EZEQUIEL 20:3 - Biblia Guarani Tumpa Iñee

³ “Nde kuimbae, nemiari Israel iñemuña itenondegua reta pe, ere chupe reta: ‘YandeYa Tumpa jei Körai: ¿Peyu pa peparandu cheve? Che jae cheyé aeño peve, ngaraa aendu peve.’

EZEQUIEL 20:3 ပူးပေါင်းရင်းမြစ်များ

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

PROVERBIOS 21:27

Ikaviä yae ko iyoa vae reta omee mɨmba oyeyukagüe vae, echa omee reta iyemongeta ikavimbae reve.

PROVERBIOS 28:9

Tumpa iporookuai mbaetɨ oipota oendu vae, Tumpa güɨröɨrota vi chugüi iyerure.

ISAÍAS 1:12

¿Kia pa jei peve peru vaerä kuae reta, peru vaerä cheróvai jare pepɨ̈ro cheroka pe?

ISAÍAS 1:15

Pepo peupi peyerure yave, ngaraa amae peré; yepe tëi jeta peyerure, che ngaraa aendu. Pepo reta tugüɨ yepeai penoi.

ISAÍAS 58:2

Ara ñavo chereeka reta jare ikɨ̈reɨ yae oikuaa reta vaerä cheremimbota, tëta jembiapo ikavi yae vae rami, mbaetɨ cheporookuai güi opia vae rami; mborookuai jei vae güi mbaetɨ opia vae rami, oeka reta cheve morojäa jupi vae, jare ikɨ̈reɨ yae yogüeru chekotɨ,

EZEQUIEL 14:1

Yogüeru chépɨri amogüe Israel iñemuña itenondegua reta, jare oguapɨ cheróvai.

EZEQUIEL 20:2

Jayave yandeYa jei cheve:

EZEQUIEL 20:31

Echa pemee mbota reta chupe, peraɨ reta pemee oyeapɨ vaerä, jökorai peyemongɨa itumpa-raanga reta rupi añave regua. Jökorai reve peyu peparandu mbae re cheve Israel iñemuña reta. Che peYa Tumpa jae cheyé aeño peve, ngaraa aendu peve.

EZEQUIEL 33:30

Nde kuimbae, tëta guasu ikësea iyɨ́vɨri rupi, jare o reta jöke rupi, nerëtaɨgua reta opuka ndekotɨ jei reta reve oyoupe: ‘Peyu, yaja yayeapɨsaka yandeYa iñee re, mbae ra jeita.’

AMÓS 8:12

Matɨ rupi ko oeka reta tëita yandeYa iñee; ɨvɨtuguasu güive kuaraɨ oëa kotɨ; ërei mbaetɨta oväe chupe.

MIQUEAS 3:7

Jókuae ñeemombeúa reta imarata opɨta, maratuta vae imombeúa reta jopata; jare opaete kuae reta kïriita opɨta, echa Tumpa mbaetɨ omboyevɨ ñee chupe reta.

San Mateo 3:7

Jare oecha jeta fariseo reta jare saduceo reta yogüeru Juan oporombobautisa oïa pe yave, jei chupe reta: “Pe reta ko jae mboi reta rami. ¿Kia pa omombeu peve peyerova vaerä Tumpa kotɨ, agüɨye vaerä jae oiporarauka peve?

San Lucas 3:7

Jare Juan jei jeta vae yogüeru oyembobautisauka vaerä chupe vae reta pe: “Pe reta ko jae mboi reta rami. ¿Kia pa omombeu peve peyerova vaerä Tumpa kotɨ agüɨye vaerä jae oiporarauka peve?

San Juan 4:24

Tumpa ko jae Espíritu. Omboete vae reta, tomboete Espíritu rupi jare añete rupi kavi.

1 SAMUEL 28:6

Jayave oparandu yandeYa pe; ërei yandeYa mbaetɨ omombeu chupe mbaɨu rupi, Urim rupi, ani ñeemombeúa reta rupi ave.