EZEQUIEL 2:8 - Biblia Guarani Tumpa Iñee

⁸ Ërei nde kuimbae, eyeapɨsaka che jae ndeve vae re, agüɨye neñeereenduä jae reta iñeereenduä rami, eyurupeka jare jeu ameeta ndeve vae.”

EZEQUIEL 2:8 ပူးပေါင်းရင်းမြစ်များ

SALMOS 105:28

Ombou pɨtumimbi, opaetei oyembopɨtumimbi vaerä Egipto pe, ërei mbaetɨ oendu reta chupe.

ISAÍAS 50:5

YandeYa Tumpa omee arakuaa katu cheve, jare mbaetɨ ayembopɨapochɨ, mbaetɨ ayerova ye cheraɨkue kotɨ chugüi.

ISAÍAS 8:11

YandeYa chepɨɨ täta, jare cheokuai agüɨye vaerä amomoe kuae tëta oyapogüe. Jei cheve:

JEREMÍAS 13:2

Javoi che agua kuakuaa, yandeYa cheokuai rami jare añono chekúa re.

JEREMÍAS 15:16

Nde chemomiari yave che amboresive, aipɨɨ kavi cheyeupe neñee reta; jae ko chembopɨakatu vae jare chemboyerovia vae, echa che ndembae ko, cheYa Tumpa Imbaepuere yae ete vae.

EZEQUIEL 12:2

“Nde kuimbae, reiko ipɨapochɨ vae reta ipɨte pe. Oime tëi jesa reta omae reta vaerä, ërei mbaetɨ oecha reta; oime tëi iyapɨsa reta, oendu reta vaerä, ërei mbaetɨ oendu reta, echa ipɨapochɨ vae reta ko.

EZEQUIEL 12:7

Jare che ayapo Tumpa cheokuai rami, ara pe etei ayupavo chembaembae ndive tembipɨɨrä oyereraja ïru ɨvɨ pe vae rami. Kaaru yave amombu ovapetea tëta ikësea; jare jäve jäve ma yave aë jokoropi opaete vae jovake.

EZEQUIEL 3:10

Jei ye cheve: “Nde kuimbae, eyeapɨsaka kavi opaete jaeta ndeve vae re, jare eñovatu ndepɨa pe.

EZEQUIEL 33:7

Añave nde kuimbae, che roñono sundaro ɨvate güi omae vae rami, Israel iñemuña reta peguarä. Reenduta cheñee jare remombeuta chupe reta cheree re.

EZEQUIEL 40:4

Jókuae kuimbae jei cheve: “Nde kuimbae, emae jare eyeapɨsaka kavi, agüɨye neakañɨ opaete aechaukata ndeve vae güi, echa jaerä ko ndereru kuae pe. Kuae reecha vae re nemiari Israel iñemuña reta pe.”

LEVÍTICO 10:3

Jayave Moisés jei Aarón pe: —Körai voi ko yandeYa jei: “Chekotɨ yogüeru vae pe aechaukata che ko jae iyoambae, jare Israel iñemuña reta jóvai ayemboeteukata.” Jare Aarón kïrii opɨta.

JONÁS 1:3

Ërei Jonás opüa otekuarai vaerä yandeYa güi tëta Tarsis kotɨ, jare ojo tëta Jope kotɨ, joko pe oväe metei barco ojota oï Tarsis kotɨ vae; oyemboepɨ jare oyeupi pɨpe ojo vaerä jae reta ndive Tarsis kotɨ, mombɨrɨ yandeYa güi.

NÚMEROS 20:24

“Aarón omanota ma, ngaraa oike Israel iñemuña reta pe ɨvɨ amee vae pe, peyembopɨapochɨ cheporookuai kotɨ Meriba pe jeko pegua.

1 Pedro 5:3

agüɨye peyemboiya etei peyangareko jese vae reta re, jaeño peechauka ikavi chupe reta.

Apocalipsis 10:9

Jayave aja araɨgua kotɨ jare jae chupe omee vaerä cheve jókuae tembikuatía michi vae. Jare jei cheve: “Eipɨɨ jare opa jeu, jare omboirota nderɨe, ërei ndeyuru pe jëeta ei rami.”