob pe chepo amopüa reve añererökuavee amee vaerä ɨvɨ chupe reta vae pe, che ameeta peve pembaerä. Che ko peYa.

JEREMÍAS 11:5

Jökorai, che ambopota morogüɨrökuavee päve ayapo peñemuñagüe reta ndive vae, amee vaerä peve ɨvɨ kavi yae añave penoi vae.’ ” Jare che jae: “Añete ko cheYa.”

JEREMÍAS 3:19

Israel, che ko aipota reiko cheraɨrä, jare amee ndeve ɨvɨ ipotaa yae vae, tëtaguasu reta iɨvɨ ikavi yae vae. Ayemongeta ko rere vaerä cheve cheRu, jare mbaetɨ yeta resɨrɨ chegüi.

JEREMÍAS 32:22

Remee kuae ɨvɨ kavi Israel pe, nde rerökuavee iñemuñagüe reta pe rami.

EZEQUIEL 20:15

Jaeramiño vi, chepo aupi reve jae chupe reta ñuu pe, mbaetɨta amaeño oike reta ɨvɨ kavi che amee chupe retaa pe, ɨvɨ ipöra yae ïru ɨvɨ reta güi vae pe;

EZEQUIEL 20:23

Jaeramiño vi, chepo aupi reve jae chupe reta ñuu pe, opata amoai moai opaete tëtaguasu reta rupi vae,

EZEQUIEL 20:42

Jare pomoinge ma ɨvɨ Israel pe, arökuavee amee vaerä peñemuñagüe reta pe vae pe yave, jayave pe reta chekuaata che ko jae peYa Tumpa vae.

EZEQUIEL 20:5

Ere chupe reta: ‘YandeYa Tumpa jei Körai: Aiparavo yave Israel, chepo aupi reve añererökuavee iñemuña reta pe jare ayekuaauka chupe reta Egipto pe. Chepo aupi reve añererökuavee, jae chupe reta: Che ko jae peYa Tumpa.

EZEQUIEL 47:14

Penoita pembaerä metei rami, che añererökuavee cheree re ae amee vaerä peñemuñagüe reta pe vae. Jáeramo kuae ɨvɨ pembaerä ko.

DANIEL 11:16

Jókuae oporepeña jese vae oyapota jae jeigüe, mbaetɨ eteita kia ipuere jese, opɨtata jókuae ɨvɨ ikavi yae vae pe, jare opata omboai.

DANIEL 11:41

Oiketa vi ɨvɨ ikavi yae vae pe jare oyukata jeta yeyé kuimbae reta; ërei oasayepeta chugüi reta Edom pegua reta, Moab pegua reta jare jeta Amón pegua reta.

DANIEL 8:9

Jókuae jäti reta güi metei vae re oë ye ïru michi vae, kuae okuakuaa arayevɨ kotɨ, kuaraɨ oëa kotɨ jare ɨvɨ ikavi yae vae kotɨ.

LEVÍTICO 20:24

Ërei che arökuavee peve peiko vaerä jókuae jae reta iɨvɨ iyarä, che amee jókuae ɨvɨ kavi pembaerä. Che ko peYa Tumpa, peparavo ïru tëta reta güi vae.

ZACARÍAS 7:14

Jare kusumirou guasu pe rami opa amoai moai reta tëtaguasu reta mbaetɨ oikuaa vae rupi, jare jaɨkue pe iɨvɨ ou opɨta ñuurä mbaetɨ kia ipuere oiko pɨpe. Tëta ikavi yae vae ou oyepoepɨ ñuurä.”

NÚMEROS 13:27

Imiari reta Moisés pe körai: —Rojo roväe jókuae ɨvɨ oremondo romae jesea pe; añetete yepe ɨvɨ ikavi yae; kuae ko jae joko pegua temitɨ iagüe.

NÚMEROS 14:8

YandeYa ipɨakatu ko yandekotɨ yave, jae yanderajata ko jókuae ɨvɨ pe, jare omeeta yandeve jókuae ɨvɨ kavi.

DEUTERONOMIO 11:9

Jare peiko vaerä jeta ara jókuae ɨvɨ pe, yandeYa güɨrökuavee ɨvɨ kavi peñemuñagüe reta pe jare iñemuña reta pe vae pe.

DEUTERONOMIO 26:15

Emae nerëta ikɨambaea güi, ara güi, ndeporerekua tëta Israel ndembae vae re, jare jókuae ɨvɨ remee oreve vae re, rerökuavee nderee re remee vaerä ɨvɨ ikavi yae vae oreñemuñagüe reta pe rami.’

DEUTERONOMIO 26:9

jare orereru kuae pe omee oreve kuae ɨvɨ; ɨvɨ ikavi yae vae.

DEUTERONOMIO 27:3

peikuatía jese opaete kuae mborookuai reta, peasa ma yave yandeYa Tumpa omee ɨvɨ ikavi yae vae peve vae pe, yandeYa Tumpa güɨrökuavee peñemuñagüe reta pe rami.

DEUTERONOMIO 3:25

Romoñera aasa vaerä aecha jókuae ɨvɨ ikavi yae vae, Jordán güi kutɨ oï vae, jókuae ɨvɨtɨ kavi jare Líbano.’

DEUTERONOMIO 31:20

Echa aroike reta ma ɨvɨ kavi pe, añererökuavee cheree re amee vaerä iñemuñagüe reta pe vae pe yave, okaru retata, okau retata, omboete retata tumpa ambuae reta, jökorai chereeya retata jare omboai retata morogüɨrökuavee päve ayapo jae reta ndive vae.

DEUTERONOMIO 32:40

Che aupita chepo ara kotɨ, jare tae cheyé aeño peve:

DEUTERONOMIO 32:8

Imbaepuere yae ete vae omboyao yao yave ɨvɨ tëtaguasu reta pe, jare kuimbae reta ɨvɨ ipo ave opa omboyao yao yave, ojäa ɨvɨ jembeɨ ñavo, Israel iñemuña reta iñavo,

DEUTERONOMIO 6:3

Pe, Israel iñemuña reta, peendu peyeupe, peyeandu avei agüɨye vaerä peakañɨ peyapo, peiko kavi vaerä jókuae ɨvɨ kavi pe, peñemuña vaerä jeta, yandeYa, peñemuñagüe reta iTumpa güɨrökuavee peve rami.

JOSUÉ 5:6

Echa Israel iñemuña reta oguata yogüɨreko ñuu rupi cuarenta año, opaete kuimbae ñeraro regua opa ma omano regua, yandeYa iñee mbaetɨ güɨrovia reta jeko pegua; jáeramo yandeYa jee re ae jei chupe reta, mbaetɨta oechauka chupe reta iñemuñagüe reta pe jae güɨrökuavee jee re ae ɨvɨ omee vaerä vae, ɨvɨ ikavi yae vae.